ព័ត៌មានជាតិ
សម្ដេចតេជោ ៖ កូវីដអាចរំខាន តែមិនអាចបញ្ឈប់សកម្មភាព នៃការអភិវឌ្ឍរបស់កម្ពុជា បានឡើយ
ប្រសាសន៍របស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាខាងលើនេះ បានធ្វើឡើងក្នុងពិធីសម្ពោធដាក់ឲ្យប្រើប្រាស់ជាផ្លូវការ នូវផ្លូវចំនួន ៣៨ខ្សែ និងហេដ្ឋារចនាសម្ព័ន្ធជាច្រើនទៀត នៅទីក្រុងសៀមរាប នាព្រឹកថ្ងៃទី ៤ ខែមេសានេះ។
សម្ដេចតេជោនាយករដ្ឋមន្ត្រី បានថ្លែងថា សម្តេចពិតជាមានការរីករាយ ដែលបានបើកសម្ពោធដាក់ឲ្យប្រើប្រាស់ជាផ្លូវការ នូវហេដ្ឋារចនាសម្ព័ន្ធផ្លូវចំនួន ៣៨ខ្សែ នៅទីក្រុងសៀមរាបនាពេលនេះ។ សម្ដេចថា ផ្លូវទាំង ៣៨ ខ្សែនេះ ត្រូវបានបើកការដ្ឋានសាងសង់ កាលពីថ្ងៃទី ៣០ ខែវិច្ឆិកា ឆ្នាំ ២០២០ ដែលពេលនោះ គឺជាពេលដែលយើងខិតខំកំពុងតែ ប្រយុទ្ធយ៉ាងខ្លាំងជាមួយការរីករាលដាល នៃជំងឺកូវីដ-១៩ ដែលជាព្រឹត្តិការណ៍ថ្ងៃ ២៨ ខែវិច្ឆិកា ហើយជាព្រឹត្តិការណ៍ទី ២ បន្ទាប់ពីព្រឹត្តិការណ៍ ២៣ ខែវិច្ឆិកា ដែលបានកើតឡើងនៅកម្ពុជា ហើយក្នុងនោះក៏បានកើតឡើង សម្រាប់ទីក្រុងសៀមរាបផងដែរ។
សម្ដេចតេជោនាយករដ្ឋមន្ត្រី បានបញ្ជាក់ថា «កូវីដអាចរារាំង អាចរំខានយើង ក៏ប៉ុន្តែគេមិនអាចបញ្ឈប់នូវសកម្មភាពរបស់យើងទៅលើការសាងសង់ នូវអ្វីដែលជា គោលដៅរបស់យើង ដែលបានដាក់ចេញនោះទេ»។
ជាមួយគ្នានេះសម្ដេចតេជោ ហ៊ុន សែន ក៏បានថ្លែងអំណរគុណ ចំពោះការខិតខំប្រឹងប្រែងរបស់ថ្នាក់ដឹកនាំទាំងអស់ ដែលមានសម្ដេចពិជ័យសេនា ទៀ បាញ់ ជាប្រធាន, លោកឧបនាយករដ្ឋមន្ត្រី ជា សុផារ៉ា, និងលោកទេសរដ្ឋមន្ត្រី ស៊ុន ចាន់ថុល ក៏ដូចជាអង្គភាពពាក់ព័ន្ធ ដែលបានធ្វើការសាងសង់ ជាមួយនឹងការសម្រួលរបស់អាជ្ញាធរដែនដី ដើម្បីធ្វើឲ្យសមិទ្ធផលនេះក្លាយជាការពិត ហើយនេះគឺជាផ្លែផ្កាដែលបានមកពីសន្តិភាព និងការអភិវឌ្ឍដោយផ្ទាល់របស់កម្ពុជាតែម្ដង៕
អត្ថបទ៖ កោះកែវ
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore