ព័ត៌មានជាតិ

អតីតសិស្សនិងគ្រូ សាលាបាក់ទូក ចូលរួមបរិច្ចាគថវិកា ២ម៉ឺនដុល្លារ ជូនរដ្ឋាភិបាល សម្រាប់ទិញវ៉ាក់សាំងកូវីដ

បានផុស

៦ years មុន

នៅ

ថ្ងៃសុក្រ ១១ ធ្នូ ២០២០

ដោយ

ស្ថិតក្នុងកាលៈទេសៈ ដែលប្រទេសកម្ពុជាកំពុងប្រឈមជាមួយការឆ្លងរីករាលដាលនូវជំងឺ កូវីដ-១៩ ក្រុមអតីតគ្រូនិងសិស្សសាលាបាក់ទូក បានរួមគ្នា ធ្វើវិភាគទានតាមចិត្តសទ្ធា សរុបបានថវិកាចំនួន ២ម៉ឺនដុល្លារ យកទៅចូលរួមជាមួយប្រមុខរាជរដ្ឋាភិបាល ដើម្បីត្រៀមទិញ វ៉ាក់សាំងកូវីដ១៩ សម្រាប់ចាក់ជូនដោយឥតគិតថ្លៃ ដល់ប្រជាជន មិត្តភក្តិ គ្រួសារ និងខ្លួនឯងផ្ទាល់ ក្នុងនាមជាតិខ្មែរតែមួយ ប្រកបដោយស្មារតីសាមគ្គីភាព និងភាតរភាព យ៉ាងស្និទ្ធស្នាលបំផុតគ្មានថ្ងៃបំភ្លេចបានឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតសិស្សនិងគ្រូ សាលាបាក់ទូកមួយក្រុមនេះ ដែលបានបែកគ្នាជិត៣០ឆ្នាំ បានស្វែងរកគ្នារឹតចំណងមិត្តភាពឡើងវិញ ក្រោមគំនិតផ្តួចផ្តើមរបស់លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ បង្កើតជាក្រុមក្នុងបណ្តាញសង្គម WhatsApp ជិត៣០០នាក់ មានទាំង គ្រូចូលនិវត្តន៍ មន្ត្រីរាជការ អ្នកជំនួញ កសិករ និងសាមញ្ញជន មានអ្នកនៅទីជនបទ មានអ្នកនៅក្រុងរាជធានី និងមានអ្នកនៅ ក្រៅប្រទេសក្នុងទ្វីបផ្សេងៗគ្នា តែងតែបង្ហាញនូវសកម្មភាពមនុស្សធម៌តាមរយៈការ បរិច្ចាគធនធានផ្ទាល់ខ្លួន ជួយគ្នាទៅវិញទៅមកក្នុងគ្រាលំបាក និងបរិច្ចាគជួយ ដល់សង្គម កសាងសមិទ្ធផលក្នុងសាលា ព្រមទាំងព្រឹត្តិការណ៍ផ្សេងៗទៀតជាច្រើន តាមពាក្យស្លោករួមរបស់ពួកគាត់ គឺ “សាមគ្គីមិត្តភាព បង្កើតចិត្តរមនា ចែករំលែកជួយគ្នា គ្រប់គ្រាលំបាក”៕

អត្ថបទ៖ វិមាន

សូមចុចអាន៖ ក្រសួងសង្គមកិច្ច អំពាវនាវដល់គ្រួសារក្រីក្រ មកផ្ទៀងផ្ទាត់ឈ្មោះ ដើម្បីទទួលប្រាក់ឧបត្ថម្ភ

Related Topics:សាលារៀន

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា