ព័ត៌មានជាតិ

ព្រឹទ្ធសភាកំណត់យកថ្ងៃទី២១និងថ្ងៃទី២២ ខែធ្នូ ដើម្បីពិនិត្យនិងឱ្យយោបល់លើសេចក្តីព្រាងច្បាប់ចំនួន៧តាមសំណើរបស់រដ្ឋាភិបាល

បានផុស

៥ years មុន

នៅ

ថ្ងៃសុក្រ ១៨ ធ្នូ ២០២០

ដោយ

ព្រឹទ្ធសភាបានកំណត់យកថ្ងៃទី២១និង២២ ខែធ្នូខាងមុខនេះ ដើម្បីបើកកិច្ចប្រជុំពេញអង្គពិនិត្យ និងឱ្យយោបល់លើសេចក្តីព្រាងច្បាប់ចំនួន៧ បើកផ្លូវឱ្យរាជរដ្ឋាភិបាលយកទៅបម្រើផលប្រយោជន៍ប្រជាពលរដ្ឋនិងអភិវឌ្ឍសង្គមជាតិ។

ឯកឧត្ដម ម៉ម ប៊ុននាង សមាជិកអចិន្ត្រៃយ៍ និងជាអ្នកនាំពាក្យព្រឹទ្ធសភា មានប្រសាសន៍ថា ការកំណត់បើកសម័យប្រជុំលើកទី៦ព្រឹទ្ធសភានីតិកាលទី៤ គឺមានរយៈពេល២នេះ ដោយសារការពិនិត្យ និងពិភាក្សាសេចក្តីព្រាងច្បាប់នេះមានចំនួនច្រើន ជាពិសេសធានាឱ្យបានច្បាស់លាស់ និងមានប្រសិទ្ធភាព ដើម្បីឱ្យច្បាប់នេះចេញទៅបម្រើផលប្រយោជន៍ប្រជាពលរដ្ឋ និងសង្គមជាតិបានគ្រប់ជ្រុងជ្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា សេចក្តីព្រាងច្បាប់ចំនួន៧នេះ រួមមាន ១-ពិនិត្យ និងឱ្យយោបល់លើសេចក្តីព្រាងច្បាប់ ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២១។ ២- សេចក្តីព្រាងច្បាប់ ស្តីពីការទូទាត់ថវិកាទូទៅរបស់រដ្ឋសម្រាប់ការគ្រប់គ្រងឆ្នាំ២០១៩ ។ ៣- សេចក្តីព្រាងច្បាប់ ស្តីពីមូលបត្ររដ្ឋ ។៤- សេចក្តីព្រាងច្បាប់ ស្តីពីការរៀបចំ និងការប្រព្រឹត្តទៅនៃអាជ្ញាធរសេវាហិរញ្ញវត្ថុមិនមែនធនាគារ ។៥- សេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀងអាស៊ាន ស្តីពីការទទួលស្គាល់ទៅវិញទៅមកលើការផ្តល់អាជ្ញាបណ្ណក្រុមអាកាសយានិក។ ៦-សេចក្តីព្រាងច្បាប់ ស្តីពីការអនុម័តយល់ព្រមលើ៖.ពិធីសារទី៣ ស្តីពីសិទ្ធិសហការលើជើងហោះហើរក្នុងស្រុក ក្នុងរង្វង់ទឹកដីនៃប្រទេសជាសមាជិកអាស៊ានណាមួយ ។ពិធីសារទី៤ ស្តីពីសិទ្ធិហោះហើរកូធ័រមីណល រវាងអាកាសយានដ្ឋាននៅក្នុងទឹកដីនៃប្រទេសជាសមាជិកអាស៊ាន។ និង៧-សេចក្តីព្រាងច្បាប់ ស្តីពីការអនុម័តយល់ព្រមលើពិធីសារអនុម័តកញ្ចប់កិច្ចសន្យាទី៩ និងទី១០ នៃសេវាកម្មដឹកជញ្ជូនតាមផ្លូវអាកាសក្រោមកិច្ច-ព្រមព្រៀងក្របខ័ណ្ឌអាស៊ាន ស្តីពីសេវាកម្ម ៕

អត្ថបទ ៖ ប៉ាល់សុង

Related Topics:ព្រឹទ្ធសភា

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា