ព័ត៌មានជាតិ
ក្រសួងសុខាភិបាលព្រមានចាត់វិធានការ ចំពោះម្ចាស់គណនីហ្វេសប៊ុកឈ្មោះ HK beauty shop
ក្រសួងសុខាភិបាល បានធ្វើការព្រមានចាត់វិធានការតាមផ្លូវច្បាប់ចំពោះម្ចាស់គណនីហ្វេសប៊ុកឈ្មោះ HK beauty shop ដែលកំពុងផ្សព្វផ្សាយលក់ផលិតផលគ្រឿងសំអាង គ្មានលេខប្រវេទន៍និងគ្មានការទទួលស្គាល់ពីក្រសួងសុខាភិបាល។
យោងតាមសេចក្តីជូនព័ត៌មានស្ដីរបស់ក្រសួងសុខាភិបាល ដែលបានចេញផ្សាយនៅថ្ងៃនេះ បានឲ្យដឹងថា ការព្រមានចាត់វិធានការគណនីហ្វេសប៊ុកនោះ ដោយសារតែមិនអនុវត្តទៅតាមគោលការណ៍របស់ក្រសួងសុខាភិបាលព្រោះថា អនុលោមតាមច្បាប់ស្ដីពីការគ្រប់គ្រងឱសថនិងច្បាប់ស្ដីពីវិសោធនកម្មស្ដីពីការគ្រប់គ្រងឱសថ គឺតម្រូវឲ្យរាល់ការចរាចរឱសថផលិតផលបំប៉នសុខភាពនិងគ្រឿងសម្អាងគ្រប់ប្រភេទ ក្នុងព្រះរាជាណាចក្រកម្ពុជា ត្រូវមានលេខទិដ្ឋាការឬបញ្ជិកាឬប្រវេទន៍ពីក្រសួងសុខាភិបាល ហើយរាល់ការផ្សព្វផ្សាយផលិតផលទាំងនេះ ក៏ត្រូវមានការអនុញ្ញាតពីក្រសួងសុខាភិបាលផងដែរ ទើបអាចផ្សព្វផ្សាយបាន។
ក្រសួងសុខាភិបាលបានបន្តថា«ដើម្បីជៀសវាងការខាតបង់ប្រាក់កាក់និងប៉ះពាល់ដល់សុខភាពអ្នកប្រើប្រាស់នោះ ក្រសួងសុខាភិបាលសូមជូនព័ត៌មានដល់បងប្អូនប្រជាពលរដ្ឋទាំងអស់ ត្រូវបញ្ឈប់ការប្រើប្រាស់ផលិតផលគ្រឿងសម្អាងគ្មានលេខប្រវេទន៍ពីក្រសួងសុខាភិបាលខាងលើ ដែលកំពុងផ្សព្វផ្សាយលក់តាមគណនីហ្វេសប៊ុកឈ្មោះ HK beauty shop និងគណនីដទៃទៀតព្រោះផលិតផលទាំងនោះ ពុំអាចធានាបាននូវប្រសិទ្ធភាពគុណភាពនិងសុវត្ថិភាពបានឡើយ»។
ក្រសួងសុខាភិបាលបានបញ្ជាក់ថា ក្រសួងនឹងមានវិធានការតឹងរឹងទៅតាមផ្លូវច្បាប់ចំពោះម្ចាស់គណនីហ្វេសប៊ុកនិងគណនីពាក់ព័ន្ធដទៃទៀត ដែលកំពុងផ្សព្វផ្សាយលក់ផលិតផលគ្រឿងសំអាងសំអាងខាងលើទៅតាមច្បាប់ស្ដីពីវិសោធនកម្មស្ដីពីការគ្រប់គ្រងឱសថជាធរមានប្រសិនបើម្ចាស់គណនីហ្វេប៊ុកនោះ មិនបញ្ឈប់ការផ្សព្វផ្សាយលក់ផលិតផលដែលក្រសួងបានហាមឃាត់ទេនោះ៕
អត្ថបទ៖ សំអឿន
សូមចុចអាន៖ ទំនិញខូចគុណភាព និងហួសកាលបរិច្ឆេទ ១១១,១០ គីឡូក្រាម ត្រូវបានរកឃើញ នៅផ្សារគោកមន
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានអន្ដរជាតិ១ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៥ ថ្ងៃ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ