ព័ត៌មានជាតិ

មន្ត្រីជាន់ខ្ពស់សង្ឃឹមថា គណបក្សប្រជាជនកម្ពុជានឹងបន្តឈ្នះក្នុងចំនួនដ៍ច្រើនលើសលប់សម្រាប់ការបោះឆ្នោតនេះ

បានផុស

៤ years មុន

នៅ

ថ្ងៃព្រហស្បតិ៍ ២ មិថុនា ២០២២

ដោយ

លោក សួស យ៉ារ៉ា អ្នកនាំពាក្យគណបក្សប្រជាជនកម្ពុជា បានអះអាងថា សម្រាប់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៥នេះ គណបក្សប្រជាជនកម្ពុជា នឹងបន្តទទួលបានជោគជ័យ ក្នុងចំនួនមួយដ៍ច្រើនលើសលប់ ដើម្បីបន្តដឹកនាំប្រទេសឆ្ពោះទៅរកសន្តិភាព និងការអភិវឌ្ឍន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក សួស យ៉ារ៉ា ក្នុងរយ:ពេល នៃការដង្ហែក្បួនឃោសនា យើងបានប្រកាន់គោលការណ៍សន្តិភាព ម្ចាស់ការលើគោលនយោបាយរបស់គណបក្ស មិនបំពានលើគណបក្សណាមួយនោះទេ។ លោកថា ប្រជាជនភាគច្រើនលើសលប់ បានសន្យាទៅបោះឆ្នោតជូនគណបក្សប្រជាជនកម្ពុជា ដោយសារតែពួកគាត់ស្មោះស្ម័គ្រនឹងគណបក្ស ស្រឡាញ់មេដឹកនាំ គឺសម្តេចតេជោ និងបេក្ខជនរបស់គណបក្សនៅតាមឃុំ សង្កាត់។

លោក សួស យ៉ារ៉ា បញ្ជាក់ទៀតថា គណបក្សប្រជាជនកម្ពុជា នឹងបន្តឈ្នះក្នុងចំនួនដ៍ច្រើនលើសលប់ ដើម្បីប្រជាជន សន្តិភាព និងការអភិវឌ្ឍ តាមកំណើនសេដ្ឋកិច្ច និងជីវភាពកាន់តែប្រសើរ ក្រោយវិបត្តិជំងឺកូវីដ-១៩។

សូមបញ្ជាក់ថា សម្រាប់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៥នេះ គណបក្សប្រជាជនកម្ពុជាបានដាក់ចេញនូវទិសដៅធំៗចំនួន៧ចំណុច ដើម្បីអភិវឌ្ឍ ឃុំ សង្កាត់ ចាប់ពីឆ្នាំ២០២២ ដល់ឆ្នាំ២០២៧៕

ដោយ ៖ កោះកែវ