Connect with us

ព័ត៌មានជាតិ

ក្មេង​ស្រី​កុមារកំព្រា​ ២ នាក់​ ឆ្លង​ជំងឺ​កូវីដ​បំប្លែង​ថ្មី​អូមីក្រុង​ គ្រូពេទ្យ​ដឹក​យក​ទៅ​ព្យាបាល​ទាំង​កណ្តាល​យប់

បានផុស

នៅ

ក្មេងស្រីដែលមានវ័យ ១៦ ឆ្នាំ និង៧ ឆ្នាំ រស់នៅរួមគ្នាក្នុងមណ្ឌលកុមារកំព្រា ឆ្លងជំងឺកូវីដបំប្លែងខ្លួនថ្មីអូមីក្រុងត្រូវបានរថយន្តសង្រ្គោះរបស់មន្ទីរពេទ្យបង្អែកខណ្ឌច្បារអំពៅចុះទៅដឹកយកមកព្យាបាលទាំងកណ្តាលយប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី យន់ សុផល ចៅសង្កាត់វាលស្បូវប្រាប់កម្ពុជាថ្មីថា កាលពីវេលាម៉ោង ១០ យប់ ថ្ងៃទី ១៥ ខែកុម្ភៈនេះ លោកស្រីបានចុះទៅមណ្ឌលថែទាំជំនួសនិងផ្តល់ជីវិតថ្មីដល់កុមារ ដែលស្ថិតក្នុងភូមិព្រែកជាងព្រំ សង្កាត់វាលស្បូវខណ្ឌច្បារអំពៅរាជធានីភ្នំពេញដើម្បីសម្របសម្រួលជាមួយប្រធានមណ្ឌលដើម្បីដឹកយកកុមារី២នាក់ដែលឆ្លងជំងឺកូវីដបំលែងខ្លួនថ្មីអូមីក្រុងយកទៅព្យាបាលនៅពហុដ្ឋានជាតិអូឡាំពិក។

លោកស្រីចៅសង្កាត់បានបញ្ជាក់ថា ក្មេងស្រីដែលឆ្លងជំងឺនេះគឺមានវ័យ ១៦ ឆ្នាំម្នាក់ និងម្នាក់ទៀតអាយុ៧ឆ្នាំ។ ក្នុងនោះលោកស្រីចៅសង្កាត់ក៏មានក្តីព្រួយបារម្ភខ្លាចឆ្លងដល់កុមារកំព្រាដែលរស់នៅប្រមូលផ្តុំគ្នាក្នុងមណ្ឌលមួយនេះហើយសុំឲ្យប្រធានមណ្ឌលសហការណ៍ជាមួយក្រុមគ្រូពេទ្យចុះយកសំណាកដល់កុមារទាំងអស់ក្នុងមណ្ឌលដើម្បីស្រាវជ្រាវរកអ្នកឆ្លងយកទៅព្យាបាលឲ្យអស់ដោយមិនពន្យាពេលឡើយ។

លោកស្រី យន់ សុផល ចៅសង្កាត់វាលស្បូវបានប្រាប់បន្ថែមថា នៅប៉ុន្មានថ្ងៃនេះប្រជាពលរដ្ឋរស់នៅក្នុងសង្កាត់វាលស្បូវបានឆ្លងជំងឺកូវីដបំប្លែងថ្មីអូមីក្រុងមួយចំនួនផងដែរ ដោយភាគច្រើនពួកគាត់សុំទៅព្យាបាលនៅមន្ទីរពេទ្យរដ្ឋដោយពុំហ៊ានព្យាបាលនៅផ្ទះនោះឡើយ។ ដូច្នេះសូមមេត្តាប្រយត្ន័ការពារនឹងថែទាំខ្លួនឲ្យបានគ្រប់ៗគ្នាផង៕

អត្ថបទ៖ នរា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម