Connect with us

ព័ត៌មានជាតិ

សម្តេច សខេង ៖សារធាតុគីមីផ្សំធ្វើជាគ្រឿងញៀនសំយោគ៣០០តោន ត្រូវបានឃាត់ទុកនៅក្នុងឃ្លាំង

បានផុស

នៅ

សម្តេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានមានប្រសាសន៍ថា មកដល់ពេលនេះ មានសារធាតុគីមីដែលគេអាចយកទៅផ្សំធ្វើជាគ្រឿងញៀនសំយោគបានប្រមាណ៣០០តោនត្រូវបានឃាត់ និងរក្សាទុកនៅក្នុងឃ្លាំង និងកំពុងតែស្វែងរកសារធាតុផ្សេងទៀត ដើម្បីធ្វើការបន្សាបមុននឹងយកទៅកម្ទេចចោល។ សម្តេចក្រឡាហោម ស ខេង បានលើកឡើងបែបនេះក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០២១ និងលើកទិសដៅការងារឆ្នាំ២០២២ របស់សាលារាជធានីភ្នំពេញ នៅថ្ងៃទី០៣ ខែមីនា ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចក្រឡាហោម បានមានប្រសាសន៍បន្តថា មានប្រទេសជាដៃគូមួយចំនួនបាន និងកំពុងតែរួមកិច្ចសហប្រតិបត្តិការសិក្សាស្រាវជ្រាវអំពីវិធីបន្សាបមុនការបំផ្លាញចោល ព្រោះសារធាតុទាំងនោះ មិនអាចចោលក្នុងទឹក ចោលក្នុងដី ហើយដើម្បីបំផ្លាញចោលបាន លុះតា្រណាបានបន្សាបជាមុនសិន បើមិនដូច្នោះទេ សារធាតុទាំងនោះ នឹងហូរទៅតាមដីដែលធ្វើឱ្យប៉ះពាល់ដល់ផលដំណាំ និងអាយុជីវិតរបស់មនុស្ស។

សម្តេចក្រឡាហោម បានបន្ថែមថា បញ្ហាគ្រឿងញៀន ជាបញ្ហាដ៏ស្មុគស្មាញដែលប្រទេសកម្ពុជាប្រឈមជាពិសេស ក្នុងរាជធានីភ្នំពេញ បើទោះបីជាអាជ្ញាធរបានបង្ក្រាប និងរឹបអូស ហើយបំផ្លាញនូវសារធាតុញៀនទាំងនោះជាច្រើនតោន ព្រមទាំងបានឃាត់ខ្លួនអ្នកប្រព្រឹត្តបទល្មើសរាប់ពាន់នាក់ជាបន្តបន្ទាប់ក៏ដោយ។ ក៏ប៉ុន្តែ ការលួចលាក់ធ្វើសកម្មភាពជួញដូរគ្រឿញៀន នៅមិនទាន់បានកាត់បន្ថយនោះទេ។

សម្តេចក្រឡាហោម ស ខេង បានបង្ហាញការតាំងចិត្តដ៏មុតមាំ ក្នុងការបន្តបង្ក្រាបបទល្មើសគ្រឿងញៀនដោយសារតែបទល្មើសនេះ អាចធ្វើកម្ពុជាជួបវិបត្តិ មិនត្រឹមតែពេលនេះទេ តែអាចបន្តដល់ពេលអនាគត៕

ដោយ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៨ នាទី មុន

ផ្ទះបាយភូមិខ្មែរ ម៉ាកយីហោខ្មែរថ្មី តែមានឆន្ទៈយ៉ាងមោះមុត ក្នុងការចូលរួមអភិរក្ស និងអភិវឌ្ឍន៍ម្ហូបខ្មែរ កេរដំណែលជាតិ

សុខភាព១៨ នាទី មុន

កម្ពុជា លើកទឹកចិត្ត KOFIH កូរ៉េ ពង្រីកវិសាលភាពកាត់បន្ថយអត្រាមរណៈភាពទារក កុមារ

ព័ត៌មានអន្ដរជាតិ២២ នាទី មុន

ចិន សម្រេចដកពន្ធស្រាពី អូស្ត្រាលី ដែលធ្លាប់រកាំរកូសកាល ៣ ឆ្នាំមុន

ព័ត៌មានជាតិ៣៩ នាទី មុន

មន្ត្រីជំនាញបារម្ភ កសិករប្រើប្រាស់ថង់ប្លាស្ទិក បង្កទៅជាសំរាមប៉ះពាល់ដល់ដីកសិកម្ម

សន្តិសុខសង្គម៥៤ នាទី មុន

អាជ្ញាធរស្រុកអូររាំងឪថា ចុះរៀបចំសណ្តាប់ធ្នាប់រហូត តែផ្លូវខាងក្រោយផ្សារ នៅតែចង្អៀតដដែល

Sokha Hotels

ព័ត៌មានពេញនិយម