ព័ត៌មានជាតិ
សម្ដេចតេជោ មិនអនុញ្ញាតឲ្យពលរដ្ឋកម្ពុជា ទៅធ្វើទាហាននៅអ៊ុយក្រែនដាច់ខាត ទោះបីមានការស្នើសុំក៏ដោយ
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសថា សម្ដេចមិនអនុញ្ញាតឲ្យប្រជាពលរដ្ឋកម្ពុជា ទៅធ្វើទាហាននៅក្នុងប្រទេសអ៊ុយក្រែន ដើម្បីប្រយុទ្ធជាមួយកងទ័ពរុស្ស៊ី ដូចបណ្ដាប្រទេសមួយចំនួន នោះទេ ទោះបីមានការស្នើសុំក៏ដោយ។
សម្ដេចតេជោនាយករដ្ឋមន្ត្រី នៅក្នុងពិធីសម្ពោធដាក់ឲ្យប្រើប្រាស់ នូវមន្ទីរពេទ្យមិត្តភាពកម្ពុជា-ចិន ត្បូងឃ្មុំ នាព្រឹកថ្ងៃទី ៧ ខែមីនានេះ បានអំពាវនាវដល់ប្រជាពលរដ្ឋខ្មែរ សូមកុំឲ្យឈានហួសរហូតទៅដល់ស្ម័គ្រចិត្តធ្វើទាហាន ទៅជួយប្រទេសអ៊ុយក្រែន ដូចប្រទេសមួយចំនួនឲ្យសោះ។
សម្ដេចតេជោ ហ៊ុន សែន បានថ្លែងបន្តថា «ខ្ញុំមិនផ្ដល់ឱកាសឲ្យទៅទេ ព្រោះទៅហ្នឹងទៅ ទីមួយអត់មានអីដឹកទេ ហើយទីពីរ កុំយកសាំងទៅចាក់លើភ្លើង ភ្លើងវាកំពុងតែឆេះ ហើយបើឆេះហើយនាំពន្លត់ អំពាវនាវឲ្យពន្លត់ភ្លើងទៅ កុំបញ្ឆេះ តាមរបៀបថា ពលរដ្ឋកម្ពុជាមួយចំនួន សុំធ្វើទាហានស្ម័គ្រចិត្ត ទៅប្រយុទ្ធនៅអ៊ុយក្រែន អានេះគ្រាន់តែលើកទឹកចិត្តចោលទេ អ៊ុយក្រែនមិនចូលទ័ពគេទេ កុំឆ្ងល់ពេក»។
សម្ដេចតេជោនាយករដ្ឋមន្ត្រី បានបន្ថែមថា សម្ដេចមិនអនុញ្ញាតឲ្យពលរដ្ឋកម្ពុជា ទៅស្លាប់នៅលើទឹកដីអ៊ុយក្រែននោះទេ ហើយរដ្ឋធម្មនុញ្ញរបស់កម្ពុជា ក៏បានហាមឃាត់មិនឲ្យយកកម្លាំង ចេញទៅក្រៅប្រទេស និងមិនអនុញ្ញាតយកកម្លាំងពីខាងក្រៅ ចូលមកក្នុងប្រទេសនោះឡើយ លើកលែងតែក្រោមឆ័ត្រអង្គការសហប្រជាជាតិ៕
អត្ថបទ៖ ឃួន សុភ័ក្រ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ