ព័ត៌មានជាតិ
ផ្លូវមួយខ្សែនៅសង្កាត់អូរប្ញស្សី៣ អាជ្ញាធរប្រើពេលមួយថ្ងៃអ៊ុតកៅស៊ូឲ្យរួច
ភ្នំពេញ៖ អនុវត្តទៅតាមការណែនាំរបស់លោក ឃួង ស្រេង អភិបាលរាជធានីភ្នំពេញ រដ្ឋបាលសង្កាត់អូរប្ញស្សី៣ ខណ្ឌ៧មករា បានធ្វើសកម្មភាពជួសជុលជង្ហុកសំបុកមាន់ ដោយអ៊ុតកៅស៊ូប្រភេទAC លើកំណាត់ផ្លូវលេខ១៦៤ ដើម្បីលើកកម្ពស់សោភណ្ឌភាពរាជធានីភ្នំពេញឲ្យកាន់តែល្អប្រសើរ និងដើម្បីសម្រួលដល់ការប្រកបរបរកទទួលទានជាប្រចាំថ្ងៃរបស់ប្រជាពលរដ្ឋ ក៏ដូចជាការធ្វើដំណើរទៅមកនៅក្នុងមូលដ្ឋានសង្កាត់អូរប្ញស្សី៣ ខណ្ឌ៧មករា។
មន្ត្រីរដ្ឋបាលសង្កាត់អូរប្ញស្សី៣បានឲ្យដឹងថា ការជួសជុលជង្ហុកសំបុកមាន់លើកំណាត់ផ្លូវលេខ១៦៤នេះ គឺចាប់អនុវត្តពីផ្លូវសុខហុក ដល់មហាវិថី អ៊ុងប៉ូគុណ (ផ្លូវលេខ១០៩ ) មានប្រវែងជាង ២២៥ ម៉ែត្រ ដោយធ្វើការបាញ់សម្អាត កាយយកដីស្អុយពីកន្លែងមានជង្ហុក សំបុកមាន់ ដែលធ្លាប់ដក់ទឹក កាលពីរដូវវស្សា។ នេះជាគម្រោងវិនិយោគ៣ឆ្នាំរំកិលរបស់សង្កាត់។
មន្ត្រីជំនាញដែលចុះដឹកនាំការអនុវត្តការងារបាញ់សម្អាត ជួលជុសនិងអ៊ុតកៅស៊ូ AC លើកំណាត់ផ្លូវខាងលើនេះ បានប្រាប់ឲ្យដឹងបន្តថា ការជួលជុសនិងអ៊ុតកៅស៊ូលើផ្លូវនេះ ជាគម្រោងរបស់រដ្ឋបាលសង្កាត់អូរប្ញស្សី៣ ក្នុងខណ្ឌ៧មករា ដោយអ៊ុតកៅស៊ូ AC កម្រាស៥សង់ទីម៉ែត្រ។
ដើម្បីកាត់បន្ថយផលប៉ះពាលចំពោះបងប្អូនដែលមានមុខរប ឬ អាជីវកម្មផ្សេងៗនៅលើកកំណាត់ផ្លូវនេះ អាជ្ញាធរត្រូវជំរុញឲ្យក្រុមការងារមន្ត្រីជំនាញពន្លឿនលើកិច្ចការនេះឲ្យបានឆាប់រួចរាល់បំផុត ដោយនាធាបានទាំងគុណភាពដែលអាចទទួលយកបានផងដែរ។
ការរដ្ឋានជួសជុលកំណាត់ផ្លូវលេខ១៦៤នេះ ប្រើប្រាស់ពេលត្រឹមតែ១ថ្ងៃប៉ុណ្ណោះ ពោលគឺចាប់ផ្តើមនៅពេលព្រឹកនិងបានបញ្ចប់រួចរាល់នៅល្ងាចថ្ងៃទី២១ខែធ្នូនេះ ដើម្បីសម្រួលដល់ការប្រកបរបរកទទួលទាន របស់បងប្អូនប្រជាពលរដ្ឋដែលកំពុង រស់នៅអមសងខាងផ្លូវនេះ និងសម្រួលដល់លំហូរនៃការធ្វើចរាចរណ៍ទៅមក របស់ប្រជាពលរដ្ឋក្នុងមូលដ្ឋាន សង្កាត់ចំនួន៤ គឺសង្កាត់មនោរម្យ អូរប្ញស្សី២ អូប្ញស្សី៣ និង សង្កាត់វាលវង់ផងដែរ ។
កន្លងមកលោក ឃួង ស្រេង អភិបាលរាជធានីភ្នំពេញ តែងបានជំរុញដល់អាជ្ញាធរខណ្ឌទាំង១៤ សង្កាត់ទាំង១០៥ យកចិត្តទុកដាក់លើកការងារថែទាំនិងជួសជុសផ្លូវជង្ហុកសំបុកមាន់ ដែលមាននៅក្នុងមូលដ្ឋានរៀងៗខ្លួន ដើម្បីសម្រួលការធ្វើចរាចរណ៍ និងការប្រកបរបរកស៊ីប្រចាំថ្ងៃរបស់បងប្អូនប្រជាពលរដ្ឋ ឲ្យបានកាន់តែល្អប្រសើរថែមមួយកម្រិតទៀត៕
អត្ថបទ៖ ស្រីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង