ព័ត៌មានជាតិ
ជនសង្ស័យ ៤៧ នាក់ពាក់ព័ន្ធករណីទន្ទ្រានដីព្រៃលិចទឹក នៅសៀមរាប ត្រូវបានបញ្ជូនទៅតុលាការ
អាជ្ញាធរខេត្តសៀមរាប នៅថ្ងៃទី ៣០ ខែវិច្ឆិកា បានកសាងសំណុំរឿង បញ្ជូនជនសង្ស័យ ចំនួន ៤៧ នាក់ ពាក់ព័ន្ធករណីទន្ទ្រានដីព្រៃលិចទឹក។
កម្លាំងចម្រុះបានចុះពិនិត្យមើលព្រៃលិចទឹក និងកន្លែងដែលជនខិលខូចបានកាប់ទន្ទ្រានយកធ្វើជាកម្មសិទ្ធ។
លោក ទៀ សីហា អភិបាលខេត្តសៀមរាប បានឱ្យដឹងថា ជនដែលបានកាប់ទន្ទ្រានដីព្រៃលិចទឹកត្រូវបានអាជ្ញាធរកសាងសុំនុំរឿងបញ្ជូនទៅតុលាការជាបន្តបន្ទាប់ ខណៈរូបលោកបានដឹកនាំកម្លាំងចម្រុះចុះពិនិត្យមើលព្រៃលិចទឹក និងទីតាំងកាប់ទន្ទ្រានក្នុងភូមិសាស្ត្រខេត្តសៀមរាប។
លោកអភិបាលខេត្តបានឱ្យដឹងថា ខេត្តសៀមរាបមានក្រុង-ស្រុក ចំនួន០៦បានជាប់នៅបឹងទន្លេសាប មានស្រុកក្រឡាញ់ ស្រុកពួក ក្រុងសៀមរាប ស្រុកប្រាសាទបាគង ស្រុកសូទ្រនិគម និងស្រុកជីក្រែង ដែលមានផ្ទៃដីជាង១២៦ពាន់ហិកតា។
នៅក្នុងភូមិសាស្រ្តក្រុងសៀមរាបមានដី ព្រៃលិចទឹកដែលជនខិលខូចបានកាប់ទន្ទ្រានចំនួន១០០ ហិកតា ដែលមានជនសង្ស័យចំនួន ៤៧ នាក់ត្រូវបានអាជ្ញាធរកសាងសុំនុំរឿងបញ្ជូនទៅតុលាការហើយ។
ដោយឡែកសម្រាប់នៅក្នុងភូមិសាស្រ្តស្រុកផ្សេងៗទៀត ក្រុមការងារកំពុងតែចុះពិនិត្យមើលជាក់ស្តែង។
លោកបន្តថា ព្រៃលិចទឹកនេះមានសារៈសំខាន់ណាស់សម្រាប់ជម្រកត្រី និងជីវៈចម្រុះនៅក្នុងបឹងទន្លេសាប។ ដូច្នេះបើសិនជាបាត់បង់ព្រៃលិចទឹក និងធ្វើឱ្យប៉ះពាល់យ៉ាងច្រើនដល់ជីវៈចម្រុះ ជាពិសេសទិន្នផលត្រី និងមានការថយចុះ៕
អត្ថបទៈ គឿន វេត
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?