ក្រុមហ៊ុន Moderna ព្រមព្រៀងជាមួយសិង្ហបុរី ផ្គត់ផ្គង់វ៉ាក់សាំងកូវីដ

ក្រុមហ៊ុន Moderna បាននិយាយនៅថ្ងៃអង្គារទី១៥ខែធ្នូនេះថា ខ្លួនបានឈានដល់កិច្ចព្រមព្រៀងជាមួយក្រសួងសុខាភិបាលសិង្ហបុរីក្នុងការផ្គត់ផ្គង់វ៉ាក់សាំង mRNA-1273 ជាវ៉ាក់សាំងការពារជំងឺកូវីដ១៩របស់ប្រទេសនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនជីវបច្ចេកវិទ្យាមួយនេះបាននិយាយថា កិច្ចព្រមព្រៀងនេះនឹងគាំទ្រដល់កិច្ចខិតខំប្រឹងប្រែងជាបន្តដើម្បីទទួលបានវ៉ាក់សាំងការពារកូវីដដែលមានសុវត្ថិភាពនិងប្រសិទ្ធភាពសម្រាប់ប្រជាជនសិង្ហបុរី។

ទោះបីជាយ៉ាងណាក៏ដោយ បរិមាណដូសនិងព័ត៌មានលម្អិតផ្នែកហិរញ្ញវត្ថុនៃកិច្ចព្រមព្រៀងនេះមិនត្រូវបានគេបង្ហាញទេ។

នាយកប្រតិបត្តិលោក Stephane Bancel បាននិយាយថា “យើងទទួលស្គាល់ថា ការដោះស្រាយបញ្ហារាតត្បាតជាសកលនេះនឹងត្រូវការវ៉ាក់សាំងនិងជម្រើសព្យាបាលជាច្រើនហើយយើងមានមោទកភាពចំពោះតួនាទីរបស់ក្រុមហ៊ុន Moderna ដែលអាចចូលរួមក្នុងកិច្ចខិតខំប្រឹងប្រែងជាសាកលនេះ”។

ក្រុមហ៊ុនបាននិយាយថា ទិន្នន័យពីការសិក្សាដំណាក់កាលទី៣ដែលពាក់ព័ន្ធនឹងអ្នកចូលរួម៣០,០០០នាក់នៅសហរដ្ឋអាមេរិកបានបង្ហាញពីប្រសិទ្ធភាព៩៤,១ភាគរយប្រឆាំងនឹងជំងឺកូវីដ១៩និងអត្រាជោគជ័យ១០០ភាគរយក្នុងការការពារករណីធ្ងន់ធ្ងរ។

ក្រុមហ៊ុនគ្រោងនឹងផ្តល់វ៉ាក់សាំងពី៥០០លានទៅ១ពាន់លានដូសក្នុងមួយឆ្នាំចាប់ពីឆ្នាំ២០២១ទៅ៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ យល់ព្រមឲ្យប្រើវ៉ាក់សាំងរបស់ក្រុមហ៊ុន Pfizer តែអាមេរិកទិញពី Moderna ១០០ លានដូសបន្ថែមទៀត

ចុចអាន៖ ក្រុមហ៊ុន Moderna ចាប់ផ្តើមធ្វើតេស្តវ៉ាក់សាំងកូវីដលើកុមារ លទ្ធផលនឹងដឹងនៅនិទាឃរដូវឆ្នាំ២០២១