ទីភ្នាក់ងារកយការ និងក្រសួងសុខាភិបាល​ ប្រារព្ធពិធីបញ្ចុះបឋមសិលាអគារសម្ភព និង ថែទាំទារកនៃគម្រោងពង្រឹងសុខភាពមាតា និងទារកនៅភូមិភាគឥ្ឍសាននៃប្រទេសកម្ពុជា

នាថ្ងៃទី២១ ខែមករា ឆ្នាំ២០២២ ទីភា្នក់ងារសហប្រតិបត្តិការអន្តរជាតិ កូរ៉េ (កយការ) រួមជាមួយនឹងក្រសួងសុខាភិបាលបានប្រារព្ធពិធីបញ្ចុះបឋមសិលាអគារសម្ភព និង ថែទាំទារកនៃគម្រោងពង្រឹងសុខភាពមាតា និងទារកនៅភូមិភាគឥ្ឍសាននៃប្រទេសកម្ពុជា។

ពិធីនេះត្រូវបានចូលរួមជាគណៈអធិបតិដោយឯកឧត្តមផាក ហ៊ឹងក្យុង(H.E. Park Heung-Kyeong) ឯកអគ្គរាជទូតនៃសាធារណះរដ្ឋកូរ៉េប្រចាំប្រទេសកម្ពុជា ឯកឧត្តមសាស្រ្តាចារ្យម៉ម ប៉ុនហេង រដ្ឋមន្ត្រីក្រសួងសុខាភិបាល  លោក ហ្យន់ជូន នោ (Hyunjun RHO) នាយកទីភ្នាក់ងារកយការប្រចាំប្រទេសកម្ពុជា និងអភិបាលខេត្តរតនៈគិរី និង មណ្ឌលគិរី។

ពិធីនេះត្រូវបានប្រារព្ធនៅមន្ទីរពេទ្យបង្អែកខេត្តរតនៈគិរី និង មន្ទីរពេទ្យបង្អែកកោះញែក ខេត្តមណ្ឌលគិរី ដែលជាកន្លែងសាងសង់អគារអគារសម្ភព និង ថែទាំទារក។ ជាបន្ថែមទៀត អគារសម្ភពក្នុងមណ្ឌលសុខភាពចំនួន៣នៅខេត្តរតនៈគិរីរួមមានមណ្ឌលសុខភាពតាវែង អណ្ថូវមាស និងអូជុំ ក៏នឹងត្រូវបានសាងសង់ក្នុងពេលជាមួយគ្នាទៅនឹងអគារសម្ភព និង ថែទាំទារកនេះផងដែរ។ ក្នុងរយៈ១៣ខែខាងមុខ បន្ទាប់ពីការសាងសង់ត្រូវបានបញ្ចប់ អគារសម្ភព ក្នុងមណ្ឌលសុខភាពទាំង៣ និងដើរតួនាទីយ៉ាងសំខាន់ក្នុងការលើកកំពស់សុខភាពសាធារណៈក្នុងតំបន់ដាច់ស្រយ៉ាល ក្នុងការផ្តល់សេវ៉ាសំខាន់ៗមួយចំនួនរួមមានសេវា ការពិនិត្យផ្ទៃពោះមុនសំរាល កន្លែងសម្ភព ការពិនិត្យសុខភាពក្រោយសំរាលជាដើម។ ក្រៅពីមុខងាជាអគារសម្ភព ក្នុងមណ្ឌលសុខភាព អគារសម្ភព និង ថែទាំទារក​និងផ្តល់សេវាជាការសង្គ្រោះបន្ទាន់ ដោយមានបន្ទប់រងចាំសំរាល និងបន្ទប់ក្រោយសំរាលផងដែរ។

មូលដ្ឋានសុខាភិបាលទំាងនេះត្រូវបានសាងសង់ក្រោមគម្រោងគម្រោងពង្រឹងសុខភាពមាតា និងទារកនៅភូមិភាគឥ្ឍសាននៃប្រទេសកម្ពុជា។ ក្រៅពីការសាងសង់ហេដ្ឋារចនាសម្ពន្ធ គម្រោងនេះក៏បានផ្តល់ជាសំភារៈបរិក្ខាពេទ្យដូចជារថយន្តបន្ទាន់ ព្រមទាំងវគ្គបណ្ថុះបណ្ថាលនានាទៅកាន់មន្រ្តីសុខាភិបាល និងក្រុមអ្នកស្មគ្រ័ចិត្តសុខភាពភូមិផងដែរ។ កន្លងមក គម្រោងនេះបានផ្តល់ជាមធ្យោបាយធ្វើដំណើរនានាដូចជាកាណូត និងម៉ូតូទៅដល់មណ្ឌលសុខភាព និងសហគមន៏ងាយរងគ្រោះដើម្បីលើកកំពស់ការផ្តល់សេវារបស់មូលដ្ឋានសុខាភិបាល និង ការទទួលយកសេវារបស់សហគមន៏។

គម្រោងពង្រឹងសុខភាពមាតានិងទារកនៅភាគឥសាននៃប្រទេសកម្ពុជាមានរយៈពេល៤ឆ្នាំ (២០១៩-២០២៣)​ដែលត្រូវបានអនុវត្តក្រោមជំនួយឥតសំណងរបស់សាធារណៈរដ្ឋកូរ៉េតាមរយៈទីភ្នាក់ងារកយការ ក្នុងថវិការប្រមាណជា៧លានដុល្លាសហរដ្ឋអាមេរិច។ គម្រោងនេះត្រូវបានអនុវត្តក្នុងខេត្តរតនគីរី និង មណ្ឌលគីរីដែលមានគោលបំណងដើម្បីធ្វើឲ្យប្រសើរឡើងនូវសុខភាពមាតានិងទារកតាមរយៈការធ្វើឲ្យល្អប្រសើរនូវគុណភាព និងការទទួលសេវាសុខភាពមាតានិងទារក។