យុទ្ធនាការដោះស្រាយទំនាស់ នៅខេត្តកំពង់ឆ្នាំង បិទបញ្ចប់ជាមួយលទ្ធផលគាប់ប្រសើរ

អាជ្ញាធរខេត្តកំពង់ឆ្នាំង បានប្រកាសបិទបញ្ចប់យុទ្ធនាការដោះស្រាយទំនាស់ និងសំណូមពរនានារបស់ប្រជាពលរដ្ឋ នៅស្រុកកំពង់លែង ខេត្តកំពង់ឆ្នាំង។

លោក ស៊ុន សុវណ្ណារិទ្ធ អភិបាលខេត្តកំពង់ឆ្នាំងបានឱ្យដឹងថា ក្រោយពីទទួលបានអនុសាសន៍ របស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជណាចក្រកម្ពុជា អាជ្ញាធរខេត្ត បានចាត់ឱ្យ អភិបាលរងខេត្ត និងមន្ត្រីជំនាញចុះដោះស្រាយទំនាស់ និងសំណួមនានារបស់ប្រជាពលរដ្ឋ ទាំង ៨ ស្រុកក្រុង ចាប់ពីថ្ងៃទី០១ ខែវិច្ឆិកា ដែលគិតមកដល់ពេលនេះ បានដោះស្រាយចំនួន ៥៣៣ ករណី ក្នុងចំណោមទំនាស់ និងសំណូមពរចំនួន ៧១៦ករណី។

លោក ស៊ុន សុវណ្ណារិទ្ធ បញ្ជាក់ថារាល់សំណុំរឿង និងសំណូមពររបស់ប្រជាពលរដ្ឋនៅ ស្រុក-ក្រុងផ្សេង ទៀត ដែលនៅសល់ នឹងលើកយកមកដាក់ពិភាក្សាគ្នានៅថ្ងៃទី ៣០ ខែវិច្ឆិកាខាងមុខនេះ ក្រោមអធិបតីភាពលោក អ៊ុក រ៉ាប៊ុន រដ្ឋ មន្ត្រីក្រសួងអភិវឌ្ឍន៍ជនបទ៕

អត្ថបទៈ ឈៀងថារិទ្ធ