ព័ត៌មានជាតិ
ណែនាំកន្លែងដើរលេង ៥ កន្លែង នៅខេត្តបាត់ដំបង អាចឱ្យភ្ញៀវសម្រាកបោះតង់បាន
ខេត្តបាត់ដំបងជាខេត្តសក្តានុពលផ្នែកកសិកម្ម ហើយល្បីការដាំដុះដំណាំស្រូវដែលធ្លាប់ឈរលេខ ១ ទូទាំងប្រទេស។ ខេត្តមួយនេះក៏ល្បីសំបូរផ្លែឈើប្រចាំរដូវ និងម្ហូបអាហារដ៏មានឱជារស។
និយាយពីកន្លែងដើរលេងវិញ ខេត្តបាត់ដំបងក៏សំបូរមានទាំងរមណីយដ្ឋានបែបប្រវត្តិសាស្រ្តនិងធម្មជាតិ។ យ៉ាងណាមិញ មានរមណីដ្ឋាន ៥ កន្លែង ណែនាំជាពិសេសសម្រាប់អ្នកចង់ទៅកម្សាន្ត ហើយអាចសម្រាកបោះតង់បានថែមទៀតផង។
១. ផ្កាព្រៃ រីសត
![](https://www.kampucheathmey.com/wp-content/uploads/2022/12/ផ្កា-1-1024x614.jpg)
ផ្កាព្រៃ រីសត ឬគេច្រើនហៅថា ផ្កាព្រៃ រីសត បាត់ដំបង មានទីតាំងស្ថិតនៅ ភូមិស្រែពន្លូត ឃុំសំឡូត ស្រុកសំឡូត ខេត្តបាត់ដំបង និងមានចម្ងាយប្រហែល 85km ពីរង្វង់មូលលោកតាដំបងក្រញូង។ផ្កាព្រៃ រីសត ស្ថិតនៅក្នុងប្រភេទកន្លែងបោះតង់ ឬបោះជុំរុំ, កន្លែងស្នាក់នៅ, រីសត ដូច្នេះ ភ្ញៀវជាតិ និងអន្តរជាតិអាចទទួលបានកន្លែងគេង, គយគន់ថ្ងៃលិច, ញុំអាហារ, ពិកនិច, បោះជុំរុំ ឬបោះតង់, ដើរលេងថ្មើរជើង, ទស្សនាទេសភាពព្រៃភ្នំ, កាហ្វេ និងកម្សាន្តផ្សេងៗទៀត។
២. វាលចម្បាំង ខេមសាយ
![](https://www.kampucheathmey.com/wp-content/uploads/2022/12/បាំង-1024x614.jpg)
ទេសចរណ៍មួយកន្លែងនេះ មានទីតាំងស្ថិតនៅ ភូមិព្រៃធំ ឃុំកំពង់ល្ពៅ ស្រុកសំឡូត ខេត្តបាត់ដំបង និងមានចម្ងាយប្រហែល 90km ពីរង្វង់មូលលោកតាដំបងក្រញូង។ វាលចម្បាំង ខេមសាយ ស្ថិតនៅក្នុងប្រភេទកន្លែងស្នាក់នៅ, ទេសចរណ៍ធម្មជាតិ។ នៅទីនោះមានទេសភាពព្រៃភ្នំ, កន្លែងគេង, ម៉ូតូកង់បួន, ពិកនិច, បោះជុំរុំ ឬបោះតង់, គយគន់ថ្ងៃលិច, គយគន់ថ្ងៃរះ, ដើរលេងថ្មើរជើង, BBQ និងផ្សេងៗជាច្រើនទៀតផងដែរ។
៣. រីសត ធម្មជាតិភ្នំព្រឹក
![](https://www.kampucheathmey.com/wp-content/uploads/2022/12/ព្រឹក៥-1024x614.jpg)
រីសតធម្មជាតិភ្នំព្រឹក មានទីតាំងស្ថិតនៅ ភូមិអូរចោត ឃុំភ្នំព្រឹក ស្រុកភ្នំព្រឹក ខេត្តបាត់ដំបង។ រីហ្សតធម្មជាតិភ្នំព្រឹក មានជាភោជនីយដ្ឋាន, កសិ-ទេសចរណ៍, ព្រៃភ្នំ បួករួមសេវាកម្សាន្តផ្សេងៗមានដូចជា ទស្សនាទេសភាពព្រៃភ្នំ, បោះជុំរុំ ឬបោះតង់, ញាំអាហារ, កាហ្វេ, ដើរទស្សនា កសិដ្ឋាន, ពិកនិច និងផ្សេងៗទៀត។
៤. ទឹកធ្លាក់ ភ្នំ៥៣
![](https://www.kampucheathmey.com/wp-content/uploads/2022/12/៥៣-1024x614.jpg)
ទឹកធ្លាក់ ភ្នំ៥៣ មានទីតាំងស្ថិតនៅភូមិអូរចោត ឃុំភ្នំព្រឹក ស្រុកភ្នំព្រឹក ខេត្តបាត់ដំបង។ ទេសចរណ៍ដែលមានបំណងចង់ទៅទីនេះអាច ទស្សនាទេសភាពព្រៃភ្នំ ហែលទឹក ឬលេងទឹក ឡើងភ្នំ ដើរលេងថ្មើរជើង កាហ្វេ បោះតង់ ឬបោះជុំរុំ ពិកនិច ញាំអាហារ គយគន់ថ្ងៃរិះ និងលិច កន្លែងគេងជាដើម។
៥. ទឹកធ្លាក់ ភ្នំកំពូល
![](https://www.kampucheathmey.com/wp-content/uploads/2022/12/ពូល-1024x614.jpg)
ទឹកធ្លាក់ ភ្នំកំពូល មានទីតាំងស្ថិតនៅ ភូមិអូរល្មូន ឃុំផ្លូវមាស ស្រុករតនៈមណ្ឌល ខេត្តបាត់ដំបង។ ទេសចរណ៍លក្ខណៈបែបទឹកជ្រោះ ឬទឹកធ្លាក់ មួយកន្លែងនេះ មានទីតាំងសំខាន់ៗ ដូចជា ហែលទឹក ឬលេងទឹក ដើរទស្សនាកសិដ្ឋាន ញាំអាហារ ដើរលេងថ្មើរជើង បោះជុំរុំ ឬបោះតង់ ពិកនិច ព្រមទាំងទីតាំងជាច្រើនផ្សេងៗទៀត៕
ដោយ៖ ថារី
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ៧ ថ្ងៃ ago
អ្នកឧកញ៉ា ឡេង ណាវ៉ាត្រា គោរពអរគុណនាយកទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )
-
ជីវិតកម្សាន្ដ១ សប្តាហ៍ ago
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
សេដ្ឋកិច្ច៧ ថ្ងៃ ago
ចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
-
ព័ត៌មានជាតិ៥ ថ្ងៃ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានអន្ដរជាតិ១ សប្តាហ៍ ago
ជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា
-
ព័ត៌មានជាតិ៥ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានជាតិ១ សប្តាហ៍ ago
បុរស២នាក់ បើកបរក្នុងស្ថានភាពស្រវឹងបុកបង្គោលភ្លើង ក្រឡាប់រថយន្តរងរបួសស្រាល