ព័ត៌មានជាតិ
សម្តេចតេជោ ហ៊ុន សែន៖ កម្ពុជា-ឡាវ ត្រូវតែជួយគ្នាទៅវិញទៅមក ក្នុងនាមជាបងប្អូន
សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ថា ប្រទេសយើងទាំងពីរកម្ពុជាឡាវត្រូវតែជួយគ្នាទោវិញទៅមកជាការចាំបាច់ក្នុងនាមជាបងប្អូន។
សម្តេចតេជោនាយករដ្ឋមន្រ្តីបានថ្លែងបែបនេះទៅកាន់លោក សាលើមសៃ គុំម៉ាស៊ីត (Saleumxay Kommasith) រដ្ឋមន្រ្តីការបរទេសនៃសាធារណរដ្ឋប្រជាធិបតេយ្យ ប្រជាមានិតឡាវក្នុងឱកាសដែលបានអនុញ្ញាតឲ្យចូលជួបសម្តែងការគួរសមនៅវិមានសន្តិភាព នារសៀលថ្ងៃទី១៦ ខែកុម្ភៈ ឆ្នាំ២០២២ ។
លោក អ៊ាង សុផល្លែត ជំនួយការផ្ទាល់សម្តេចតេជោ ហ៊ុន សែន បានមានប្រសាសន៍ឲ្យដឹងបន្ទាប់ពីជំនួបនោះថា សម្ដេចតេជោបានថ្លែងអំណរគុណចំពោះលោក សាលើមសៃ គុំម៉ាស៊ីត រដ្ឋមន្ត្រីការបរទេសដែលបានពាំនាំការផ្តាំផ្ញើសួរសុខទុក្ខពីប្រធានាធិបតីនិងនាយករដ្ឋមន្រ្តីឡាវ។ សម្ដេចតេចោសង្ឃឹមថាប្រទេសទាំងពីរគឺត្រូវតែជួយគ្នាទៅវិញទៅមកគឺជាការចាំបាច់ក្នុងនាមជាបងប្អូន។ សម្ដេចតេជោបានសម្ដែងនូវការឯកភាពជាមួយនឹងការលើកឡើងរបស់លោករដ្ឋមន្ត្រីការបរទេសដែលបានជម្រាបជូនអំពីកិច្ចពិភាក្សាជាមួយនឹងលោកឧបនាយករដ្ឋមន្ត្រី ប្រាក់ សុខុន ហើយបានឯកភាពគ្នាជំរុញអនុវត្តកិច្ចការទាំងឡាយដែលបានព្រមព្រៀងគ្នារវាងថ្នាក់ដឹកនាំអ្នកទាំងពីររួចហើយ។ សម្ដេចតេជោបានមានប្រសាសន៍ថាសម្ដេចពិតជារីករាយណាស់ជាមួយនឹងវឌ្ឍនភាពនៃទំនាក់ទំនងរវាងប្រទេសទាំងពីរ។
នៅក្នុងជំនួបនោះ លោក សាលើមសៃ គុំម៉ាស៊ីត បានពាំនាំនូវការផ្ដាំផ្ញើសួរសុខទុក្ខពីប្រធានាធិបតីនិងនាយករដ្ឋមន្ត្រីឡាវជូនចំពោះសម្ដេចតេជោហ៊ុនសែន។ លោករដ្ឋមន្ត្រីបានជម្រាបជូនសម្ដេចតេជោហ៊ុនសែនថាលោកបានជួបពិភាក្សាការងារជាមួយនឹងលោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិប្រកបដោយលទ្ធផលផ្លែផ្កា ក្នុងនោះបានឯកភាពគ្នាជំរុញអនុវត្តរាល់ការងារទាំងឡាយដែលថ្នាក់ដឹកនាំប្រទេសទាំងពីរបានឯកភាពគ្នាកន្លងមក។ លើសពីនេះទៀត លោក សាលើមសៃ គុំម៉ាស៊ីត ក៏បានគោរពជម្រាបជូនសម្ដេចតេជោផងដែរថា រដ្ឋាភិបាលឡាវ និងប្រជាជនឡាវសូមគោរពថ្លែងអំណរគុណចំពោះយ៉ាងជ្រាលជ្រៅ ជាទីបំផុតជូនចំពោះសម្ដេចតេជោ និងប្រជាជនកម្ពុជាដែលកន្លងមកបានជួយរដ្ឋាភិបាលឡាវ ប្រជាជនឡាវព្រមទាំងការផ្ដល់វ៉ាក់សាំង រថយន្តសង្រ្គោះក៏ដូចជាបរិក្ខារពេទ្យផ្សេងៗទៀតដល់ប្រទេសឡាវក្នុងការប្រយុទ្ធប្រឆាំងកូវីដ-១៩។
លោក សាលើមសៃ គុំម៉ាស៊ីត ក៏បានសម្ដែងនូវការអបអរសាទរចំពោះរដ្ឋាភិបាលកម្ពុជាដែលបានទទួលជោគជ័យក្នុងការទប់ស្កាត់ការរាតត្បាតនៃកូវី-១៩ និងសម្ដែងការអបអរសាទរចំពោះកម្ពុជាដែលបានទទួលធ្វើជាប្រធានអាស៊ាន ហើយលោកបានបន្តថារដ្ឋាភិបាលឡាវគាំទ្រកម្ពុជាជាប្រធានអាស៊ាននិងដំណើរទស្សនកិច្ចរបស់សម្ដេចតេជោទៅកាន់ប្រទេសមីយ៉ាន់ម៉ាដើម្បីស្វែងរកសាមគ្គីភាពអាស៊ាននឹងបន្តសហប្រតិបត្តិការជាមួយកម្ពុជានិងដៃគូក្នុងតំបន់និងក្នុងឆាកអន្តរជាតិ៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត