ព័ត៌មានជាតិ
មន្ទីររាជធានីខេត្ត ត្រូវបញ្ជូនឈ្មោះបេក្ខភាពប្រឡងបាក់ឌុបត្រឹមថ្ងៃទី៣០វិច្ឆិកា
លោកបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជននិងកីឡា បានកំណត់ឱ្យមន្ទីរអប់រំយុវជននិងកីឡាទាំង ២៥ រាជធានីខេត្តបញ្ជូនបញ្ជីឈ្មោះបេក្ខភាពប្រឡងសញ្ញាបត្រមធ្យមសិក្សាទុតិយភូមិឬបាក់ឌុបយ៉ាងយូរបំផុតត្រឹមថ្ងៃទី៣០ ខែវិច្ឆិកា ឆ្នាំ២០២១។
ការណែនាំកំណត់របស់លោករដ្ឋមន្ត្រីក្រសួងអប់រំនេះ បានធ្វើឡើងនៅក្នុងប្រជុំពីចម្ងាយ (Zoom meeting) ស្ដីពីការពិនិត្យវឌ្ឍនភាពនៃការរៀបចំការប្រឡងសញ្ញាបត្រមធ្យមសិក្សាទុតិយភូមិសម័យប្រឡង ៖ ២៧ ធ្នូ ២០២១ កាលពីម្សិលមិញ។
បើតាមលោក ង៉ែត ឡឹង ប្រធានមន្ទីរអប់រំ យុវជននិងកីឡាខេត្តកោះកុង ដែលបានដឹកនាំក្រុមការងារការិយាល័យមធ្យមសិក្សាចំណេះទូទៅ និងប្រឡង និងការិយាល័យ.សុខភាពសិក្សា ចូលរួមប្រជុំពីចម្ងាយ (Zoom meeting) បានមានប្រសាសន៍ថា នៅក្នុងកិច្ចប្រជុំនោះលោកបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានកំណត់ឱ្យថ្នាក់ដឹកនាំមន្ទីរអប់រំយុវជននិងកីឡាទាំង២៥រាជធានីខេត្ត ត្រូវសហការពន្លឿនបញ្ជូនបញ្ជីឈ្មោះគណៈកម្មការមេប្រយោគទាំងមណ្ឌលសំណេរ និងកំណែ និងបញ្ជីបេក្ខភាពប្រឡងដោយមានរូបថតគ្រប់គ្រាន់មកនាយកដ្ឋានជំនាញកិច្ចការប្រឡង យ៉ាងយូរបំផុតត្រឹមថ្ងៃទី៣០ ខែវិច្ឆិកា ឆ្នាំ២០២១។
ជាមួយនេះដែរ លោករដ្ឋមន្ត្រីបានសម្រេចតម្លើងលក្ខខណ្ឌអាយុ៥៥ឆ្នាំ ដល់គណៈកម្មការមេប្រយោគ ប៉ុន្តែត្រូវមានសុខភាពល្អ។ ចំណែកបុគ្គលិកអប់រំមានជំងឺប្រចាំកាយ ដូចជាលើសឈាម ទឹកនោមផ្អែម ជាដើម មិនអនុញ្ញាតឱ្យចូលរួមជាគណៈកម្មការឡើយ ទោះបីមានអាយុក្រោមលក្ខខណ្ឌក្ដីនិងបេក្ខភាពប្រឡងត្រូវតែបញ្ចប់ និងសម្អាតត្រឹមថ្ងៃទី៣០ ខែវិច្ឆិកា ឆ្នាំ២០២១ជាកំណត់ រាជធានី ខេត្តត្រូវទទួលខុសត្រូវនិងដោះស្រាយជាមួយបេក្ខជនចំពោះបញ្ហាដកបេក្ខភាពប្រឡង។
ទន្ទឹមនឹងនេះ លោករដ្ឋមន្ត្រីបានណែនាំឱ្យយកចិត្តទុកដាក់លើបញ្ហាសុខភាពជាចម្បងពិសេសគណៈកម្មការមេប្រយោគ និងបេក្ខជន។ចំពោះគណៈកម្មការដែលរកឃើញវិជ្ជមានកូវីដ១៩មុនថ្ងៃប្រឡង និងកំពុងដំណើរការប្រឡង មិនអនុញ្ញាតឱ្យបំពេញភារកិច្ចឡើយ។ ដោយឡែកបេក្ខជនដែលវិជ្ជមានជំងឺកូវីដ១៩ក្រសួងកំពុងពិចារណាក្នុងការរៀបចំឱ្យប្រឡងបែបណា ឬដកមិនឱ្យប្រឡង នឹងប្រជុំពិភាក្សាគ្នាបន្តបន្ទាប់ទៀត។
គួរបញ្ជាក់ថា ពីដំបូងឡើយក្រសួងអប់រំយុវជននិងកីឡា គ្រោងរៀបចំការប្រឡងបាក់ឌុបនៅថ្ងៃទី៦ធ្នូ។ ប៉ុន្តែក្រោយមកបានរំកិលទៅធ្វើនៅថ្ងៃទី២៧ធ្នូវិញ ដើម្បីឱ្យសិស្សមានពេលវេលាសិក្សាបានច្រើន៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)