ព័ត៌មានជាតិ
សម្ដេចតេជោ ហ៊ុន សែន សំណូមពរឲ្យអនុញ្ញាត ប្រភេទកីឡារបស់កូរ៉េទាំងពីរ ចូលរួមការប្រកួតស៊ីហ្គេមនៅកម្ពុជា
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសំណូមពរដល់គណៈកម្មការអូឡាំពិក អនុញ្ញាតឲ្យប្រភេទកីឡារបស់កូរ៉េខាងជើង និងកូរ៉េខាងត្បូង ចូលរួមការប្រកួតស៊ីហ្គេមនៅកម្ពុជា នាឆ្នាំ ២០២៣ខាងមុខនេះ។
នៅក្នុងពិធីប្រគល់ប្រាក់រង្វាន់ជូនកីឡាការិនី អ៊ុក ស្រីមុំ បន្ទាប់ពីដណ្តើមបានមេដាយមាសពិភពលោកពីការប្រកួតប៉េតង់ នៅទីក្រុងសាន់តាស៊ូសាណា នាព្រឹកថ្ងៃទី ៥ ខែមករា ឆ្នាំ ២០២២នេះ សម្ដេចតេជោ ហ៊ុន សែន បានថ្លែងថា ដើម្បីជាការលើកទឹកចិត្ត ឲ្យមានការបង្រួមបង្រួមកូរ៉េទាំងពីរនោះ គឺសម្ដេចសំណូមពរឲ្យគណៈកម្មការអូឡាំពិក អនុញ្ញាតឲ្យប្រភេទកីឡារបស់កូរ៉េខាងជើង និងកូរ៉េខាងត្បូង ចូលរួមការប្រកួតស៊ីហ្គេមនៅកម្ពុជា នាពេលខាងមុខ ផងដែរ។
សម្ដេចតេជោនាយករដ្ឋមន្ត្រី មានប្រសាសន៍ថា «បើយើងចង់ជំរុញឲ្យ មានការស្រុះស្រួលជាតិ រវាងកូរ៉េខាងត្បូង និងកូរ៉េខាងជើង យើងគួរតែលើកទឹកចិត្ត ឲ្យកីឡាទាំងពីរនេះវាទៅជាមួយគ្នា ដែលកាលពីមុននោះ នៅក្នុងការប្រកួតអូឡាំពិក កូរ៉េខាងជើង និងកូរ៉េខាងត្បូង បានរួមគ្នាបង្កើតជាក្រុមចម្រុះ ចូលទៅប្រកួតទៅហើយ»។
សម្រាប់ការប្រកួតស៊ីហ្គេមនៅកម្ពុជា នាឆ្នាំ ២០២៣ខាងមុខនេះ គឺប្រទេសកម្ពុជា ចង់ឲ្យប្រភេទកីឡា ITF របស់កូរ៉េខាងជើង និងប្រភេទកីឡា WTF របស់កូរ៉េត្បូង ចូលរួមប្រកួតប្រជែងផងដែរ។ តាមសម្ដេចតេជោ ហ៊ុន សែន ការចង់ឲ្យប្រភេទកីឡានៃប្រទេសទាំងពីរ ចូលរួមយ៉ាងដូច្នេះ គឺជាផ្នែកនៃការខិតខំប្រឹងប្រែង ដើម្បីឲ្យកូរ៉េខាងត្បូង និងកូរ៉េខាងជើង ឈានឆ្ពោះទៅរកការបង្រួបបង្រួមជាតិ៕
អត្ថប៖ ឃួន សុភ័ក្រ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត