ព័ត៌មានជាតិ
កម្ពុជានឹងបញ្ជូនពលករ MOU ៨០០ នាក់បន្ថែមទៀត ទៅធ្វើការនៅថៃ ចុងខែនេះ
នៅចុងខែកុម្ភៈ ឆ្នាំ២០២២នេះ កម្ពុជានឹងបញ្ជួនពលករ MOU ប្រមាណ ៨០០ នាក់បន្ថែមទៀតទៅធ្វើការនៅប្រទេសថៃ បន្ទាប់ពីបានបញ្ជួន ២២០ នាក់រួចហើយ កាលពីថ្ងៃទី ០១ ខែកុម្ភៈ ថ្មីៗនេះ។
លោក អន ប៊ុនហាក់ ប្រធានសមាគមទីភ្នាក់ងារហត្ថពលកម្មកម្ពុជា បានឱ្យដឹងនៅព្រឹកថ្ងៃទី ០៣ ខែកុម្ភៈនេះថា តាមភាគីថៃជូនដំណឹង ពលករ MOU ប្រមាណ ៨០០ នាក់នេះនឹងត្រូវបញ្ជួនទៅពីរលើក គឺនៅថ្ងៃទី២១ និងថ្ងៃទី២៨ ខែកុម្ភៈ ឆ្នាំ២០២២ ដោយទៅធ្វើការនៅក្រុមហ៊ុនស៊ីភី ផ្នែកចំណីអាហារដ៏ធំរបស់ថៃ និងបញ្ជួនទៅធ្វើការនៅតាមក្រុមហ៊ុនតូចៗដែលមានតម្រូវការពលករពី ១០ ឬ ២០ នាក់ជាបន្តបន្ទាប់ទៀត។
លោក អន ប៊ុនហាក់ បានបន្តថា៖ “យើងបានបញ្ជូនឈ្មោះស្នើសុំពលករប្រមាណ ៣ ០០០ ទៅ ៣ ៥០០ នាក់ទៅធ្វើការដោយស្របច្បាប់នៅប្រទេសថៃទៅលើផ្នែករោងចក្រចំណីអាហារដូចជា សាច់មាន់ សាច់ជ្រូក និងសំណង់ ហើយរហូតមកដល់ពេលនេះមានក្រុមហ៊ុន ១ ទៅ ២ ប៉ុណ្ណោះបានឆ្លើយតបមានតម្រូវការពលករជាង ១ ០០០ នាក់ ខណៈពលករមួយចំនួនទៀតត្រូវរង់ចាំឯកសារពីភាគីថៃ និងវីសាទើបអាចកំណត់ការនាំចេញបាន”។
លោក អន ប៊ុនហាក់ បានបញ្ជាក់ថា ពលករចំនួន ២២០ នាក់ដែលបានបញ្ជួនកាលពីថ្ងៃទី ០១ កុម្ភៈ គឺធ្វើការនៅរោងចក្រសាច់មាន់ PANU SPOULTRY GROUP CO., LTD. នៅខេត្តឈុនបុរី ដោយពួកគេម្នាក់ៗទទួលបានប្រាក់ខែពី ៥០០ ទៅ ៧០០ ដុល្លារក្នុង១ខែ ហើយពួកគេទទួលបានការយកចិត្តទុកដាក់យ៉ាងខ្លាំងពីភាគីថៃទាំងកន្លែងធ្វើចត្តាឡីស័ក និងការផ្តល់អាហារ ព្រោះពលករខ្មែរមានអាទិភាពជាងគេដោយសារបានចាក់វ៉ាក់សាំងបានគ្រប់ដូសរហូតដល់ដូសជំរុញ ឬដូសទី៣ និងដូសទី៤ ដែលធ្វើឱ្យកម្រិតហានិភ័យនៃការឆ្លងជំងឺកូវីដ-១៩ មានកម្រិតទាបបំផុត។
លោកបានបន្ថែមទៀតថា ពលករខ្មែរដែលអាចទៅធ្វើការនៅប្រទេសថៃត្រូវមានលក្ខខណ្ឌមួយចំនួនដូចជា ត្រូវមានកាតចាក់វ៉ាក់សាំង ធ្វើតេស្តរកជំងឺកូវីដ-១៩ រយៈពេល ៧២ ម៉ោង តាមម៉ាស៊ីន PCR ឬតេស្តរហ័សដែលធ្វើដោយគ្រូពេទ្យជំនាញដើម្បីបញ្ជាក់វិញ្ញាបនបត្រថាមិនមានឆ្លងជំងឺកូវីដ-១៩។ ពេលទៅដល់ព្រំដែនពលករត្រូវធ្វើតេស្ត ហើយបើលទ្ធផលតេស្តអវិជ្ជមានត្រូវបន្តធ្វើចត្តាឡ័ស័ករយៈពេល ៧ ថ្ងៃ និងថ្ងៃទី៧ ត្រូវធ្វើតេស្តម្តងទៀត បើលទ្ធផលនៅអវិជ្ជមានទៀតទើបអនុញ្ញាតឱ្យទៅរោងចក្រធ្វើការតែម្តង។
លោក អន ប៊ុនហាក់ បានឱ្យដឹងទៀតថា ក្នុងករណីមានវិជ្ជមានកូវីដ-១៩ ត្រូវបញ្ជួនទៅកន្លែងព្យាបាល ហើយរាល់កាចំណាយទៅលើការព្យាបាលជាបន្ទុករបស់និយោជកថៃទាំងស្រុង៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង