ព័ត៌មានជាតិ
មេបញ្ជាការតំបន់ប្រតិបត្តិការសឹករងប៉ៃលិន អំពាវនាវកងទ័ព និងគ្រួសារ ព្រមទាំងអតីតយុទ្ធជនទាំងអស់ អញ្ជើញមកចាក់វ៉ាក់សាំងដូសទី៥
ប៉ៃលិន ៖ រហូតមកដល់ព្រឹកថ្ងៃទី១១ ខែមិថុនា ឆ្នាំ២០២២នេះ នៅតំបន់ប្រតិបត្តិការសឹករង ប៉ៃលិន គេសង្កេតឃើញ នាយទាហាន នាយទាហានរង ពលទាហាន ព្រមទាំងគ្រួសារកងទ័ព នៅតែសម្រុកមកទទួលការចាក់វ៉ាក់សាំងបង្កាជំងឺកូវីដ ១៩ ដួសទី៥ ដែលជាដូសជំរុញ យ៉ាងច្រើនកុះករ។
នេះបើតាមការបញ្ជាក់ពីលោកឧត្តមសេនីយ៍ត្រី កែម អនុជ មេបញ្ជាការតំបន់ប្រតិបត្តិការសឹករងប៉ៃលិន ។ ឧត្តមសេនីយ៍ត្រី កែម អនុជ មេបញ្ជាការ តំបន់ប្រតិបត្តិការសឹករង ប៉ៃលិន ។
លោកឧត្តមសនីយ៍ត្រី កែម អនុជ មេបញ្ជាការ តំបន់ប្រតិបត្តិការសឹករង ប៉ៃលិន បានឲ្យដឹងថា ដើម្បីការពារនិងទប់ស្កាត់ការរីករាលដាល នៃជំងឺកូវីដ-១៩ដ៏កាចសាហាវនេះ ឱ្យកាន់តែមានប្រសិទ្ធភាពខ្ពស់នោះ ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានដាក់ចេញ នូវយុទ្ធនាការចាក់វ៉ាក់សាំងការពារ ជំងឺកូវីដ-១៩ដូសជំរុញ(ដូសទី០៥) ជូនដល់កងកម្លាំងប្រដាប់អាវុធ មន្ត្រីរាជការ និងផែនការបន្តចាក់ ជូនដល់ប្រជាពលរដ្ឋ នៅទូទាំង ប្រទេស ដោយឡែក ទីបញ្ជាការ តំបន់ប្រតិបត្តិការសឹករងប៉ៃលិន បានចាប់ផ្តើមបើកដំណើរការ ចាក់វ៉ាក់សាំការពារជំងឺកូវីដ-១៩ ដួសជំរុញ(ដូសទី៥) តាំងពីថ្ងៃទី៩ ខែមិថុនា ឆ្នាំ២០២២ ដោយក្រុមគ្រូពេទ្យ អង្គភាព។
ជាមួយគ្នានេះដែរ លោកឧត្តមសេនីយ៍ត្រីមេបញ្ជាការ ក៏បានគោរព ថ្លែងអំណរគុណដ៏ជ្រាលជ្រៅជាទី បំផុតចំពោះសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចពិជ័យសេ នា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ដែលលោកបានខិតខំប្រឹងប្រែងគ្រប់បែបយ៉ាង ដើម្បីរកវ៉ាក់សាំងមកចាក់ជូនមន្ត្រីរាជការ កងកម្លាំងប្រដាប់អាវុធគ្រប់ប្រភេទ និងប្រជាពលរដ្ឋគ្រប់ស្រទាប់ជាន់ថ្នាក់ ដែលធ្វើឱ្យបច្ចុប្បន្ននេះអស់រយៈពេលជាងមួយខែមកហើយ ដែលនៅទូទាំងព្រះរាជាណាចក្រកម្ពុជា មិនមានករណីអ្នកឆ្លងជំងឺកូវីដ-១៩ ថ្មី ឬស្លាប់ដោយសារជំងឺកូវីដ-១៩ ឡើយ។
លោកឧត្តមសេនីយ៍ត្រី មេបញ្ជាការ ក៏បានសំណូមពរដល់កងទ័ព គ្រួសារកងទ័ព និងបងប្អូនអតីតយុទ្ធជនទាំងអស់ត្រូវអញ្ជើញមកចាក់វ៉ាក់សាំងដូសទី៥ ដែលជាដូសជំរុញ ឲ្យបានគ្រប់ៗគ្នា នឹងត្រូវអនុវត្តឲ្យបានត្រឹមត្រូវតាមការណែនាំរបស់ក្រសួងសុខាភិបាលផងដែរ៕
អត្ថបទ ៖ សេង សុវណ្ណារិទ្ធ
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៨ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ