ព័ត៌មានជាតិ
ស្ថានីយផ្គត់ផ្គង់ទឹកស្អាតសាងសង់បានជិតរួចរាល់ គ្រោងដាក់ឱ្យប្រើប្រាស់មុនចូលឆ្នាំខ្មែរ
ស្ថានីយសម្រាប់ផ្គត់ផ្គង់ទឹកស្អាតសាងសង់ឡើងនៅក្នុងសង្កាត់ព្រះបាទ ក្រុងស្ទឹងត្រែង រហូតមកដល់ថ្ងៃទី ១៩ មករា នេះសម្រេចបានជាង៩៨% ហើយ ក្រុមហ៊ុនសាងសង់កំពុងពន្លឿនការស្ថាបកិច្ចដែលនៅសេសសល់ចុងក្រោយ ដើម្បី ត្រៀមបើកសម្ពោធឱ្យប្រើប្រាស់ជាផ្លូវការនៅមុនបុណ្យចូលឆ្នាំប្រពៃណីជាតិខ្មែរយើងឈានចូលមកដល់។
លោក ចម ប្រសិទ្ធ ទេសរដ្ឋមន្ត្រីរដ្ឋមន្ត្រីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ បានលើកឡើងថានេះជាសមិទ្ធផលថ្មីមួយទៀតផ្នែកផ្គត់ផ្គង់ទឹកស្អាត ដែលមានទំហ៊ំធំជាងគេនៅខេត្តភូមិភាគឥសាន្ត ដែលបានស្ថាបនាឡើងក្រោមកិច្ចសហការជាមួយផ្នែកដៃគូវិនិយោគ និងបានប្រើប្រាស់ហិរញ្ញប្បទានឥទានរបស់អនាគាអភិវឌ្ឍអាស៊ីហៅកាត់ថា ADB ធ្វើឱ្យសម្រេចផែនការឆ្នាំ ២០២៥ អនុវត្តនូវគោលនយោបាយរបស់រាជរដ្ឋាភិបាល ប្រជាពលរដ្ឋមានទឹកស្អាតប្រើប្រាស់គ្រប់ក្រុមគ្រួសារ។
លោកទេសរដ្ឋមន្ត្រីបន្តថា ស្ថានីយទឹកស្អាតទីប្រជុំជននេះ មន្ត្រីជំនាញកំពុងរៀបចំពន្លឿនការតបណ្តញទឹកចូលផ្ទះប្រជាពលរដ្ឋឱ្យបានរួចរាល់ទើបបើកសម្ពោធឱ្យប្រើប្រាស់ជាផ្លូវការតែម្តងមុនចូលឆ្នាំខ្មែរខាងមុខ។
លោក ស្វាយ សំអ៊ាង អភិបាលខេត្តស្ទឹងត្រែងមានប្រសាសន៍ថា ជាមួយនិងការទទួលបាននូវសមិទ្ធផលថ្មីនេះ ព្រោះនៅពេលស្ថានីយ៏នេះបើកដំណើរការ ប្រជាពលរដ្ឋនៅក្នុងខេត្តទាំងអស់មានទឹកស្អាតប្រើប្រាស់ និងបានលើកកម្ពស់ផ្នែកសុខភាពរស់នៅផងដែរ។
លោក ចាន់ ប៊ុនគង់ ប្រធានរដ្ឋករទឹកខេត្តស្ទឹងត្រែងបានបញ្ជាក់ថា ដើម្បីអនុវត្តឱ្យបានឆ្លើយតបតាមតម្រូវការចាំបាច់នេះ ក្រុមការងារផ្នែករដ្ឋករទឹក និងបង្កើនការពន្លឿនផ្នែកតបណ្តាញជូនអតិថិជនទាំងចាស់និងថ្មី ឱ្យបានហើយនៅក្នុងដំណាច់ខែកុម្ភៈខាងមុខនេះ តែក៍សូមឱ្យបងប្អូនប្រជាពលរដ្ឋយើងមកបំពេញពាក្យស្នើសុំឱ្យបានគ្រប់គ្នា ដើម្បីឱ្យក្រុមកាងារស្គាល់ទីតាំងនិងចុះទៅតបណ្តាញថ្មីជូន។
សូមបញ្ជាក់ថា នេះជាស្ថានីយ៏ទឹកស្អាតដ៏ធំទីមួយបានសាងសង់ឡើងនៅលើផ្ទៃដីជាង ១៧.០០០ ម៉ែត្រការ៉េ នៅខេត្តស្ទឹងត្រែងហើយថ្ងៃអនាគតអាចចែកចាយនិងផ្គត់ផ្គង់ទឹកស្អាតជូនប្រជាពលរដ្ឋបានទូទាំងខេត្តស្ទឹងត្រែងប្រើប្រាស់ ព្រោះទីតាំងស្ថានីយ៏នេះមាន រយៈកម្ពស់រហូតទៅដល់៥៥ម៉ែត្រ៕
អត្ថបទ៖ ងិនលីម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង