ព័ត៌មានជាតិ
សម្ដេចតេជោ ហ៊ុន សែន ស្ទើរគាំងបេះដូង ពេលទស្សនាការផ្សាយផ្ទាល់តាមបណ្ដាទូរទស្សន៍
សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចកម្ពុជា ពីរដ្ឋធានី វ៉ាស៊ីនតោនឌីស៊ី សហរដ្ឋអាមេរិក ត្រូវនឹងពេលព្រឹក ម៉ោងនៅកម្ពុជា ថ្ងៃទី១២ ខែឧសភា ឆ្នាំ ២០២២នេះថា សម្ដេចតេជោ មានប្រសាសន៍រម្លឹងគ្រាកន្លងជិតមួយខែមុនថា សម្ដេច ចង់គាំងបេះដូង ពេលមើលការផ្សាយផ្ទាល់តាមបណ្ដាទូរទស្សន៍ នាឱកាសពិធីបុណ្យចូលឆ្នាំកន្លងទៅ ខណៈឃើញមនុស្សច្រើនអត់ពាក់ម៉ាស់ អត់រក្សាគម្លាតនៅកន្លែងប្រគំតន្ត្រី។
នៅក្នុងពិធីជួបសំណេះសំណាលរវាង សម្តេចតេជោ ហ៊ុន សែន ជាមួយនឹងសហគមន៍ខ្មែរនៅអាមេរិក និងខ្មែរ នៅកាណាដា ពេលល្ងាច នៅរដ្ឋធានី វ៉ាស៊ីនតោនឌីស៊ី សហរដ្ឋអាមេរិក ត្រូវនឹងពេលព្រឹក នៅកម្ពុជា សម្ដេចតេជោ ហ៊ុន សែន មានប្រសាសន៍ថា ចូលឆ្នាំខ្មែរឆ្នាំនេះ ជាឆ្នាំដែលមានប្រជាជនដើរលេងច្រើនបំផុត ព្រោះខាន២ឆ្នាំហើយ គុំយូរហើយ។ ពេលមើលទូរទស្សន៍ ឃើញកន្លែងប្រគំតន្ត្រី ប៉ុន្មានកន្លែងដែលគេផ្សាយបន្តផ្ទាល់ព្រមៗគ្នាតាមទូរទស្សន៍នេះ តាមទូរទស្សន៍នោះ ជួនកាលដល់ ៥ កន្លែង ក្នុងមួយពេល។
សម្ដេចតេជោ ហ៊ុន សែន មានប្រសាសន៍បន្តថា៖ “ខ្ញុំពេលដែលបើក [ទស្សនាការផ្សាយផ្ទាល់របស់បណ្ដាទូរទស្សន៍] [ខ្ញុំ] ចង់គាំងបេះដូង ព្រោះដោយសារ [ឃើញប្រជាពលរដ្ឋ] ម៉ាស់ក៏មិនពាក់ រក្សាគម្លាតក៏អត់។ ខ្ញុំថាស្លាប់ (វីររធំ) ហើយមើលទៅ ឆ្លង [ជំងឺកូវីដ-១៩] ពេញទឹកពេញដីហើយក្រោយចូលឆ្នាំ”។
សម្ដេចតេជោ ហ៊ុន សែន មានប្រសាសន៍បន្ថែមថា៖ “ហើយចេះតែគិតថា តើអាត្មាអញគិតខុស ឬត្រូវ ក្រោយចូលឆ្នាំតើមានមនុស្សស្លាប់ដោយសារកូវីដ ឬមេរោគរើបម្រះវិញ ឬអត់? ចេះតែតាមដាន តែអត់ឃើញមានឡើង [ករណីស្លាប់] ចេះតែចុះ… នៅសល់ មួយ… មួយ… ឃើញតែឡើងនៅបន្ទាយមានជ័យ គឺបងប្អូនមកពីថៃ។ ស្រាប់តែផុតពីពីរ [ករណីស្លាប់] មកនៅ សូន្យ។ សូន្យថ្ងៃទី១ សូន្យថ្ងៃទី២ សូន្យថ្ងៃទី៣ សូន្យថ្ងៃទី៤ ហើយថ្ងៃនេះ គឺជាថ្ងៃទី៥ ដែលកម្ពុជា អត់មានកូវីដ”។
សម្ដេចតេជោ នាយករដ្ឋមន្ត្រី បានបញ្ជាក់បន្ថែមថា សម្ដេចមានប្រសាសន៍បែបនេះ មិនមែនយើងបោះបង់វិធានការសុខាភិបាល ទោះបីរដ្ឋាភិបាលបានលើកលែងកាតព្វកិច្ចពាក់ម៉ាស់ក្ដី គឺគ្រាន់តែជាការផ្ដល់សិទ្ធិសម្រេចដល់ប្រជាពលរដ្ឋ ស្របពលរដ្ឋភាគច្រើនបានចាក់វ៉ាក់សាំងកូវីដ-១៩ ជាបន្តបន្ទាប់។
គួរបញ្ជាក់ថា យោងតាមសេចក្តីជូនព័ត៌មាន ស្តីពីការសរុបស្ថានភាពជំងឺកូវីដ-១៩ ក្នុងព្រះរាជាណាចក្រកម្ពុជា សម្រាប់ថ្ងៃទី១០ ខែឧសភា ឆ្នាំ២០២២ នៅថ្ងៃម្សិលមិញនេះ កម្ពុជា មានករណីឆ្លងសរុប ១៣៦ ២៦២ករណី ករណីជាសះស្បើយសរុប ១៣៣ ១៨៤ករណី និង ករណីស្លាប់ ៣ ០៥៦ករណី។ គិតត្រឹមថ្ងៃដដែលនេះ គឺថ្ងៃទី៤ ដែលកម្ពុជា មិនមានករណីឆ្លងថ្មី (លទ្ធផលបញ្ជាក់ដោយ PCR) ជាប់គ្នា ខណៈថ្ងៃទី១១ ខែឧសភា ម្សិលមិញដែលនឹងផ្សាយនៅថ្ងៃនេះ ក៏មិនមានករណីឆ្លងថ្មី ដែលសរុប គឺ ៥ថ្ងៃជាប់គ្នា កម្ពុជា មិនមានករណីឆ្លងថ្មី នៃជំងឺកូវីដ១៩៕
អត្ថបទ៖ ច័ន្ទ វីរៈ
-
ព័ត៌មានអន្ដរជាតិ១ សប្តាហ៍ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៦ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍២ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ចរាចរណ៍១ សប្តាហ៍ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៥ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ១ សប្តាហ៍ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ៥ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៤ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?