អភិបាលខេត្តកំពង់ស្ពឺ​​ ប្រាប់​ស្ថាន​ភាព​សុខភាព​ ក្រោយ​ឆ្លង​ជំងឺកូវីដ១៩​

លោក វ៉ី សំណាង អភិបាលខេត្តកំពង់ស្ពឺ បានបញ្ជាក់ថា លោកមិនបានចូលរួមពិធីសម្ពោធដាក់ឱ្យប្រើប្រាស់ផ្លូវការផ្លូវជាតិលេខ ៣ នៅព្រឹក ថ្ងៃទី ២ ខែមីនា ឆ្នាំ ២០២២ ដោយសារលោកធ្លាប់ឆ្លងកូវីដ១៩។

តាមរយៈសំណេរនៅលើបណ្ដាញសង្គមផេកផ្លូវការលោកលើកឡើងថា “គោរពជម្រាបសួរពុកម៉ែមាមីងបងប្អូនពីចម្ងាយ ខ្ញុំបាទមិនបានចូលរួមនៅក្នុងកម្មវិធីសម្ពោធដាក់ឱ្យប្រើប្រាស់ផ្លូវជាតិលេខ ៣ ក្រោមអធិបតីភាពដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជានាព្រឹកថ្ងៃទី ០២ ខែមីនា ឆ្នាំ២០២២នេះ ដោយមូលហេតុខ្ញុំធ្លាប់មានកូវីដ១៩”។

លោក វ៉ី សំណាង បញ្ជាក់ថា នៅរយៈពេល ៥ ថ្ងៃជាប់ៗគ្នានេះ តាមរយៈការតេស្តរហ័ស គឺមិនមានមេរោគទៀតទេ។ ប៉ុន្តែដើម្បីបញ្ចៀសបានការឆ្លងទៅថ្នាក់ដឹកនាំរបស់យើងជាយថាហេតុលោកបាទនៅចាត់ចែងការងារពីចម្ងាយ ក្បែរកន្លែងប្រារព្ធពិធី។

សម្តេច​តេ​ជោ ហ៊ុន សែន នាយក​រដ្ឋមន្ត្រី​កម្ពុជា​បាន​ប្រកាស​នៅ​ព្រឹក​ថ្ងៃ​ទី ២ ខែមីនា ឆ្នាំ​២០២២ នេះ​ថា​ អភិបាលខេត្ត​កំពង់​ស្ពឹ វិជ្ជមាន​កូ​វី​ដ​១៩ និង​អំពាវនាវ​ឱ្យ​ពលរដ្ឋ​បន្ត​ប្រយុទ្ធ​ប្រឆាំង​ជាមួយនឹង​កូ​វី​ដ​១៩ តាម​រយៈ​វិធានការ ៣​កុំ និង ៣​ការពារ និងទៅចាក់វ៉ាក់សាំង​ឱ្យបានគ្រប់តាមកាលកំណត់៕