ព័ត៌មានជាតិ
លោក អួន សារ៉ាត់ ជាពីជំងឺកូវីដ តែសួតនៅមានបញ្ហាត្រូវការព្យាបាលបន្ត
ស្ថានភាពជំងឺលោក អួន សារ៉ាត់ អ្នកនិពន្ធសៀវភៅ និងជាគ្រូបណ្តុះបណ្តាលគំនិតអាជីវកម្ម បានល្អប្រសើរច្រើនហើយ គិតមកដល់ពេលនេះ។ នេះបើតាមការបញ្ជាក់របស់អ្នកស្រី អ៊ុច សារ៉ាវុធ ភរិយាលោក អួន សារ៉ាត់។
អ្នកស្រី អ៊ុច សារ៉ាវុធ បានប្រាប់កម្ពុជាថ្មីថា ស្វាមីអ្នកស្រី គឺលោក អួន សារ៉ាត់ បានឆ្លងជំងឺកូវីដ-១៩ ដែលជំងឺនេះ បានវាយប្រហារសួតរបស់លោក បណ្តាលឲ្យខូចខាតយ៉ាងធ្ងន់ធ្ងរ។ ប៉ុន្តែរហូតមកដល់ពេលនេះ អ្នកស្រីថា លោកអួន សារ៉ាត់ បានជាពីជំងឺកូវីដ-១៩ ទាំងស្រុងហើយ នៅឡើយតែបញ្ហាសួតរងការខូចខាតខ្លាំង ត្រូវព្យាបាលបន្តទៀត។
បើតាមអ្នកស្រី អ៊ុច សារ៉ាវុធ បានឲ្យដឹងថា លោក អួន សារ៉ាត់ សម្រាកព្យាបាលនៅមន្ទីរពេទ្យទំនើបមួយកន្លែងនៅរាជធានីភ្នំពេញ អស់រយៈពេលជាង ១ខែ ដែលត្រូវចំណាយប្រាក់អស់ខ្ទង់សែនដុល្លារ ដែលថវិកាមួយចំនួន បានមកពីជំនួយសម្បុរសជន។
ភរិយាលោក អួន សារ៉ាត់ បានរំឮកថា ស្ថានភាពជំងឺរបស់ស្វាមីអ្នកស្រី គ្រូពេទ្យសង្ឃឹមតែ ១%ភាគរយប៉ុណ្ណោះ ដោយសារអាការធ្ងន់ធ្ងរពេក។ ប៉ុន្តែនៅពេលនោះ អ្នកស្រីថា នៅតែមានសង្ឃឹមក្នុងចិត្តជានិច្ចថា ស្វាម៉ីរបស់ខ្លួននឹងជាសះស្បើយ។ ជាការពិតដូចការរំពឹង នៅពេលនេះ លោក អួន សារ៉ាត់ កំពុងរៀនដើរឡើងវិញបានខ្លះ ដែលនេះជាសញ្ញាបញ្ជាក់ថា ស្ថានភាពសុខភាពរបស់លោក បានល្អប្រសើរច្រើនហើយ។
លោកស្រី សារ៉ាវុធ សរសេរលើហ្វេសប៊ុកផេកថា« លោកគ្រូ អួន សារ៉ាត់ ស្រកសាច់អស់១៥គីឡូ ប៉ុន្តែឥឡូវនេះ ឡើងគីឡូបាន២ខាំវិញហើយ»។
សូមបញ្ជាក់ថា លោក អួន សារ៉ាត់ មានជំងឺប្រចាំកាយ ដូចជា រលាកក្រពះពោះវៀន បញ្ហាច្រមុះអាលែកហ្ស៊ី រលាកបំពង់ក រលាកសួតខ្លាំងទាំងស្តាំ ទាំងឆ្វេង ដែលជំងឺទាំងនេះហើយ ធ្វើឲ្យសុខភាពលោក ចុះដុនដាបខ្លាំង ក្រោយពីឆ្លងជំងឺកូវីដ-១៩។
លោក អួន សារ៉ាត់ ត្រូវបានក្រុមគ្រួសារបញ្ជូនទៅសង្គ្រោះបន្ទាន់ភ្លាមៗ កាលពីថ្ងៃទី ២៥ ខែ ធ្នូ ឆ្នាំ ២០២១ ក្រោយពីជំងឺធ្វើទុក្ខខ្លាំង។ ក្រោយពីមានការយកចិត្តទុកដាក់ខ្លាំងពីក្រុមគ្រូពេទ្យ គិតត្រឹមថ្ងៃនេះ ជំងឺលោក បានធូរស្បើយច្រើន និងកំពុងរៀនដើរបាន ៥០០ម៉ែត្រក្នុងថ្ងៃ។
លោក អួន សារ៉ាត់ ត្រូវបានសាធារណជន ស្គាល់ថា ជាអ្នកនិពន្ធសៀវភៅ អំពីការលើកទឹកចិត្ត បង្កើតអាជីវកម្ម បណ្តុះគំនិតវិជ្ជមានដល់យុវជនជំនាន់ក្រោយ។ លោកបាននិពន្ធសៀវភៅជាច្រើនចំណងជើង លក់នៅលើទីផ្សារ ពិសេសនៅតាមបណ្ណាគារនានា នៅទូទាំងប្រទេស។ លើសពីនេះទៀត លោក អួន សារ៉ាត់ តែងតែបើកវគ្គបណ្តុះបណ្តាលចែករំលែកបទពិសោធន៍នៅលើអនឡាញ ឬបណ្តាញសង្គម ដើម្បីចែកជូនដល់សាធារណជន យកទៅពិចារណា អំពីគំនិតអាជីវកម្ម និងបទពិសោធន៍ដែលលោកមានកន្លងមក៕
អត្ថបទ៖ ទួន សុផល
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)