ព័ត៌មានជាតិ
លោក ងី មានហេង ៖ ពលរដ្ឋនៅភ្នំពេញមួយចំនួនតូចនៅតែបន្តគេចវេះពីការចាក់វ៉ាក់សាំងកូវីដ១៩
លោក ងី មានហេង ប្រធានមន្ទីរសុខាភិបាលរាជធានីភ្នំពេញ បានឲ្យដឹងថា ក្នុងក្របខណ្ឌរាជធានីភ្នំពេញ គិតត្រឹមល្ងាចថ្ងៃទី២៥ ខែមេសា ប្រជាពលរដ្ឋចាប់ពីអាយុ ១៨ឆ្នាំឡើង ប្រមាណជាង ១ ៤១២ ០០០នាក់ បានទទួលការចាក់វ៉ាក់សាំងការពារជំងឺកូវីដ១៩ ដែលសម្រេចបាន ១០០% ។ ក្នុងនោះ អ្នកចាក់ដូសទី៣ មានអត្រា ១០១% និងអ្នកចាក់ដូសទី៤ មានអត្រា ៦៩%។ តែយ៉ាងណាក្ដី លោកបានបញ្ជាក់ថា នៅតែមានពលរដ្ឋមួយចំនួនតូចបន្តគេចវេះកាតព្វកិច្ចការចាក់វ៉ាក់សាំងនេះ។
លោក ងី មានហេង បានប្រាប់សារព័ត៌មាន«កម្ពុជាថ្មី»នៅព្រឹកថ្ងៃអង្គារនេះថា ប្រជាពលរដ្ឋមួយចំនួនតូចហាក់មិនបានយកចិត្តទុកដាក់លើបញ្ហាសុខភាពសាធារណៈនោះឡើយ បើទោះបីកន្លងមកមន្ទីរសុខាភិបាលនិងរដ្ឋបាលរាជធានីភ្នំពេញតែងតែធ្វើការផ្សព្វផ្សាយអប់រំដល់ពួកគេឲ្យបានយល់ដឹងអំពីសារៈប្រយោជន៍ដ៏សំខាន់ និងភាពចាំបាច់បំផុតក្នុងការទទួលការចាក់វ៉ាក់សាំងការពារជំងឺកូវីដ១៩នេះក៏ដោយ។ លើសពីការផ្សព្វផ្សាយអប់រំនេះ មន្ទីរសុខាភិបាលរាជធានីភ្នំពេញ ក៏បានរៀបចំទីតាំងចាក់វ៉ាក់សាំងជាអចិន្ត្រៃយ៍ចំនួន ៤១ទីតាំងក្នុងភូមិសាស្ត្ររាជធានីភ្នំពេញ ដើម្បីទទួលការចាក់វ៉ាក់សាំងជូនដល់ប្រជាពលរដ្ឋទាំងអស់។
ប្រធានមន្ទីរសុខភិបាលរូបនេះ បានឲ្យដឹងទៀតថា រាជរដ្ឋាភិបាល ជាពិសេស រដ្ឋបាលរាជធានីភ្នំពេញ បានខិតខំប្រឹងប្រែងយ៉ាងសស្រាក់សស្រាំ និងប្រើគ្រប់យន្តការទាំងអស់ ដើម្បីជំរុញការចាក់វ៉ាក់សាំងការពារជំងឺកូវីដ១៩ ដល់មូលដ្ឋានរបស់ប្រជាពលរដ្ឋ។ ក្នុងនោះ ចាប់ពីថ្ងៃទី២១ ខែមេសាមក ក្រុមគ្រូពេទ្យចល័តជាច្រើនក្រុម បានចេញប្រតិបត្តិការចាក់វ៉ាក់សាំងជូនពលរដ្ឋនៅតាមរោងចក្រ សហគ្រាស និងតាមបន្ទប់ជួលនានា។ ក្រុមគ្រូពេទ្យចល័តទាំងនេះ មានមកពីមន្ទីរសុខាភិបាលរាជធានីភ្នំពេញចំនួន ៤០ក្រុម ក្រុមគ្រូពេទ្យស្ម័គ្រចិត្តសម្ដេចពិជ័យសេនា ទៀ បាញ់ ចំនួន ៧០ក្រុម និងក្រុមគ្រូពេទ្យក្រសួងការពារជាតិជាដើម។
ប៉ុន្តែយ៉ាងណាក្ដី លោក លោក ងី មានហេង បញ្ជាក់ថា មន្ទីរសុខាភិបាលរាជធានីភ្នំពេញ គ្មានសមត្ថកិច្ចចាត់វិធានការច្បាប់ ឬវិធានការរដ្ឋបាលណាមួយនោះទេចំពោះប្រជាពលរដ្ឋដែលព្យាយាមគេចវេសកាតព្វកិច្ចទទួលវ៉ាក់សាំងនេះ ក្រៅពីការផ្សព្វផ្សាយអប់រំ និងការចុះប្រតិបត្តិការចាក់នៅតាមមូលដ្ឋានរបស់ពួកគាត់។ ប៉ុន្តែ សាលារាជធានីភ្នំពេញកាលពីថ្ងៃទី២៥ ខែមេសា ឆ្នាំ២០២២ បានលើកឡើងថា បុគ្គលទាំងឡាយដែលនៅតែបន្តគេចវេសមិនអនុវត្តកាតព្វកិច្ចការទទួលចាក់វ៉ាក់សាំងការពារជំងឺកូវីដ១៩ ដូសទី៣ ឬដូសជំរុញ ដែលជាវ៉ាក់សាំងកាតព្វកិច្ច រដ្ឋបាលរាជធានីភ្នំពេញ នឹងចាត់វិធានការរដ្ឋបាលស្របតាមច្បាប់ និងបទដ្ឋានគតិយុត្តពាក់ព័ន្ធនានាជាធរមាន៕
អត្ថបទ ៖ ធឿន វ៉ាន់សុង
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?