ព័ត៌មានជាតិ
រដ្ឋបាលខេត្តព្រះសីហនុនឹងបាញ់កាំជ្រួច២ថ្ងៃអបអរវេទិកាទេសចរណ៍អាស៊ានឆ្នាំ ២០២២
រដ្ឋបាលខេត្តព្រះសីហនុនឹងរៀបចំបាញ់កាំជ្រួចចំនួន២លើកគឺនៅយប់ថ្ងៃទី១៨-១៩ ខែ មករាឆ្នាំ២០២២ ដើម្បីចូលរួមអបអរសាទរការរៀបចំវេទិកាទេសចរណ៍ អាស៊ានឆ្នាំ ២០២២ ក្រោមអធិបតីភាពដ៏ខ្ពង់ខ្ពស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។ នេះបើយោងតាម សេចក្ដីជូនដំណឹងរបស់រដ្ឋបាលខេត្តព្រះសីហនុនៅរសៀលថ្ងៃទី១៣ ខែមករា ឆ្នាំ២០២២។
រដ្ឋបាលខេត្តព្រះសីហនុបានឲ្យដឹងថា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានឹងអញ្ជើញជាអធិបតីភាពដ៏ខ្ពង់ ខ្ពស់ក្នុងពិធីបើកវេទិកាទេសចរណ៍អាស៊ានឆ្នាំ២០២២ ដោយមានការអញ្ជើញចូលរួមដោយផ្ទាល់ពីថ្នាក់ដឹកនាំជាន់ខ្ពស់រាជរដ្ឋាភិបាល សមាជិកព្រឹទ្ធសភា-រដ្ឋ សភានៃព្រះរាជាណាចក្រកម្ពុជា អង្គទូតនានា រដ្ឋមន្ត្រីទេសចរណ៍អាស៊ាន និង ថ្នាក់ដឹកនាំជាន់ខ្ពស់ស្ថាប័នទេសចរណ៍ជាតិអាស៊ានព្រមទាំងក្រុមហ៊ុនជាតិ- អន្តរជាតិជាច្រើនផងដែរ។
វេទិកាទេសចរណ៍អាស៊ានលើកទី៤០ឆ្នាំ២០២២ ដែលរួមមានកិច្ចប្រជុំស្ថាប័នទេសចរណ៍ជាតិអាស៊ាន(NTO) និងកិច្ចប្រជុំរដ្ឋមន្ត្រីអាស៊ាននិងការតាំងពិព័រណ៍ ទេសចរណ៍(Travex) ។ ក្រុមហ៊ុនជាតិនិងអន្តរជាតិចំនួន ៤០ក្រុមហ៊ុន នឹងចូលរួមតាំងពិព័រណ៍ទេសចរណ៍ក្នុងវេទិកាទេសចរណ៍អាស៊ានលើកទី៤០ (ATF 2022) ជាមួយនឹងចំនួនស្តង់លក់ទំនិញសរុប១៨៧ស្តង់ដែលកម្ពុជាធ្វើជា ម្ចាស់ផ្ទះរៀបចំព្រឹត្តិការណ៍នេះចាប់ពីថ្ងៃទី ១៦-២២ ខែមករា ឆ្នាំ២០២២ នៅក្រុង ព្រះសីហនុ ខេត្តព្រះសីហនុ។
បើតាមក្រសួងទេសចរណ៍កម្ពុជាបានឲ្យដឹងថា រហូតមកដល់ពេលនេះមានការបញ្ជាក់ពីការចូលរួមដោយផ្ទាល់ពីរដ្ឋមន្ត្រីទេសចរណ៍អាស៊ាននិងមន្ត្រីជាន់ខ្ពស់ពី ប្រទេសសមាជិកអាស៊ានទាំង១០ចូលរួមកិច្ចប្រជុំរដ្ឋមន្ត្រីទេសចរណ៍អាស៊ាននិងកិច្ចប្រជុំពាក់ព័ន្ធនានាក្នុងនោះប្រតិភូអន្តរជាតិចូលរួមកិច្ចប្រជុំមានចំនួន១២៣ រូបសារព័ត៌មានអន្តរជាតិសរុបចំនួន ២០ស្ថាប័នសរុបភ្ញៀវចូលរួមមានចំនួន៣២២នាក់មកពីប្រទេសចំនួន២៧៕
ដោយ ៖ ណារី
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)