ព័ត៌មានជាតិ
ត្រឹម៣ខែ កម្ពុជា បញ្ជូនពលករ និងកម្មសិក្សាការី ៨៥០០នាក់ ទៅធ្វើការ និងសិក្សានៅប្រទេសជប៉ុន
រយៈពេល៣ខែ ចាប់ពីខែមីនា ដល់ខែឧសភា ដើមឆ្នាំ២០២២នេះ កម្ពុជា បានបញ្ជូនពលករជំនាញ និងកម្មសិក្សាការីប្រមាណ៨៥០០នាក់ ទៅធ្វើការ និងសិក្សានៅប្រទេសជប៉ុន។
លោក អន ប៊ុនហាក់ ប្រធានសមាគមទីភ្នាក់ងារហត្ថពលកម្មកម្ពុជាបានឱ្យដឹងនៅព្រឹកថ្ងៃទី០៨ ខែមិថុនា នេះថា កម្ពុជាទើបចាប់ផ្តើមបញ្ជួនពលករជំនាញ និងកម្មសិក្សារីទៅធ្វើការនៅប្រទេសជប៉ុននៅខែមីនា ឆ្នាំ២០២២នេះទេ
ដោយសារប្រទេសជប៉ុនបានបិទព្រំដែនដែលបណ្តាលមកពីការឆ្លងរាតត្បាតជំងឺកូវីដ-១៩។
លោក អន ប៊ុនហាក់ បានបន្តថា រយៈពេល៣ខែនេះ យើងបានបញ្ជួនពលករ និងកម្មសិក្សាការីទៅប្រទេសជប៉ុនបានប្រមាណ៨៥០០នាក់ ហើយចាប់ពីពេលនេះទៅ យើងអាចបញ្ជួនពលករ និងកម្មសិក្សាការីទៅជប៉ុនបានទៀងទាត់ឡើងវិញហើយ ដោយក្នុង១ខែៗ អាចបញ្ជួនពី ៣០០០ ទៅ៤០០០នាក់។
លោក អន ប៊ុនហាក់ បានបន្ថែមទៀតថា ក្នុងចំណោមពលករខ្មែរទៅធ្វើការនៅជប៉ុនភាគច្រើនជាកម្មសិក្សាការី។ ចំណែកពលករជំនាញមានមិនច្រើនទេ ដោយពួកគេទៅធ្វើការលើផ្នែកវេចខ្ចប់ សំណង់ ចំណីអាហារ សវាកម្ម សណ្ឋាគារ ភោជនីដ្ឋាន កសិកម្មដាំដុះ និងចិញ្ចឹមសត្វ។
ប្រធានភ្នាក់ងារហត្ថពលកម្មកម្ពុជា រូបនេះបានបន្ថែមថា ចំពោះនីតីវិធី និងបែបបទសុខាភិបាលក្នុងការបញ្ជួនពលករខ្មែរទៅប្រទេសជប៉ុន មិនតម្រូវឱ្យធ្វើចត្តាឡីស័កទៀតទេ ដោយសារប្រទេសកម្ពុជា ជាប្រទេសមួយដែលស្ថិតនៅក្នុងប្រទេសដែលមានហានិភ័យទាបកម្រិតលេខ១ ពោលគឺប្រទេសដែលមានឆ្លងជំងឺកូវីដតិចតួច ឬមិនមានឆ្លង ហើយក៏មិនកំណត់ប្រភេទវ៉ាក់សាំងដែរទោះពលករចាក់វ៉ាក់សាំងស៊ីណូវ៉ាក់ ស៊ីណូហ្វាម អាស្ត្រាហ្សេនេកា ភីហ្វាយហ្សឺ ក៏អាចចូលទៅក្នុងប្រទេសជប៉ុនបានដែរ។
លោក អន ប៊ុនហាក់ បានបញ្ជាល់ថា ឥឡូវនេះអាចថាមានប្រមាណ៩០ភាគទៅរកប្រក្រតីភាពធម្មតាឡើងវិញដូចមុនសម័យកូវីដ១៩ គ្រាន់តែជប៉ុនទាមទារឱ្យពលករធ្វើតេស្តរកជំងឺកូវីដ-១៩រយៈពេល៧២ម៉ោង តាមម៉ាស៊ីន PCR
ឬតេស្តរហ័សដែលធ្វើដោយគ្រូពេទ្យជំនាញដើម្បីបញ្ជាក់វិញ្ញាបនបត្រថា មិនមានឆ្លងជំងឺកូវីដ-១៩។
គួរបញ្ជាក់ថា បច្ចុប្បន្ននេះមានពលករខ្មែរប្រមាណជាង១លាន២សែននាក់ធ្វើការនៅក្រៅប្រទេស ក្នុងនោះនៅថៃមាន
ច្រើនជាងគេរហូតដល់ទៅ១,២២លាននាក់ នៅកូរ៉េខាងត្បូងមានជាង ៤៥,០០០នាក់ នៅម៉ាឡេស៊ីមាន២៣,០២៧នាក់ នៅជប៉ុនមាន១១,៤៥៣នាក់ នៅសិង្ហបុរីមាន៨២១ នាក់ នៅចិនហុងកុង មាន២០២នាក់ និងអារ៉ាប៊ីសាអូឌីត
៤៣នាក់៕
អត្ថបទ៖ សំអឿន
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)