ព័ត៌មានជាតិ
រដ្ឋកំណត់តំបន់ ៦កន្លែងនៃខេត្តមណ្ឌលគិរី ជាគោលដៅអភិវឌ្ឍ និងវិនិយោគ
រាជរដ្ឋាភិបាល បានយកទីតាំងចំនួន ៦កន្លែង នៅក្នុងខេត្តមណ្ឌលគិរី ជាគោលដៅអភិវឌ្ឍ ដោយកំណត់វិសាលភាព និងសកម្មភាពវិនិយោគច្បាស់លាស់ ដើម្បីជាប្រយោជន៍សម្រាប់សេដ្ឋកិច្ចជាតិ។ នេះបើតាមការបញ្ជាក់របស់លោក ថោង ខុន រដ្ឋមន្រ្តីក្រសួងទេសចរណ៍។
![](https://www.kampucheathmey.com/wp-content/uploads/2022/04/121092.jpg)
ថ្លែងកាលពីរសៀលថ្ងៃទី ១១ ខែមេសា នៅក្នុងពិធីផ្សព្វផ្សាយ និងដាក់ឱ្យអនុវត្តជាផ្លូវការនូវ “ផែនការមេអភិវឌ្ឍន៍វិស័យទេសចរណ៍ខេត្តមណ្ឌលគិរី ២០២១-២០៣៥” លោករដ្ឋមន្រ្តី ថោង ខុន បានបញ្ជាក់ច្បាស់ៗ អំពីគោលដៅទាំង៦កន្លែង ដែលត្រូវអភិវឌ្ឍនោះរួមមាន៖ ទី១ តំបន់របៀងអេកូទេសចរណ៍ និងទេសចរធម្មជាតិ ដែនជម្រកសត្វព្រៃទាំងប្រាំ, ទី២ តំបន់របៀងទេសចរណ៍វប្បធម៌ និងអេកូទេសចរប៊ូស្រាដាក់ដាំ, ទី៣ ក្រុងសែនមនោរម្យ, ទី៤ តំបន់ស្រុកអូររាំង ភ្ជាប់ជាមួយការអភិវឌ្ឍអាកាសយានដ្ឋានខេត្តមណ្ឌលគិរី, ទី៥ តំបន់ប្រជុំជននៃស្រុកកោះញែក និងទី៦ តំបន់ទេសចរណ៍សមាហរ័ណកម្មតាមច្រកព្រំដែន។
លោក ថោង ខុន បានបន្ថែមថា ការអភិវឌ្ឍនេះ នឹងជំរុញខេត្តមណ្ឌលគិរី ជាអេកូទេសចរណ៍លំដាប់អន្តរជាតិ និងជាខេត្តដ៏សំខាន់ក្នុងការផ្គត់ផ្គង់បន្លែ ផ្លែឈើ និងសាច់ សម្រាប់បំពេញត្រូវការក្នុងប្រទេស និងឈានដល់ការនាំចេញទៅទីផ្សារក្រៅប្រទេស។
ជាមួយគ្នានេះ លោក អូន ព័ន្ធ មុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានបញ្ជាក់ថា ការដាក់ចេញនូវផែនការមេនេះ នឹងអនុញ្ញាតឱ្យខេត្តមណ្ឌលគិរី ក្លាយជាគោលដៅនៃពិពិធកម្មទេសចរណ៍របស់កម្ពុជា ដែលមានប្រភេទអេកូទេសចរណ៍ ទេសចរណ៍ធម្មជាតិ និងទេសចរណ៍វប្បធម៌ជនជាតិដើមភាគតិច រួមចំណែកធ្វើឱ្យភូមិភាគឦសាន ដែលមានខេត្តមណ្ឌលគិរីជាស្នូល ក្លាយជាប៉ូលសេដ្ឋកិច្ចទី៤ របស់រាជរដ្ឋាភិបាល។
![](https://www.kampucheathmey.com/wp-content/uploads/2022/04/b9c145326e5f01e1733e937441428190b0cd276f.jpg)
លោករដ្ឋមន្រ្តីសេដ្ឋកិច្ច សង្កត់ធ្ងន់ថា ខេត្តមណ្ឌលគិរី កំពុងស្ថិតក្នុងដំណាក់កាលកំណើននៃវដ្តជីវិត ការអភិវឌ្ឍវិស័យទេសចរណ៍ ដែលពោរពេញទៅដោយសក្តានុពល សម្រាប់ការអភិវឌ្ឍនាពេលអនាគត បង្កើតជាកាលានុវត្តភាព សត្យានុម័តសម្បូរបែប សម្រាប់ការវិនិយោគ បង្កើតតម្លៃបន្ថែម ក្នុងវិស័យទេសចរណ៍ និងអន្តរវិស័យនគាំទ្រដល់ការអភិវឌ្ឍវិស័យសេដ្ឋកិច្ចខេត្តមណ្ឌលគិរី និងសេដ្ឋកិច្ចជាតិទាំងមូល៕
អទ្ថបទ៖ ទួន សុផល
![](https://www.kampucheathmey.com/wp-content/uploads/2022/04/939f6aed179bbf1bf196fbcf6596ebc43e46ccdb.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ