ព័ត៌មានជាតិ
គ្រោងសម្ពោធ មន្ទីរពេទ្យមិត្តភាពកម្ពុជា-ចិន ត្បូងឃ្មុំ នៅខែមីនាខាងមុខនេះ
មន្ទីរពេទ្យមិត្តភាពកម្ពុជា-ចិន ត្បូងឃ្មុំ (CRCG) ស្ថាបនាបានប្រមាណជាង ៩៧ភាគរយហើយ នៅសល់តែការសំអាតកែលម្អបន្តិចបន្តួច និងការរៀបចំកន្លែងដាំផ្កាតែប៉ុណ្ណោះ ដែលអាចចំណាយពេលប្រមាណ ១០ទៅ ១៥ថ្ងៃទៀតតែប៉ុណ្ណោះ។ នេះបើយោងតាមលោក ហ៊ូ ជីនហាយ ប្រធានគម្រោងសាងសង់ មន្ទីរពេទ្យមិត្តភាពកម្ពុជា-ចិន ត្បូងឃ្មុំ (CRCG)។
លោក ហ៊ូ ជីនហាយ ប្រធានគម្រោងសាងសង់ មន្ទីរពេទ្យមិត្តភាពកម្ពុជា-ចិនត្បូងឃ្មុំ (CRCG) បានរាយការណ៍ ពីលទ្ធផលនៃការសាងសង់ មន្ទីរពេទ្យមិត្តភាពកម្ពុជា-ចិន ត្បូងឃ្មុំ ជូនលោកស្រី យក់ សម្បត្តិ សម្បត្តិ រដ្ឋលេខាធិការក្រសួងសុខាភិបាល នាព្រឹកថ្ងៃទី ២៨ ខែមករា ២០២២ នេះ។
លោកស្រី យក់ សម្បត្តិ បានឲ្យដឹងថា មន្ទីរពេទ្យមិត្តភាពកម្ពុជា-ចិន ត្បូងឃ្មុំ គឺជាជំនួយឥតសំណងរបស់សាធារណរដ្ឋប្រជាមានិត្យចិន។ ក្រុមហ៊ុនសាងសង់ នឹងបញ្ចប់ការសាងសង់របស់ខ្លួន នាអំឡុងខែកុម្ភៈខាងមុខនេះ។ ជាមួយគ្នានេះដែរ ក្រុមហ៊ុនក៏នឹងប្រគល់មកក្រសួងសុខាភិបាល ឲ្យបានមុនពិធីសម្ពោធប្រកាសឲ្យប្រើប្រាស់ជាផ្លូវការ ដែលនឹងប្រព្រឹត្តឡើង នៅខែមីនាខាងមុខនេះ ក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។
លោកស្រី យក់ សម្បត្តិ បានឲ្យដឹងបន្តថា មន្ទីរពេទ្យនេះគ្រោងដាក់ដំណើរការ ៣០០គ្រែ ហើយមានជំនាញច្រើនដែលត្រូវទទួល។ មន្ទីរពេទ្យនេះ ត្រៀមនឹងទទួលសេវាពហុបច្ចេកទេស ឲ្យបានជំនាញច្រើន ដែលមកប្រើប្រាស់សេវានេះ។ នៅពេលដាក់ដំណើរការ គ្រប់ពេញលេញតាមស្តង់ដានោះ សង្ឃឹមថា វិស័យសុខាភិបាល នៅក្នុងខេត្តត្បូងឃ្មុំនឹងល្អប្រសើរ ព្រោះមិនមែនបម្រើសេវា សម្រាប់តែប្រជាពលរដ្ឋ ក្នុងខេត្តត្បូងឃ្មុំទេ គឺបម្រើសម្រាប់ប្រជាពលរដ្ឋ នៅតំបន់ភូមិភាគឦសាន្ត ដែលជាប់ខេត្តត្បូងឃ្មុំ។
សូមបញ្ជាក់ថា មន្ទីរពេទ្យកម្ពុជា-ចិន ត្បូងឃ្មុំ មានអគារចំនួន ៨ខ្នង ៥ជាន់ កម្ពស់ ២៤ម៉ែត្រ ដែលតភ្ជាប់គ្នាទៅវិញទៅមក។ ក្នុងនោះមានបែងចែក សម្រាប់អគារសម្រាក ពេទ្យមានចំនួន ៥ជាន់, អគារសម្ភព រោគស្ត្រី និងកុមារចំនួន ៥ជាន់, អគារវេជ្ជសាស្ត្រ អគាររដ្ឋបាល និងអគារស្នាក់នៅចំនួន ២ជាន់និងអគារផ្សេងៗទៀត ១ជាន់ ដែលមានផ្ទៃដីសរុប ៧៥,៥៧០ម៉ែត្រការ៉េ ដោយសាងសង់លើផ្ទៃដីចំនួន៥៥,៨១៤ ម៉ែត្រការ៉េ។ ក្នុងនោះអគារមន្ទីរពេទ្យមានចំនួន ២៤,៣០០ ម៉ែត្រការ៉េ។ គម្រោងនេះ បើកការដ្ឋានកាលខែមីនា ឆ្នាំ ២០១៩ ក្រោមជំនួយឥតសំណង ៥០លានដុល្លារអាមេរិក របស់ប្រទេសចិន៕
អត្ថបទ៖ណារី
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៧ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ