ព័ត៌មានជាតិ
ស៊ីម៉ាក់បង្កើតអេបឌីជីថល សម្រាប់រាយការណ៍ពីគ្រាប់មីន និងគ្រាប់មិនទាន់ផ្ទុះ
មជ្ឈមណ្ឌលជាតិសកម្មភាពកំចាត់មីនកម្ពុជា (ស៊ីម៉ាក់) បានបង្កើតអេបឌីជីថលមួយ សម្រាប់ឲ្យប្រជាពលរដ្ឋងាយស្រួល ក្នុងការរាយការណ៍ពីគ្រាប់មីន និងសំណល់យុទ្ធភណ្ឌមិនទាន់ផ្ទុះ មកស៊ីម៉ាក់បានលឿនរហ័ស និងទាន់ពេលវេលា។
លោក ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយកស៊ីម៉ាក់ បានឲ្យដឹងនៅក្នុងទំព័រហ្វេប៊ុកថា ដើម្បីបង្កើនភាពងាយស្រួលដល់ប្រជាពលរដ្ឋ ក្នុងការរាយការណ៍មកអង្គភាពស៊ីម៉ាក់(CMAC) នៅពេលជួបប្រទះឃើញគ្រាប់មីន និងសំណល់យុទ្ធភណ្ឌមិនទាន់ផ្ទុះ អង្គភាព CMACបានបង្កើតប្រព័ន្ធរាយការណ៍ឌីជីថល ដែល Application មានឈ្មោះថា “CMAC Helps!” ហើយនឹងដាក់ឲ្យប្រើប្រាស់ជាផ្លូវការ នៅថ្ងៃទី ១ ខែមីនា ឆ្នាំ ២០២២ ខាងមុខនេះ។
បើតាមលោក ហេង រតនា «តាមរយៈប្រពន្ធ័App “CMAC Helps!” នេះ បងប្អូនគ្រាន់តែថតរូបគ្រាប់យុទ្ធភណ្ឌមិនទាន់ផ្ទុះ ឬផ្តល់ទីតាំង ដែលប្រទះឃើញគ្រាប់មីន ឬគ្រាប់មិនទាន់ផ្ទុះ រួចផ្ញើមកអង្គភាពCMAC នោះក្រុមការងារ អាចឆ្លើយតបបន្ទាន់ ឬធ្វើការទំនាក់ទំនង ទៅបងប្អូនភ្លាម»។
លោកអគ្គនាយក បានណែនាំថា «បងប្អូនគ្រាន់តែ Download Application ដែលមានស្លាកសញ្ញា logo CMAC ដែលមានឈ្មោះថា “CMAC Helps!” ទៅក្នុងទូរស័ព្ទដៃ smart phone ទាំងប្រភេទ Andriod និង iOS ជាកាស្រេច»។
យោងតាមផែនការ យុទ្ធសាស្ត្រជាតិសកម្មភាពមីន ឆ្នាំ ២០១៨-២០២៥ បានឲ្យដឹងថា នៅកម្ពុជាមានផ្ទៃដីសង្ស័យ មានផលប៉ះពាល់ដោយសារមីនគ្រាប់បែកចង្កោម និងសំណល់ជាតិផ្ទុះពីសង្គ្រាមប្រមាណជាង ១៩៧០គីឡូម៉ែត្រការ៉េ។ ក្នុងនោះប្រមាណ ៨៧៧គីឡូម៉ែត្រការ៉េជាដី មានផលប៉ះពាល់ខ្ពស់ដោយសារមីន ៤៩៩គីឡូម៉ែតការ៉េជាដី ប៉ះពាល់ដោយគ្រាប់បែកចង្កោម និង៣៣គីឡូម៉ែត្រការ៉េជាដី មានផលប៉ះពាល់ដោយសារសំណល់ជាតិផ្ទុះពីសង្រ្គាម។
ផ្ទៃដីសង្ស័យមានផលប៉ះពាល់ ដោយសារមីនគ្រាប់បែកចង្កោម និងសំណល់ជាតិផ្ទុះពីសង្គ្រាមប្រមាណជាង ១៩៧០ គីឡូម៉ែត្រការ៉េនេះ គ្រោងនឹងត្រូវការថវិកាប្រមាណជាង ៤០០លានដុល្លារ សម្រាប់បោសំអាត រយៈពេលពីឆ្នាំ ២០១៨ ដល់ឆ្នាំ ២០២៥ខាងមុខ៕
អត្ថបទ៖ សំអឿន
![](https://www.kampucheathmey.com/wp-content/uploads/2022/02/1476280_194497750923303_1902012101683792495_n-1.jpg)
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ