ព័ត៌មានជាតិ

ខ្មឹប ប្រុងលោតទឹកសម្លាប់ខ្លួន ដោយសារវិបត្តិផ្លូវចិត្ត

បានផុស

៥ years មុន

នៅ

ថ្ងៃអង្គារ ៨ ធ្នូ ២០២០

ដោយ

ខ្មឹបអតីតតារាកំប្លែង នឹងត្រូវជាប្រពន្ធនាយហុងដា បង់លោតទឹកសម្លាប់ខ្លួន ព្រោះវិបត្តិផ្លូវចិត្តធ្ងន់ធ្ងរ នៅស្ពានជ្រោយចង្វាចាស់ ប៉ុន្តែមិនបានសម្រេច ដោយសារមានពលរដ្ឋឃាត់ទាន់ពេលវេលា កាលពីវេលាម៉ោង១២និង៣០នាទីរំលងអាធ្រាត្រឈានចូលថ្ងៃទី៨ខែធ្នូ ឆ្នាំ២០២០ តាមបណ្តោយផ្លូវជាតិលេខ៦នៅចំណុចលើស្ពានជ្រោយចង្វាចាស់ ស្ថិតនៅក្នុងសង្កាត់ស្រះចក ខណ្ឌដូនពេញ។

តាមប្រភពព័ត៌មានពីអ្នកជិះម៉ូតូកាត់តាមបណ្តោយផ្លូវលើស្ពានជ្រោយចង្វា បានឲ្យដឹងថា មុនពេលកើតហេតុ គេបានឃើញស្ត្រីម្នាក់ដែលគេធ្លាប់ស្គាល់ថា ជាអតីតតារាកំប្លែងជើងចាស់ គឺនាងខ្មឹបបានដើរឡើងស្ពានទាំងទឹកភ្នែករួចហើយ បានពាក់កណ្តាលស្ពានស្រាប់តែឈរយំមួយសន្ទុះរួចហើយក៏តោងបង្កាន់ដៃស្ពានបម្រុងនឹងលោតចូលទឹកទន្លេ ចៃដន្យអីត្រូវបានគេតាមទាន់រត់ចូលទៅចាប់ហើយទាញចុះមកក្រោម។

អតីតកូនស្រីតារាកំប្លែងនាយ ជីវ៉ាន់ ស៊ុយ រូបនេះបានរៀបរាប់ទាំងទឹកភ្នែកថា ខ្លួនទើបតែចេញមកពីមណ្ឌលកែប្រែហើយមិនមានអ្នកណាម្នាក់អើពើនឹងជួយសុខទុក្ខនោះទេ សូម្បីតែទៅជួលផ្ទះគេក៏គេមិនជួលឲ្យដែរ មិនដឹងថាស្នាក់នៅកន្លែងណានឹងទីពឹងអ្នកណានោះទេ ទើបសម្រេចចិត្តគិតខ្លីលោតទឹកសម្លាប់ខ្លួនបញ្ចប់ជីវិតតែម្តងទៅ។ ជាចុងក្រោយនាងខ្មឹបគ្រាន់តែចង់ឲ្យមានគេហៅទៅសម្តែងនឹងច្រៀងតាមភោជនីយដ្ឋានតែប៉ុណ្ណោះ៕