Connect with us

ព័ត៌មានជាតិ

អ្នកឧកញ៉ា គិត ម៉េង​ និងភរិយា​ ឧបត្ថម្ភថវិកា​២ម៉ឺនដុល្លារ​ ដល់សាខាកាក​បាទក្រហម​ខេត្តកោះកុង

បានផុស

នៅ

អ្នកឧកញ៉ា គិត ម៉េង​ ប្រធានក្រុមប្រឹក្សាភិបាល​ ក្រុមហ៊ុន​ រ៉ូយ៉ាល់គ្រុប (Royal GROUP co.Ltd)​ បរិច្ចាគ​ថវិកា ២០,០០០ ដុល្លារ​ ជូនដល់សាខាកាកបាទក្រហមកម្ពុជា ខេត្តកោះកុង ដើម្បីអបអរទិវា ​៨ ឧសភា ២០២២។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​តាមរយៈលោក ម៉ៅ លីណា ​តំណាងអ្នកឧកញ៉ា គិត ម៉េង ​និងលោកស្ររី ម៉ៅ ចំណាន ​បាននាំយក​ថវិកានេះដោយជូន​សាខាកាកបាទក្រហមកម្ពុជា​ខេត្តកោះកុង​ ដើម្បីចូលរួមការងារមនុស្សធម៌​ នៅ​ក្នុងខេត្តប្រើប្រាស់​អំណោយដ៏សប្បុរសបម្រើដល់សកម្មភាពមនុស្សធម៌​ជួយសង្រ្គោះដោះ​ស្រាយ​ដល់​ប្រជាពលរដ្ឋងាយរងគ្រោះ និងជួបការលំបាក ឬគ្រោះមហន្តរាយផ្សេងៗ។

​លោក ម៉ៅ លីណា តំណាងអ្នកឧកញ៉ា​ គិត ម៉េង អគ្គនាយកក្រុមហ៊ុន ROYAL GROUP​ បានឱ្យដឹងថា រូបលោកពិតជារីករាយយ៉ាងខ្លាំងរាល់សកម្មភាព​របស់ក្រុមការងារសាខា​កាកបាទក្រហម​កម្ពុជាខេត្តកោះកុង ក្នុងការចុះជួយ​សង្គ្រោះប្រជាពលរដ្ឋ គ្រាជួបទុក្ខលំបាក ដោយ​មិនប្រកាន់និន្នាការនយោបាយ ទាំងកន្លងទៅ ក៏ដូចជាបច្ចុប្បន្ន។

​បន្ទាប់ពីមានទទួលថវិកា​លោកស្រី មិថុនា ភូថង ​ប្រធានគណៈកម្មាធិការ​សាខាកាកបាទ​ក្រហម​កម្ពុជាខេត្តកោះកុង ចាត់ទុកអំណោយ និងថវិកាដែលទទួលបានពីអ្នកឧកញ៉ា គិត ម៉េង និង​សប្បុរស​ជនទាំងអស់ សាខាកាកបាទក្រហមខេត្ត នឹងយកទៅប្រើប្រាស់ឲ្យចំគោលដៅ និងទៅដល់​ប្រជាពលរដ្ឋក្រីក្រជួបការលំបាកជនងាយរងគ្រោះ និងជួបគ្រោះមហន្តរាយ​ផ្សេងៗដោយពិត​ប្រាកដ។

លោកស្រី មិថុនា ភូថង​ សម្តែងនូវអំណអរគុណយ៉ាងជ្រោលជ្រៅជូនចំពោះអ្នកឧកញ៉ា គិត ម៉េង និងលោកជំទាវ ដែលបានចំណាយថវិកាដ៏ថ្លៃថ្លាចូលរួមជាមួយ​សាខាកាកបាទក្រហមកម្ពុជា​ខេត្ត​កោះកុង ក្នុងគោលដៅបន្តផ្តល់សេវាកម្មមនុស្សធម៌ ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធានកាកបាទក្រហមកម្ពុជា ដោះស្រាយបញ្ហាប្រឈមនានា បន្តពង្រឹងភាព​ធន់​សហគមន៍ និងជួយសម្រាលទុក្ខលំបាកប្រជាពលរដ្ឋរងគ្រោះ និងងាយរងគ្រោះបំផុត តាមគោល​ការណ៍​គ្រឹះរបស់ចលនាអន្តរជាតិកាកបាទក្រហម និងអឌ្ឍចន្ទក្រហម៕

​អត្ថបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៣ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៤ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៤ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៦ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម