ព័ត៌មានជាតិ
ទៅលេងខេត្តរតនគិរីម្តងៗ ស្គាល់តំបន់ទេសចរណ៍ណាខ្លះ?
ទៅកម្សាន្តខេត្តរតនគីរីម្តងៗ គេប្រាកដជានឹកដល់ប្រពៃណីទំនៀមទម្លាប់បងប្អូនជនជាតិភាគតិច រួមទាំងទេសភាពធម្មជាតិដ៏ទាក់ទាញចិត្ត។ ខេត្តខ្ពង់រាបដីក្រហមនេះ មានតំបន់សក្តានុពលជាច្រើនដែលភ្ញៀវទេសចរឆ្ងាយជិតមិនគួរមើលរំលង។
ខេត្តភាគឦសាននេះជាគោលដៅទេសចរណ៍ដ៏មានប្រជាប្រិយភាព ហើយភ្ញៀវទេសចរណ៍រាប់ម៉ឺននាក់តែងតែងតែទៅលេងជារៀងរាល់ឆ្នាំ។
តាមឯកសាររបស់មន្ទីរទេសចរណ៍ខេត្ត ខេត្តរតនគិរីមានតំបន់ទេសចរណ៍ជាច្រើនមានដូចជា៖
-បឹងយក្សឡោម មានទីតាំងនៅក្រុងបានឡុង មានសក្តានុពលជាបឹងធម្មជាតិបន្ទុះភ្នំភ្លើង និងមានប្រពៃណីបងប្អូនជនជាតិដើមភាគតិច។
-ឥស្សីបតមៈ ជារមណីយដ្ឋានវប្បធម៌និងធម្មជាតិ មានទីតាំងនៅសង្កាត់បឹងកន្សែង ក្រុងបានលុង ដែលមានរូបព្រះពុទ្ធបដិមាកម្ពស់ ៩ ម៉ែត្រ និងភាពទាក់ទាញគឺមើលថ្ងៃលិចនិងថ្ងៃរៈ។
-ទឹកជ្រោះកាចាញ ជារមណីយដ្ឋានធម្មជាតិមានទឹកជ្រោះ និងស្ពានយោល។
-ទឹកជ្រោះចាអ៊ុង មានទឹកជ្រោះធម្មជាតិនិងល្អាងភ្នំ។
-ទឹកជ្រោះកាទៀង មានទឹកជ្រោះធម្មជាតិ ល្អាងភ្នំ និងជិះដំរី។
-ទឹកជ្រោះអូរស៊ិនលែរ៍ ជារមណីយដ្ឋានធម្មជាតិមានទឹកជ្រោះ ៧ ថ្នាក់ មានចម្ងាយជាង ១៩ គីឡូម៉ែត្រពីក្រុងបានលុង។
-ទឹកជួរតាតតៃ ជារមណីយដ្ឋានធម្មជាតិមានសក្ដានុពលទឹកជួរទន្លេស្រែពក និងត្រីទន្លេ។
-បឹងលំកុដ មានចម្ងាយជាង ៥៤ គីឡូម៉ែត្រពីក្រុងបានលុង មានបឹងធម្មជាតិបន្ទុះភ្នំភ្លើង និងវត្តអារាម។
-ជម្រកសត្វព្រៃលំផាត់ មានសក្តានុពលព្រៃឈើ និងសត្វព្រៃ។
-ឧទ្យានជាតិវិរៈជ័យ ជាប់ស្រុកពីរគឺស្រុកតាវែង និងស្រុកវើនសៃ មានសក្តានុពលព្រៃឈើ សត្វព្រៃ ទឹកជ្រោះជាច្រើនកន្លែង។
-វាលថ្មរំប្លង់ មានវាលថ្ម និងអូរធម្មជាតិ។
-ទឹកជួរទឹង ចម្ងាយជាង ៦០ គីឡូម៉ែត្រ មានទឹកជួរធម្មជាតិ។
-យក្សអោម យក្សការ៉ា ចម្ងាយជាង ៣៧ គីឡូម៉ែត្រ មានបឹងធម្មជាតិបន្ទុះភ្នំភ្លើង ព្រៃឈើ និងសត្វព្រៃ។
-កោះសំពៅ ស្ថិតនៅឃុំត្រពាំងច្រស ស្រុកកូនមុំ ចម្ងាយជាង ៤៤ គីឡូម៉ែត្រមានកោះកណ្តាលទន្លេ ព្រៃឈើ និងសេវាជិះទូកកម្សាន្ត។
-ភូមិខ្មែររីសត ជារមណីយដ្ឋានកែច្នៃ មានទីតាំងនៅក្រុងបានលុងដែលអភិវឌ្ឍដោយឯកជន។
-រតនៈរីសត ស្ថិតនៅសង្កាត់យក្ខឡោម ក្រុងបានលុង ជារមណីយដ្ឋានកសិទេសចរណ៍ មានចម្ការម្រេច ប័រ បន្លែ និងដំណាំហូបផ្លែ រួមទាំងបោះតង់។
ក្រៅពីនេះក៏មានកន្លែងទាក់ទាញជាច្រើនទៀតដូចជាបឹងយក្សម៉ាយ ដែលជាបឹងធម្មជាតិបន្ទុះភ្នំភ្លើងមានទីតាំងនៅស្រុកលំផាត់ អូរធម្មជាតិថ្មរអិលមានទីតាំងស្ថិតនៅស្រុកបរកែវ និងទឹកធ្លាក់អូរយ៉ាណាយ នៅស្រុកអណ្តូងមាស។
ខេត្តរតនគីរីមានសហគមន៍ផ្តល់សេវាកម្សាន្តសម្រាប់ភ្ញៀវទេសចរដូចជា សហគមន៍បឹងយក្សឡោម សហគមន៍ទឹកជ្រោះកាចាញ សហគមន៍ទឹកជ្រោះចាអ៊ុង សហគមន៍ទឹកជ្រោះកាទៀង សហគមន៍ទឹកជ្រោះអូរស៊ិនលែរ៍ សហគមន៍ទឹកជួរតាតតៃ និងសហគមន៍បឹងលំកុដ ដែលមានសេវាផ្ទះស្នាក់នៅ ម្ហូបអាហារ និងមគ្គុទ្ទេសក៍សម្រាប់អ្នកទេសចរ៕
អត្ថបទ៖ ប៊ុណ្ណារ៉ា
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ៧ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានជាតិ៣ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង