ព័ត៌មានជាតិ
ប្រជានេសាទលក្ខណៈគ្រួសារ ឈប់ប្រើទូកប្រភេទឈើរហូតដល់ ៩០ ភាគរយ ហើយប្ដូរមកប្រើទូកស្មាច់ជំនួសវិញ
ប្រជាពលរដ្ឋដែលប្រកបរបរនេសាទត្រីជាលក្ខណៈគ្រួសាររស់នៅតាមដងស្ទឹងសង្កែក៏ដូចជាតំបន់បឹងទន្លេសាបបច្ចុប្បន្ននេះគេសង្កេតឃើញថាបានផ្លាស់ប្តូរស្ទើរតែទាំងស្រុងពីការប្រើប្រាស់ទូកឈើហើយជំនួសដោយទូកធ្វើអំពីជ័រស្មាច់វិញ ដោយសារទូកប្រភេទថ្មីនេះងាយស្រួលប្រើចល័តទីបានលឿន និងផ្តល់ប្រយោជន៍បានច្រើនជាងទូកឈើ។
ប្រជានេសាទបែបលក្ខណៈគ្រួសារលោក រស់.រ៉ាន់ រស់នៅភូមិកំពង់សំបួរ ឃុំសំរោង ក្នុងស្រុកសង្កែ ខេត្តបាត់ដំបង បានបញ្ជាក់ឲ្យដឹងកាលពីល្ងាចថ្ងៃទី ២៦ ខែមករា ឆ្នាំ ២០២២ នេះថា ចាប់តាំងពីទូកឈើរបស់លោកបានធ្លុះធ្លាយមក លោកក៏បានផ្លាស់ប្តូរមកប្រើប្រាស់ទូកធ្វើអំពីជ័រស្មាច់វិញមានរយៈពេល ៥ ឆ្នាំមកហើយ។ លោកបន្តថា ក្នុងអំឡុងនៃការប្រើប្រាស់ទូកថ្មីធ្វើពីស្មាច់ផលិតក្នុងស្រុករបស់លោករយៈពេល ៥ ឆ្នាំមកនេះ គឺងាយស្រួលប្រើប្រាស់ផ្តល់ប្រយោជន៍បានច្រើនជាងទូកឈើមិនពិបាកថែទាំបិតលាបជ័រប្រចាំឆ្នាំ និងចំណេញពេលវេលាបើកបរលឿនជាងទូកឈើប្រមាណពី ៣ ទៅ ៤ ម៉ោងហើយស៊ីសាំងតិចផង។
លោកថា ទូកប្រភេទថ្មី”ទូកស្មាច់”នេះស្របតាមការអភិវឌ្ឍន៍កាន់តែសម្បូរបែបក្នុងស្រុក គឺងាយស្រួលក្នុងការរកទិញហើយម្យ៉ាងទៀតយើងអាចកុម្ម៉ង់កម្រាស់ទូកក៏បាន ហើយលក្ខណៈពិសេសមួយទៀតប្រើប្រាស់បានទាំងក្នុងស្ថានភាពផ្លូវ ដែលមានទឹករាក់នៅក្រោមជង្គង់ក៏អាចដំណើរការទៅមុខបានចំណែកទូកឈើលុះត្រាណាស្ថានភាពទឹកមានកម្ពស់ត្រឹមភ្លៅទើបអាចធ្វើដំណើរឆ្លងកាត់ទៅរួច។
លោក យិន ណៃ ប្រធានសហគមន៍ក្នុងឃុំកោះជីវាំង ស្រុកឯកភ្នំ បានបញ្ជាក់ឲ្យដឹងនៅថ្ងៃទី២៧ខែកមរានេះដែរថា បច្ចុប្បន្នប្រជាពលរដ្ឋអ្នកប្រកបរបរនេសាទត្រីជាលក្ខណៈគ្រួសារ ដែលរស់នៅតំបន់បឹងទន្លេសាបបានបោះបង់ការប្រើប្រាស់ទូកឈើស្ទើរទាំងស្រុងហើយងាកមកប្រើទូកធ្វើពីជ័រស្មាច់ប្រមាណជា៩០% បើទោះបីទូកធ្វើពីឈើប្រើប្រាស់បានរយៈពេលយូរជាងនិងមានតម្លៃទាបជាងទូកធ្វើពីស្មាច់បន្តិចក៏ដោយចុះ។
លោកបានបញ្ជាក់បន្តថា ទូកប្រភេទថ្មី”ទូកស្មាច់”បច្ចុប្បន្នមានផលិតនិងមានលក់នៅភ្នំក្រោមខេត្តសៀមរាប និងមានលក់នៅឃុំកោះជីវាំង និងនៅតំបន់បាក់ព្រាខេត្តបាត់ដំបងផងដែរ មិនពិបាករកទិញនោះទេ។ ដោយទូកស្មាច់ខ្នាតតូចល្មមប្រវែងជាង ៧ ម៉ែត្រ មានតម្លៃពី ២ លាន ៤០ ម៉ឺនទៅ ២ លាន ៦០ ម៉ឺនរៀល បើធៀបនិងទូកឈើមានតម្លៃត្រឹមតែ ១ លាន ៧០ ម៉ឺនរៀលតែប៉ុណ្ណោះ។
ប្រភពពីឈ្មួញដែលឈរចាំទទួលទិញផលត្រី នៅតំបន់ព្រែកទាល់បឹងទន្លេសាប ក្នុងស្រុកឯកភ្នំខេត្តបាត់ដំបង បានបង្ហាញការចាប់អារម្មណ៍ប្រហាក់ប្រហែលគ្នាថា ការងាកមកប្រើប្រាស់ទូកធ្វើពីស្មាច់របស់ប្រជានេសាទនេះ ពិតជាចំណេញផលប្រយោជន៍បានច្រើនទាំងបើកបរបានលឿននាំយកផលត្រីមកលក់បាន់ទាន់ពេលវេលាងាយស្រួលបត់បែនបំឡាស់ទីទាំងទីជិតនិងទីឆ្ងាយបានឆាប់រហ័សផង។
ដោយឡែកសម្រាប់ប្រជាពលរដ្ឋ ដែលមានមុខរបរមួយចំនួននៅមិនទាន់អាចបោះបង់ចោលទូកឬកាណូតដែលធ្វើពីឈើបាននៅឡើយ ព្រោះការដឹកជញ្ជូនផលត្រីបានច្រើនជាងទូកស្មាច់ទៅកាន់ទីផ្សារទាមទារការប្រើប្រាស់កាណូតឈើប្រភេទបាឡាធំៗទើបអាចទៅរួច ខណៈទូកធ្វើពីស្មាច់នៅមិនទាន់មានប្រភេទផ្ទុកទម្ងន់ធ្ងន់និងមិនសូវរឹងមាំដូចទូកកាណូតធ្វើពីឈើនោះទេ៕
អត្ថបទ៖ សៅ សារិទ្ធ
រដ្ឋមន្ត្រីវប្បធម៌កម្ពុជា ប្រាប់ពិភពលោកថា ថៃលួចចម្លងប្រាសាទអង្គរវត្ត និងស្នើសុំយូណេស្កូ ពិនិត្យលើបញ្ហានេះ
ទ័យវត្ថុ បច្ច័យ និងគ្រឿងបរិក្ខារបស់សម្តេចធិបតី ហ៊ុន ម៉ាណែត ត្រូវបានប្រគេនដល់ព្រះសង្ឃគង់នៅក្នុងវត្តចំនួន១៥១វត្ត និងសាលាបុណ្យចំនួន៥
លោក នេត្រ ភក្ត្រា ៖ ការបណ្តុះបណ្តាលអ្នកសារព័ត៌មានពីជំនាញផ្នែកសេដ្ឋកិច្ច គឺជាការផ្ដល់ចំណេះដឹងផ្នែកហិរញ្ញវត្ថុដល់ សាធារណជន
ពលករថៃ៦នាក់ ដែលប៉ុនប៉ងឆ្លងដែនមកធ្វើការនៅកម្ពុជាត្រូវប៉ូលិសថៃបានចាប់ខ្លួន
លោក ប៉ែន បូណា ប្រាប់ឱ្យរដ្ឋាភិបាលថៃប្រញាប់ដោះស្រាយរឿងអាស្រូវដ៏ស្អុយអសោចក្នុងផ្ទះរបស់ខ្លួនហើយបញ្ឈប់វប្បធម៌លាបពណ៌កម្ពុជា
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
បាក់ស្ពាននៅរដ្ឋ Gujarat ប្រទេសឥណ្ឌាសម្លាប់មនុស្សយ៉ាងតិច ៩ នាក់
យោធាឈុតខ្មៅថៃ ឃាត់ខ្លួនពលករខ្មែរ៣៦នាក់ ដោយចោទថា លួចឆ្លងដែនខុសច្បាប់
ព័ត៌មានបឋម ៖ ប្រទះឃើញសពបុរសម្នាក់ រួមជាមួយដំបងឈើប្រឡាក់ឈាម ក្នុងចំណុចដីឡូត៍ ១ កន្លែង នៅខណ្ឌជ្រោយចង្វារ
ស្ពានអាកាស សម្តេចធិបតី ហ៊ុន ម៉ាណែត នឹងដាក់ឱ្យប្រើប្រាស់ជាបណ្ដោះអាសន្ន ចាប់ពីថ្ងៃទី ១១ កក្កដា ស្អែកនេះហើយ
-
ព័ត៌មានអន្ដរជាតិ៦ ថ្ងៃ agoGoogle នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង៦ ថ្ងៃ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានអន្ដរជាតិ១ សប្តាហ៍ agoថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
-
ព័ត៌មានជាតិ១០ ម៉ោង agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានជាតិ១ ថ្ងៃ agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៧ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ព័ត៌មានអន្ដរជាតិ៣ ថ្ងៃ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
សេដ្ឋកិច្ច១ ថ្ងៃ agoបណ្តាពាណិជ្ជករថៃបង្វែរទិសនាំចូលទំនិញមកកម្ពុជាតាមផ្លូវទឹក ក្រោយការបិទច្រកទ្វារព្រំដែនគោក