ព័ត៌មានជាតិ
គ.ជ.ប អំពាវនាវដល់អាជ្ញាធរដែនដី ត្រូវសម្រួលឲ្យគណបក្សហែក្បួនឃោសនា ដោយស្មើភាពគ្នា
គណៈកម្មាធិការជាតិរៀបចំការបោះឆ្នោត អំពាវនាវដល់អាជ្ញាធរដែនដីគ្រប់ជាន់ថ្នាក់ ត្រូវប្រកាន់ភ្ជាប់នូវអព្យាក្រឹត្យភាព ឥតលម្អៀង ចំពោះសកម្មភាពការងាររបស់ខ្លួន និងត្រូវធានាភាពងាយស្រួលឲ្យបណ្ដាគណបក្សនីមួយៗអាចអនុវត្តការឃោសនារកសំឡេងឆ្នោត និងការហែក្បួនឃោសនាប្រព្រឹត្តទៅដោយរលូនស្មើ ភាពគ្នា ។
ក្នុងអំឡុងពេលឃោសនារកសំឡេងឆ្នោត សម្រាប់ក្រុមប្រឹក្សាឃុំ-សង្កាត់ អាណត្តិទី៥ ដែលមានរយៈពេល ១៤ថ្ងៃ គឺចាប់ពីថ្ងៃទី២១ ខែឧសភា រហូតដល់ថ្ងៃទី០៣ ខែមិថុនា គ.ជ.ប ក៏បានអំពាវនាវដល់គណបក្សនយោបាយ បេក្ខជន និងអ្នកគាំទ្រនៃគណបក្សនយោបាយទាំងអស់ ត្រូវតែគោរពតាមវិធាន បទប្បញ្ញត្តិ និងគោលការណ៍ដែលចែងក្នុងច្បាប់ស្ដីពីការបោះឆ្នោតជ្រើសរើសក្រុមប្រឹក្សាឃុំ-សង្កាត់ ។
បន្ថែមពីនេះ ត្រូវគោរពតាមបទបញ្ជា នីតិវិធី និងក្រមសីលធម៌ និងគោលការណ៍នានាដែលបានកំណត់ ដោយ គ.ជ.ប ដើម្បីឲ្យការឃោសនាបោះឆ្នោតរបស់ គណបក្សនយោបាយប្រព្រឹត្តទៅដោយសន្តិវិធី អហិង្សា សន្តិសុខ និងសុវត្ថិភាព ។
ជាមួយគ្នានេះ គ.ជ.ប សង្ឃឹមថា បណ្ដាគណបក្សនយោបាយ អាជ្ញាធរ និងភាគីពាក់ព័ន្ធនឹងចូលរួមសហការតាមការអំពាវនាវនេះក្នុងស្មារតីទទួលខុសត្រូវខ្ពស់ ដោយគោរពច្បាប់ជាធរមាន ដើម្បីឲ្យការឃោសនាបោះឆ្នោតននេះ ប្រព្រឹត្តទៅដោយរលូន ធានាបានសិទ្ធិគណបក្សនយោបាយ និងសិទ្ធជាមូលដ្ឋានរបស់ពលរដ្ឋផងដែរ ៕
អត្ថបទ ៖ ធឿន វ៉ាន់សុង
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន