ព័ត៌មានជាតិ

ផ្ទុះអាវុធ៥គ្រាប់នៅសង្កាត់ភ្លើងឆេះរទេះ ខណ្ឌកំបូល បណ្ដាលឲ្យបុរសម្នាក់ស្លាប់ពេលបញ្ជូនដល់មន្ទីរពេទ្យ

បានផុស

៤ years មុន

នៅ

ថ្ងៃព្រហស្បតិ៍ ១៧ ធ្នូ ២០២០

ដោយ

កាលពីវេលាម៉ោង០៣ និង២០នាទី រសៀលថ្ងៃទី១៧ ខែធ្នូ ឆ្នាំ២០២០ នៅក្នុងភូមិទួលកី សង្កាត់ភ្លើង ឆេះរទេះ ខណ្ឌកំបូល រាជធានីភ្នំពេញ មានករណីផ្ទុះអាវុធមួយបានកើតឡើង បណ្ដាលឲ្យបុរសម្នាក់រងរបួសធ្ងន់ ហើយបានស្លាប់ពេលបញ្ជូនដល់មន្ទីរពេទ្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ជនរងគ្រោះឈ្មោះ នៅ ចំណាន ភេទប្រុស អាយុ៤៦ឆ្នាំ ជិះម៉ូតូម៉ាកPCX ពណ៍ស ពាក់ស្លាកលេខភ្នំពេញ1 I D7477 ។

សមត្ថកិច្ចបានឲ្យដឹងទៀតថា ជនរងគ្រោះបានត្រូវគ្រាប់កាំភ្លើងចំនួន៣គ្រាប់ បណ្ដាលឲ្យរងរបួសធ្ងន់ ត្រូវបានបញ្ជូនសង្គ្រោះនៅមន្ទីរពេទ្យភ្លាមៗ តែពេលទៅដល់មន្ទីពេទ្យ ជនរងគ្រោះបានស្លាប់បាត់ទៅហើយ។

នៅកន្លែងកើតហេតុ កម្លាំងសមត្ថកិច្ចបានរកឃើញសម្បកគ្រាប់កាំភ្លើងចំនួន៥គ្រាប់ ដែលជនសង្ស័យបានបាញ់មកលើជនរងគ្រោះ ហើយគេចខ្លួនបាត់តែម្ដង។

ទោះជាយ៉ាងណា មកដល់ពេលនេះ កម្លាំងសមត្ថកិច្ចកំពុងធ្វើការហ៊ុំព័ទ្ធទីតាំងកើតហេតុ ស្រាវជ្រាវ រកវត្ថុតាងបន្ថែមទៀត ដើម្បីកំណត់មុខសញ្ញា ឈានដល់ការចាប់ខ្លួនចាត់ការតាមផ្លូវច្បាប់៕

អត្ថបទ ៖ សុខុម