Connect with us

ព័ត៌មានជាតិ

កម្ពុជានឹងបញ្ជូនពលករ MOU ៤០០ នាក់បន្ថែមទៀត ទៅធ្វើការនៅថៃ នៅថ្ងៃស្អែក

បានផុស

នៅ

កម្ពុជានឹងបញ្ជួនពលករ MOU ៤០០ នាក់បន្ថែមទៀត ទៅធ្វើការនៅប្រទេសថៃ នៅថ្ងៃទី១៥ ខែកុម្ភៈឆ្នាំ២០២២ស្អែកនេះ បន្ទាប់ពីបានបញ្ជួន ២២០ នាក់រួចហើយ កាលពីថ្ងៃទី០១ ខែកុម្ភៈកន្លងទៅថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អន ប៊ុនហាក់ ប្រធានសមាគមទីភ្នាក់ងារហត្ថពលកម្មកម្ពុជា បានឱ្យដឹងនៅព្រឹកថ្ងៃទី១៤ ខែកុម្ភៈនេះថាពលករ ៤០០ នាក់ដែលត្រូវបញ្ជួនទៅថ្ងៃស្អែកនេះ នឹងត្រូវទៅធ្វើការនៅរោងចក្រស៊ីភី ជារោងចក្រចំណីអារហារធ្វើសាច់មាន់ សាច់ជ្រូក ដោយពួកគេម្នាក់ៗទទួលបានប្រាក់ខែពី ៥០០ ទៅ ៧០០ ដុល្លារក្នុង ១ខែ។

លោកបានបន្តថា ពលករទាំងនោះនឹងបញ្ជួន​តាម​ច្រកព្រំដែន​អន្តរជាតិ​ប៉ោយប៉ែត​ទល់នឹង​ខេត្ត​ស្រះកែវ។ ​ពេលទៅដល់ព្រំដែន ពលករត្រូវធ្វើតេស្ត ហើយបើលទ្ធផលតេស្តអវិជ្ជមានត្រូវបន្តធ្វើចត្តាឡ័ស័ករយៈពេល ៧ ថ្ងៃ និងថ្ងៃទី៧ ត្រូវធ្វើតេស្តម្តងទៀត បើលទ្ធផលនៅអវិជ្ជមានទៀត ទើបអនុញ្ញាតឱ្យទៅរោងចក្រធ្វើការតែម្តង។

ក្នុងករណីមានវិជ្ជមានកូវីដ-១៩ ត្រូវបញ្ជួនទៅកន្លែងព្យាបាល ហើយរាល់កាចំណាយទៅលើការព្យាបាលជាបន្ទុករបស់និយោជកថៃទាំងស្រុង។

ប្រធានសមាគមទីភ្នាក់ងារហត្ថពលកម្មកម្ពុជា រូបនេះបានបន្តទៀតថា ពលករខ្មែរដែលអាចទៅធ្វើការនៅប្រទេសថៃត្រូវមានលក្ខខណ្ឌមួយចំនួនដូចជា ត្រូវមានកាតចាក់វ៉ាក់សាំង ធ្វើតេស្តរកជំងឺកូវីដ-១៩ រយៈពេល ៧២ ម៉ោង តាមម៉ាស៊ីន PCR ឬតេស្តរហ័សដែលធ្វើដោយគ្រូពេទ្យជំនាញ ដើម្បីបញ្ជាក់វិញ្ញាបនបត្រថា មិនមានឆ្លងជំងឺកូវីដ-១៩។

គួរបញ្ជាក់ថា កាលពីថ្ងៃទី០១ ខែកុម្ភៈ ឆ្នាំ២០២២ កម្ពុជាបានបញ្ជួនពលករចំនួន ២២០ នាក់ជាលើកដំបូង ទៅធ្វើការនៅរោងចក្រសាច់មាន់ PANU SPOULTRY GROUP CO., LTD. នៅខេត្តឈុនបុរី ប្រទេសថៃ ហើយពួកគេទទួលបានការយកចិត្តទុកដាក់ពីភាគីថៃ ទាំងកន្លែងធ្វើចត្តាឡីស័ក និងការផ្តល់អាហារ ដោយសារពលករខ្មែរមានអាទិភាពជាងគេក្នុងចំណោមពលករផ្សេងៗទៀត ដោយសារបានចាក់វ៉ាក់សាំងបានគ្រប់ដូសរហូតដល់ដូសជំរុញ ឬដូសទី៣ និងដូសទី៤ ដែលធ្វើឱ្យកម្រិតហានិភ័យនៃការឆ្លងជំងឺកូវីដ-១៩ មានកម្រិតទាបបំផុត៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម