ព័ត៌មានជាតិ

សម្តេចតេជោ ហ៊ុន សែន នឹងអញ្ជើញសម្ពោធជាផ្លូវការអគាររដ្ឋបាលទីស្តីការក្រសួងការពារជាតិនៅព្រឹកថ្ងៃទី២៩ ខែធ្នូស្អែកនេះ

បានផុស

៥ ខែ មុន

នៅ

ថ្ងៃអង្គារ ២៨ ធ្នូ ២០២១

ដោយ

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានឹងអញ្ជើញជាអធិបតីភាពដ៏ខ្ពស់ខ្ពស់ពិធីសម្ពោធដាក់ឱ្យប្រើប្រាស់ជាផ្លូវការអគាររដ្ឋបាល និងសាលប្រជុំទីស្តីការក្រសួងការពារជាតិនៅព្រឹកថ្ងៃពុធទី២៩ខែធ្នូ ឆ្នាំ២០២១ ចំថ្ងៃនៃខួប ២៣ឆ្នាំ នៃទិវានយោបាយឈ្នះឈ្នះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចនាយករដ្ឋមន្ត្រី ហ៊ុន សែន បានមានប្រសាសន៍កាលពីថ្ងៃទី៨ខែវិច្ឆិកា ឆ្នាំ២០២១ ក្នុងពិធីសម្ពោធអគារក្រសួងរៀបចំដែនដីនគរូបនីយកម្មនិងសំណង់ថាក្រសួងការពារជាតិនឹងត្រូវសម្ពោធដាក់ឱ្យប្រើប្រាស់នៅថ្ងៃទី២៩ ខែ ធ្នូ ឆ្នាំ២០២១ ដែលចំនឹងខួបលើកទី២៣ នៃការបិទបញ្ចប់ភ្លើងសង្គ្រាមនៅកម្ពុជា។

យោងតាមរបាយការណ៍ក្រសួងការពារជាតិបានឲ្យដឹងថា អគាររដ្ឋបាលនៃទីស្ដីការក្រសួងការពារជាតិថ្មីនេះមានទទឹងប្រវែង ២៨ ម៉ែត្រ,បណ្ដោយប្រវែង ១៩១ ម៉ែត្រមានកម្ពស់ ៣២ ម៉ែត្រនិងមានចំណតរថយន្តនៅក្រោមដីដែលអាចចតរថយន្តបានរហូតដល់ទៅ១៥០គ្រឿង។ អគាររដ្ឋបាលនៃក្រសួងការពារជាតិថ្មីនេះបានបើកការដ្ឋានសាងសង់កាលពីថ្ងៃទី៣០ ខែមិថុនា ឆ្នាំ២០១៨ ដែលតាមគម្រោងផែនការសាងសង់មានរយៈពេល៣៦ ខែ នឹងបញ្ចប់ការសាងសង់នៅថ្ងៃទី ៣០ខែមិថុនាឆ្នាំ២០២១។ ប៉ុន្តែដោយសារវិបត្តិ ជំងឺកូវីដ១៩ការសាងសង់ត្រូវបានស្នើសុំពន្យារពេលកិច្ចសន្យារយៈពេល ៤ ខែបន្ថែមទៀតដូច្នេះការដ្ឋានត្រូវពន្យារពេលរហូតដល់ថ្ងៃទី ៣១ ខែតុលា ឆ្នាំ២០២១ទើបបានបញ្ចប់ ការសាងសង់។ អគារទីស្តីការថ្មីរបស់ក្រសួងការពារជាតិដែលធ្វើការសាងសង់រួចរាល់ទាំងស្រុងមានលក្ខណៈពិសេសដោយអាចឲ្យឧទ្ធម្ភាគចក្រចុះចតលើដំបូលបាន៕

ដោយ ៖ ណារី