ព័ត៌មានជាតិ
លោក ជា សុផារ៉ា សំណូមពរឲ្យថែរក្សាឆ្នេរសមុទ្ររបស់កម្ពុជា ប្រវែង ៥២៦គីឡូម៉ែត្រឲ្យបានគង់វង្ស ហើយចៀសវាងលុបព្រែក
ពីវេទិកាបញ្ចុះបឋមសិលា បើកការដ្ឋានសាងមណ្ឌលភស្តុភារកម្ម និងកំពង់ផែពហុបំណងខេត្តកំពត នៅព្រឹកថ្ងៃទី ៥ ខែឧសភានេះ លោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ តំណាងដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសំណូមពរឲ្យអាជ្ញាធរខេត្តមានឆ្នេរសមុទ្រ ត្រូវចូលរួមថែរក្សាឆ្នេរសមុទ្ររបស់កម្ពុជាប្រវែង ៥២៦គីឡូម៉ែត្រឲ្យបានគង់វង្ស ហើយចៀសវាងលុប ឬកែប្រែព្រែកជាទីកន្លែងសំណង់អ្វីមួយ។
លោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានគណៈកម្មាធិការជាតិគ្រប់គ្រង និងអភិវឌ្ឍន៍តំបន់ឆ្នេរកម្ពុជា បានថ្លែងឲ្យដឹងថា ឆ្នេរសមុទ្ររបស់កម្ពុជា បានចូលជាសមាជិកឆ្នេរសមុទ្រ ដែលល្អជាងគេលើពិភពលោកតាំងពីឆ្នាំ ២០១៤មកម្លេះ។ ក្នុងនោះ ប្រទេសកម្ពុជា មានឆ្នេរសមុទ្រចាប់ពីខេត្តកោះកុង ខេត្តព្រះសីហនុ ខេត្តកែប និងខេត្តកំពត ដែលមានប្រវែង ៥២៦គីឡូម៉ែត្រ។
លោកឧបនាយករដ្ឋមន្ត្រី ជា សុផារ៉ា បានលើកឡើងថា ឆ្នេរសមុទ្រប្រវែង ៥២៦គីឡូម៉ែត្រនេះ ជាកន្លែងទេសចរណ៍ ជាកន្លែងលំហែកាយ និងជាកន្លែងទាក់ទាញយកនូវការអភិវឌ្ឍសេដ្ឋកិច្ច សង្គម។ ជាមួយគ្នានេះលោក បានសំណូមពរឲ្យអាជ្ញាធរខេត្តមានឆ្នេរសមុទ្រ ត្រូវចូលរួមថែរក្សាឆ្នេរសមុទ្ររបស់កម្ពុជាឲ្យបានគង់វង្ស។
លោកមានប្រសាសន៍យ៉ាងដូច្នេះថា «ឆ្នេរសមុទ្រ យើងថែឲ្យបាន ៥២៦គីឡូម៉ែត្រនេះ នៅទូទាំងព្រះរាជាណាចក្រកម្ពុជា និងប៉ែកនិរតីនេះ ក៏ចាត់ទុកថា ជាកំណប់ទុនមួយរបស់ជាតិ និងប្រជាពលរដ្ឋ តាមរយៈអង្គពិធីនេះ សំណូមពរឲ្យមានការថែរក្សា ឆ្នេរសមុទ្រធម្មតាតែងតែមានព្រែក ព្រែកនេះគឺជាលក្ខណៈធម្មជាតិ ដែលអាចឲ្យមានទឹកជោរនាច ចូលទៅទីកន្លែងទំនាបដទៃទៀត អាចនាំនូវជីជាតិ នៅពេលនោះ ទឹកឡើងទឹកស្រក ទឹកជោរនាច កោងកាងនឹងដុះ នឹងដុះ រុក្ខជាតិក៏ដុះ មច្ចាជាតិក៏កើន បរិស្ថានក៏យើងអាចទទួលបាន»។
បន្ថែមពីលើនេះ លោកឧបនាយករដ្ឋមន្ត្រី ជា សុផារ៉ា ក៏បានណែនាំដល់អភិបាលខេត្តមានឆ្នេរសមុទ្រ ត្រូវថែរក្សាព្រែកចំនួន ១១១ ចៀសវាងការលុប ឬកែប្រែឲ្យទៅជាទីកន្លែងសំណង់អ្វីមួយ ពីព្រោះសំណង់បានតែមួយ ឬតែពីរសំណង់ទេ តែវាធ្វើឲ្យខូចផលប្រយោជន៍ទាំងអស់ ហើយមិនមែនជាការដោះស្រាយវិវាទនោះទេ តែជាការបន្ថែមនូវការទិតៀន ពីសំណាក់ប្រជាពលរដ្ឋ៕
អត្ថបទ៖ ឃួន សុភ័ក្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ