ព័ត៌មានជាតិ
សម្ដេចតេជោ ៖ តម្រូវការរបស់កម្ពុជាដំបូងគេគឺសន្តិភាព ខណៈឥឡូវនេះពិភពលោក កំពុងតែស្រែករកសន្តិភាពហើយ
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងថា ពិភពលោកកំពុងស្រែករកសន្តិភាពហើយ បន្ទាប់ពីមានសង្គ្រាមរុស្ស៊ី-អ៊ុយក្រែនបានកើតឡើង ខណៈពីពេលមុនពួកគេមិនបាននិយាយ អំពីបញ្ហាសន្តិភាពនោះទេ ដោយ សារគេច្រើនតែនិយាយពីសិទ្ធិមនុស្ស និងលទ្ធិប្រជាធិបតេយ្យ។
ការលើកឡើង របស់សម្ដេចតេជោនាយករដ្ឋមន្ត្រី បានធ្វើឡើងក្នុងពិធីសម្ពោធ ដាក់ឲ្យប្រើប្រាស់ជាផ្លូវការនូវផ្លូវជាតិលេខ ៥១ នាព្រឹកថ្ងៃទី ២៥ ខែមីនា ឆ្នាំ ២០២២នេះ។ សម្ដេចតេជោ ហ៊ុន សែន បានថ្លែងថា «តម្រូវការរបស់យើង ដំបូងមុនគេគឺតម្រូវការសន្តិភាពនេះឯង ឥឡូវនេះពិភពលោក កំពុងតែស្រែករកសន្តិភាពហើយ នៅពេលដែលមិនទាន់មានបញ្ហា គឺគេមិនបាននិយាយអំពីបញ្ហាសន្តិភាពទេ គេសំបូរបែបនិយាយអំពីបញ្ហាប្រជាធិបតេយ្យ និងសិទ្ធិមនុស្ស»។
ជាមួយគ្នានេះ សម្ដេចតេជោនាយករដ្ឋមន្ត្រី ក៏បានលើកឡើងបន្ថែមថា សម្រាប់ប្រទេសកម្ពុជា ក៏បាននិយាយអំពីសិទ្ធិមនុស្ស និងប្រជាធិបតេយ្យដែរ។ ប៉ុន្តែកម្ពុជាឲ្យអាទិភាពមុនគេ គឺសន្តិភាព ដោយបើគ្មានសន្តិភាព គឺគ្មានសង្ឃឹម គ្មានសន្តិភាព គឺគ្មានអ្វីៗទាំងអស់ គ្មានការគោរពសិទ្ធិមនុស្ស រហូតដល់មានការបំពានទៀតផង។
សម្ដេចតេជោ ហ៊ុន សែន បានបន្ថែមទៀតថា បន្ទាប់ពីមានការសង្គ្រាមកើតឡើង រវាងរុស្ស៊ី-អ៊ុយក្រែន គឺប្រជាជនអ៊ុយក្រែន ប្រជាជនរុស្ស៊ី និងប្រជាជននៅអឺរ៉ុប កំពុងតែភ័យខ្លាច ហើយប្រជាជនអ៊ុយក្រែនខ្លះទៀតកំពុងរត់ភៀសខ្លួន៕
អត្ថបទ៖ ឃួន សុភ័ក្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ