ព័ត៌មានជាតិ
រដ្ឋាភិបាលបានចេញវិធានការ ១០ ជុំ ទ្រទ្រង់សេដ្ឋកិច្ចកម្មករ កំឡុងវិបត្តិកូវីដ-១៩
លោក បណ្ឌិត អ៊ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈបានអះអាងថា រាជរដ្ឋាភិបាលបានដាក់ចេញនូវកញ្ចប់វិធានការជាបន្តបន្ទាប់ចំនួន ១០ ជុំ រួចមកហើយ ដើម្បីទ្រទ្រង់នូវសកម្មភាពសេដ្ឋកិច្ច និងរក្សាស្ថិរភាពប្រាក់ចំណូល របស់កម្មករនិយោជិតនៅក្នុងកំឡុងពេលមានវិបត្តិជំងឺកូវីដ-១៩។
ថ្លែងនៅក្នុងជំនួបជាមួយ លោក Patrice Vignes នាយកគ្រប់គ្រងប្រចាំប្រទេស របស់ក្រុមហ៊ុន ឌីលីវើរី ហេរ៉ូ (ខេមបូឌា) ឯ.ក (foodpanda) នៅព្រឹកថ្ងៃទី ២៣ ខែធ្នូនេះ លោករដ្ឋមន្ត្រីបានលើកឡើងពីការប៉ះពាល់ដោយសារជំងឺកូវីដ-១៩ ដែលបានធ្វើឱ្យរាំងស្ទះនូវដំណើរការអាជីវកម្មមួយចំនួនធំ។
លោករដ្ឋមន្ត្រីបានបន្តថា ក្នុងការដោះស្រាយបញ្ហានេះ រាជរដ្ឋាភិបាលបានដាក់ចេញនូវកញ្ចប់វិធានការចំនួន ១០ ជុំ រួចមកហើយ ក្នុងនោះសម្រាប់វិស័យការងារ បានអនុវត្តវិធានការដោះស្រាយផលប៉ះពាល់ រួមមាន៖ ការអនុញ្ញាតឱ្យរោងចក្រ សហគ្រាស ដែលរងផលប៉ះពាល់ អាចព្យួរកិច្ចសន្យាការងារ, កម្មករនិយោជិតទទួលបានប្រាក់ជំនួយឧបត្ថម្ភ និងការបណ្តុះបណ្តាលជំនាញទន់, និយោជកទទួលបានការអនុគ្រោះចំពោះកាតព្វកិច្ចមួយចំនួន, ការលើកលែងបង់ភាគទានជាដើម។
លោករដ្ឋមន្ត្រីបានបន្ថែមថា ដើម្បីបង្កភាពងាយស្រួលដល់វិស័យឯកជន ក្រសួងការងារ បានដាក់ឱ្យដំណើរការការផ្ដល់សេវាសាធារណៈ តាមប្រព័ន្ធស្វ័យប្រវត្តិកម្ម ដោយមិនចាំបាច់ចំណាយថ្លៃធ្វើដំណើរ ទទួលសេវាបានឆាប់រហ័ស កាត់បន្ថយការចំណាយ និងបង្ការហានិភ័យនៃការចម្លងមេរោគកូវីដ-១៩ ព្រមទាំងជួយដល់ការគ្រប់គ្រងព័ត៌មាន និងទិន្នន័យកម្មករនិយោជិតសម្រាប់រោងចក្រ សហគ្រាស។
ជាមួយនេះក្រសួង ក៏បានជំរុញការអភិវឌ្ឍរបបសន្តិសុខសង្គម ដោយពង្រីកការអនុវត្តរបបសន្តិសុខសង្គមផ្នែកហានិភ័យការងារ, ផ្នែកថែទាំសុខភាព, ការរៀបចំ និងដាក់ឱ្យដំណើរការរបបប្រាក់សោធន, និងការពង្រឹងការអនុវត្តរបបសន្តិសុខសង្គមលើវិស័យសេដ្ឋកិច្ចក្រៅប្រព័ន្ធ។ ទន្ទឹមនឹងនេះ ក៏កំពុងតែរៀបចំគោលការណ៍ប្រតិបត្តិស្តង់ដារស្តីពីការដំណើរការ និងគ្រប់គ្រងរោងចក្រ សហគ្រាសតាមគន្លងប្រក្រតីភាពថ្មីក្នុងបរិបទនៃជំងឺកូវីដ-១៩ផងដែរ។
ពាក់ព័ន្ធនឹងក្រុមហ៊ុន Foodpanda វិញ លោករដ្ឋមន្ត្រីបានវាយតម្លៃខ្ពស់ចំពោះក្រុមហ៊ុន ដែលបានធ្វើការវិនិយោគបង្កើតសេវាបែបនេះនៅក្នុងប្រទេសកម្ពុជា។ លោករដ្ឋមន្ត្រីចាត់ទុកការវិនិយោគនេះ ពិតជាបានចូលរួមអភិវឌ្ឍសេដ្ឋកិច្ចកម្ពុជា ការផ្តល់ការងារដល់យុវជន និងជាការនាំមកនូវសេវាថ្មីមួយទៀតចូលមកកម្ពុជាផងដែរ។ ឯកឧត្តមរដ្ឋមន្ត្រីបានលើកឡើងថា នៅក្នុងដំណាក់កាលកូវីដ-១៩ ក្រុមហ៊ុនបានផ្តល់ការផ្គត់ផ្គង់អាហារមកដល់ពលរដ្ឋកម្ពុជាបានយ៉ាងល្អ។
លោកនាយកគ្រប់គ្រងប្រចាំប្រទេស បានថ្លែងអំណរគុណដល់ក្រសួងការងារ និងបណ្តុះបណ្តាលវិជ្ជាជីវៈ ដែលបានយកចិត្តទុកដាក់មកលើកម្មករនិយោជិតក្នុងការចាក់វ៉ាក់សាំងជូនដល់ពួកគាត់ ជាពិសេសបុគ្គលិករបស់ foodpanda ក៏ទទួលបានការចាក់វ៉ាក់សាំងពីខាងក្រសួងដែរ អំឡុងបើកយុទ្ធនាការដំបូង “ការចាក់វ៉ាក់សាំងជូន សហជីព និយោជក និងកម្មករនិយោជិត។
លោកនឹងប្តេជ្ញាចិត្តធ្វើការវិនិយោគកាន់តែធំជាងនេះបន្ថែមទៀត ដោយមានផែនទីបង្ហាញផ្លូវបង្កើតជាប្រព័ន្ធស្តង់ដារមួយ ឱ្យមានការគាំទ្រពីអ្នកប្រើប្រាស់សេវាឱ្យកាន់តែច្រើនបន្ថែមទៀត។ លោកបានបន្តថា Foodpanda ចាប់ផ្តើមសេវាដឹកជញ្ជូនគ្រឿងទេស និងដឹកជញ្ជូនម្ហូបអាហារទូទៅ ដោយមានបុគ្គលិកប្រមាណ ៨ ០០០ នាក់ និងត្រូវការកម្លាំងពលកម្មបន្ថែមទៀតនាពេលខាងមុខ៕
អត្ថបទ៖ សំអឿន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៧ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore