Connect with us

ព័ត៌មានជាតិ

មន្ត្រីជាន់ខ្ពស់ក្រសួងបរិស្ថាន ជំរុញឲ្យមន្ត្រីអនុវត្តច្បាប់ ត្រូវយកចិត្តទុកដាក់បន្តអនុវត្តច្បាប់ឲ្យបានម៉ឺងម៉ាត់

បានផុស

នៅ

នៅថ្ងៃទី ២៨ ខែមេសា ឆ្នាំ ២០២២នេះ ក្រុមការងារប្រឆាំងការសម្អាតប្រាក់ និងប្រឆាំងហិរញ្ញប្បទានភេរវកម្ម នៃក្រសួងបរិស្ថាន បានបើកវគ្គបណ្តុះបណ្តាលគោលការណ៍ណែនាំ ស្តីពី បែបបទ និងនីតិវិធីប្រតិបត្តិស្តង់ដារ សម្រាប់ការស៊ើបអង្កេត និងការរៀបចំសំណុំរឿងសម្អាងបទល្មើស និងបទល្មើសសម្អាតប្រាក់ និងហិរញ្ញប្បទានភេរវកម្ម ជូនមន្ត្រីនគរ​បាលយុត្តិធម៌ នៃមន្ទីរបរិស្ថានខេត្តកំពង់ស្ពឺ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វគ្គបណ្ដុះបណ្ដាលនេះ ធ្វើឡើងក្រោមអធិបតីភាពលោក នេត្រ ភក្ត្រា រដ្ឋលេខាធិការ និងជាអនុប្រធានអចិន្ត្រៃយ៍ នៃក្រុមការងារប្រឆាំងការសម្អាតប្រាក់ និងហិរញ្ញប្បទានភេរវកម្ម និងប្រឆាំងនឹងហិរញ្ញប្បទាន ដល់ការរីកសាយភាយអាវុធមហាប្រល័យនៃក្រសួងបរិស្ថាន ដោយមានការចូលរួមពីមន្រ្តីនគរបាលយុត្តិធម៌ មន្ត្រីអនុវត្តច្បាប់ និងមន្ត្រីជំនាញនៃក្រសួងបរិស្ថានជាច្រើនរូប។ 

លោក នេត្រ ភក្ត្រា មាន​ប្រសាសន៍ថា វគ្គបណ្តុះបណ្តាលនេះ មានសារៈសំខាន់ដើម្បីពង្រឹងសមត្ថភាពមន្ត្រីជំនាញ ក្នុងការអនុវត្តច្បាប់ទាក់ទងនឹងច្បាប់ ស្តីពី តំបន់ការពារធម្មជាតិ និងការរៀបចំសំណុំរឿងសម្អាងបទល្មើស និងបទល្មើសសម្អាតប្រាក់ ក្នុងហិរញ្ញប្បទានភេរវកម្ម ពាក់ព័ន្ធនឹងបទល្មើសធនធានធម្មជាតិ។

លោករដ្ឋលេខាធិការ បានលើកឡើងថា «ក្រៅពីច្បាប់ ស្តីពី តំបន់ការពារធម្មជាតិ ដែលប្រើប្រាស់ក្នុងកិច្ចការ​ពារ និងអភិរក្សធនធានធម្មជាតិ មន្ត្រីនគរបាលយុត្តិធម៌ នៃក្រសួងបរិស្ថាន ត្រូវពិនិត្យលើសម្អាងបទល្មើស ដែលអាចពន្លាតដល់ការអនុវត្តច្បាប់ ស្តីពី ការប្រឆាំងនឹងការសម្អាតប្រាក់ និងហិរញ្ញប្បទានភេរវកម្មក្នុងបទល្មើសធនធានធម្មជាតិ ក្នុងករណីមានតម្រុយដែលឈានដល់ ការកសាងសំណុំរឿងពាក់ព័ន្ធនឹងការសម្អាតប្រាក់»។

ជាមួយគ្នានេះលោក នេត្រ ភក្ត្រា បានជំរុញឲ្យមន្ត្រីអនុវត្តច្បាប់នៃក្រសួងបរិស្ថាន ត្រូវយកចិត្តទុកដាក់បន្តអនុវត្តច្បាប់ឲ្យបានម៉ឺងម៉ាត់ និងប្រកបដោយការទទួលខុសត្រូវ និងវិជ្ជាជីវៈ ដើម្បីបង្កើនប្រសិទ្ធភាពខ្ពស់ ក្នុងកិច្ចការពារ និងអភិរក្សធនធានធម្មជាតិ និងជាពិសេសទប់ស្កាត់ និងបង្ក្រាបបទល្មើស ទាក់​ទង​នឹងការសម្អាតប្រាក់ ពាក់ព័ន្ធនឹងបទល្មើសធនធានធម្មជាតិ។

សូមជម្រាបថា នៅក្នុងវគ្គបណ្ដុះបណ្ដាលនេះ មន្ត្រីជំនាញផ្នែកច្បាប់ និងមន្ត្រីនៃក្រសួងបរិស្ថាន បានធ្វើបទបង្ហាញ ជូនសិក្ខាកាមជាបន្តបន្ទាប់ពីច្បាប់ ស្តីពី តំបន់ការពារធម្មជាតិ ច្បាប់ ស្តីពី ការប្រឆាំងការសម្អាតប្រាក់ និងហិរញ្ញប្បទានភេរវកម្ម គោលការណ៍ណែនាំ ស្តីពី បែបបទ និងនីតិវិធីប្រតិបត្តិស្តង់ដារសម្រាប់ការស៊ើបអង្កេត និងការរៀបចំសំណុំរឿងសម្អាងបទល្មើស និងបទល្មើសសម្អាតប្រាក់ និងហិរញ្ញប្បទានភេរវកម្ម ព្រមទាំងបានចែករំលែកបទពិសោធការងារពាក់ព័ន្ធ នឹងការចងក្រងសំណុំរឿងពាក់ព័ន្ធនឹងការសម្អាតប្រាក់នាពេលកន្លងទៅ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម