ព័ត៌មានជាតិ

ប្រជាពលរដ្ឋអស់ក្ដីបារម្ភទៀតហើយ ពេលមានផ្លូវវាងសម្រាប់ធ្វើដំណើរ

បានផុស

២ years មុន

នៅ

ថ្ងៃពុធ ៨ ធ្នូ ២០២១

ដោយ

ក្រោយពីច្រាំងទន្លេបាក់ស្រុតកពីអំឡុងខែវិច្ឆិកាកន្លងទៅ បានបង្កឲ្យមានការព្រួយបារម្ភពីប្រជាពល រដ្ឋ មួយចំនួនទៅប្រកបរបររកស៊ីនៅផ្សារវត្តជ្រឹង នឹងធ្វើដំណើរទៅ ភូមិស្ដៅ ឬកងតាណឹង ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តែពេលនេះប្រជាជនអស់ក្ដីបារម្ភទៀតហើយ ព្រោះធ្វើផ្លូវវាងមួយទៀតដែលស្ថិតនៅខាងជើងវត្តពាមមង្គល សម្រាប់ឲ្យប្រជាជនធ្វើដំណើរឆ្លងកាត់ទៅមកផងដែរ។

តាមការឲ្យដឹងពី លោកមេឃុំរកាកោងទី១ម៉ែន សុំ បានឲ្យដឹងថា ក្រោយពីផ្លូវច្រាំងទន្លេត្រូវបាក់ស្រុតនោះ យើងក៏បានធ្វើផ្លូវវាងមួយទៀត សម្រាប់ឲ្យប្រជាជនធ្វើដំណើរដែរ និយាយរួមទៅគឺផ្លូវបែកជា៤ មានចម្ងាយ៤គីឡូម៉ែត្រ ចេញពីស្ថានីយបូមទឹក រហូតមកដល់ផ្លូវបេតុង ខាងជើងវត្តពាមមង្គលកាលពីអំឡុងបាក់ច្រាំងទន្លេ ប្រជាជនយើងមិនអាចធ្វើដំណើរបានទេ។ ឥឡូវនេះគេបានជួសជុលរួចរាល់ហើយ ប្រជាពលរដ្ឋយើងអាចធ្វើដំណើរបានធម្មតាហើយ តែបានចំពោះរថយន្តធុនតូចទេ។ ឯរថយន្តធំៗបើកបានគឺតាមផ្លូវវាង ហើយផ្លូវវាងនោះបានធ្វើឡើងនៅចុងឆ្នាំ២០២០ គឺដើម្បីស្តាប្រឡាយផងនិងយកអាចម៍ដីធ្វើផ្លូវផង។

តាមការឲ្យដឹង ពីលោកមេឃុំបញ្ជាក់ទៀតថា ការចំណាយថវិកាធ្វើផ្លូវវាងនិងផ្លូវច្រាំងទន្លេ គឺជាកញ្ចប់ថវិការបស់ ក្រសួងធនធានទឹក។

ពាក់ព័ន្ធផ្លូវវាងនេះ ប្រជាជនប្រកបរបរអាជីវកម្មចិញ្ចឹមជីវិតរាល់ថ្ងៃ អ្នកមីង ឈឹម សារឿនបានឲ្យដឹងថាខ្ញុំដំបូងខ្ញុំអស់សង្ឃឹមហើយ។ តែពេលឮដំណឹងថាផ្លូវទៅរកស៊ីរាល់ថ្ងៃត្រូវបាក់ ព្រោះខ្ញុំទៅលក់ខោ.អាវជជុះនៅផ្សាស្តៅរជិតវត្តជ្រឹងរាល់ថ្ងៃ ពេលឮសូរថាផ្លូវត្រូវខូចបាក់ច្រាំងខ្ញុំព្រួយបារម្ភណាស់ដែរ ព្រោះគិតថា ជាផ្លូវត្រូវទៅរកស៊ីរាល់ថ្ងៃ។ តែពេលនេះខ្ញុំអស់ក្ដីកង្វល់ទៀតហើយ ព្រោះយើងមានផ្លូវថ្មីមួយទៀតដែរ ព្រោះរដ្ឋាភិបាលបានធ្វើផ្លូវវាងមួយទៀតឲ្យប្រជាជនធ្វើដំណើរហើយ។ ខ្ញុំសូមអរគុណដល់រដ្ឋាភិបាលជាអនេកដែលលោកបានយកចិត្តទុកដាក់ដឹងសុខទុក្ខដល់ប្រជាជន។

ទោះបីផ្លូវនៅមាត់ច្រាំងទន្លេកំពុងរងគ្រោះដោយការខូចខាតពីទឹកទន្លេក្តី ពេលនេះក៏មានការជួសជុលឡើងវិញពីក្រសួងធនធានទឹកជួសជុលរួចរាល់ហើយប្រជាជនយើងក៏អាចធ្វើចរាចរ ឆ្លងកាត់បានធម្មតាលើកលែងតែ រថយន្តធុនធ្ងន់មិនអាចឆ្លងកាត់បានឡើយ ត្រូវទៅតាមផ្លូវវៀងវិញ។ ហើយពេលនេះក្រសួងធនធានទឹកកំពុងធ្វើការសិក្សាបន្តទៀត ដើម្បីធ្វើផ្លូវចាក់បេតុងផងដែរ៕

ដោយ ៖ រុងរឿង