ព័ត៌មានជាតិ
ភ្ញៀវទេសចរ បានកក់បន្ទប់សណ្ឋាគារនៅខេត្តព្រះសីហនុអស់ហើយ ខណៈសៀមរាបក៏ជិតអស់
នៅពេលនេះ ភ្ញៀវទេសចរ បានកក់បន្ទប់សណ្ឋាគារនៅខេត្តព្រះសីហនុអស់ហើយ ខណៈខេត្តសៀមរាប ក៏ការបញ្ជាកក់ជិតអស់ផងដែរ។ ភ្ញៀវទេសចរកក់នេះ គឺដើម្បីត្រៀមកម្សាន្តនៅថ្ងៃពិធីបុណ្យចូលឆ្នាំប្រពៃណីជាតិខ្មែរ ខាងមុខ។ នេះបើតាមប្រសាសន៍សម្តេចតេជោ ហ៊ុន សែន នាយករដ្ឋមន្រ្តីកម្ពុជា។
ថ្លែងនៅក្នុងពិធីសម្ពោធដាក់ដំណើរការជាផ្លូវការអគារជំងឺត្រចៀក ច្រមុះ បំពង់ក មិត្តភាពកម្ពុជា-កូរ៉េ ថ្ងៃទី២៨ ខែមីនា ឆ្នាំ២០២២ សម្តេចតេជោ បានលើកឡើងដូច្នេះថា « បងប្អូនយើងមានឱកាសដើរលេង ហើយខ្ញុំក៏ដើរលេងនឹងគេដែរ…ឥឡូវលឺថា ខេត្តព្រះសីហនុ បានកក់អូតែលអស់ទៅហើយៗលឺថា ខេត្តសៀមរាបពេលដែលខ្ញុំទៅសម្ពោធផ្លូវ លឺថា ចង់អស់អូតែលទៀតទៅហើយ»។
សម្តេចថ្លែងដោយមោទនភាពថា ឆ្នាំនេះនឹងមានឱកាសសម្រាប់ប្រជាពលរដ្ឋដើរលេង ខណៈដែលបានខកខាន រយៈពេល២ឆ្នាំមកហើយ។
សម្តេចសម្តែងនូវអារម្មណ៍វិជ្ជមាន ក៏ព្រោះតែតំបន់ទេសចរណ៍ ដែលសម្តេចហៅថា ប៉ូលសេដ្ឋកិច្ចទាំងបី មានដូចជា រាជធានីភ្នំពេញ ខេត្តព្រះសីហនុ និងខេត្តសៀមរាប បានរៀបចំហេដ្ឋារចនាសម្ព័ន្ធផ្លូវថ្នល់បានយ៉ាងល្អប្រសើរ ដែលងាយឲ្យភ្ញៀវទេសចរ ធ្វើដំណើរទៅមកបានយ៉ាងស្រួល។
ជាក់ស្តែង នៅថ្ងៃទី២៦-២៧ ខែមីនា ឆ្នាំ២០២២ ចុងសប្តាហ៍កន្លងទៅនេះ មានភ្ញៀវទេសចរ ចេញកម្សាន្តនៅទូទាំងប្រទេសប្រមាណ ២០៦ ១២១នាក់ ក្នុងនោះភ្ញៀវជាតិ ១៩៣ ៥៨២នាក់ និងភ្ញៀវបរទេសផ្ទៃក្នុង ១២ ៥៣៩នាក់។ នេះបើតាមស្ថិតិរបស់ក្រសួងទេសចរណ៍។
បើតាមក្រសួងទេសចរណ៍ គោលដៅទេសចរណ៍សំខាន់ៗ រួមមាន ខេត្តព្រះសីហនុ ទទួលបានភ្ញៀវទេសចរចំនួន ៣១ ៥៨៧ នាក់ រាជធានីភ្នំពេញចំនួន ២៨ ៦០៨ នាក់ និងខេត្តសៀមរាបចំនួន ១៧ ៥៣០ នាក់។
ជាមួយគ្នានេះ លោក ហូ វណ្ឌី ទីប្រឹក្សាសមាគមទីភ្នាក់ងារទេសចរណ៍កម្ពុជា បានលើកឡើងថា ទោះបីជាតម្លៃប្រេងសាំងឡើងថ្លៃយ៉ាងណាក្តី មិនអាចបង្អាក់ដំណើរពលរដ្ឋ ឬភ្ញៀវទេសចរ បានទេ ពីព្រោះ ពួកគេខកខានដើរកម្សាន្ត និងជួបជុំគ្រួសារនៅថ្ងៃចូលឆ្នាំរយៈពេល២ឆ្នាំហើយ។ លោកបន្តថា តំបន់គោលដៅទេសចរណ៍ទាំងអស់ នឹងមានកំណើនភ្ញៀវទេសចរ នៅថ្ងៃបុណ្យចូលឆ្នាំខ្មែរ ខណៈដែលរដ្ឋាភិបាល បានបើកចំហរសម្រាប់ការដើរហើរ នៅទូទាំងប្រទេស៕
អទ្ថបទ៖ ទួន សុផល
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ