ព័ត៌មានជាតិ
រាជរដ្ឋាភិបាល ចាត់ទុកយុវជនពូកែ និងមានទេពកោសល្យខ្ពស់ ជាសសរទ្រូងដ៏រឹងមាំរបស់ប្រទេសជាតិ
មន្ត្រីជាន់ខ្ពស់ក្រសួងអប់រំយុវជននិងកីឡា បានអះអាងថា រាជរដ្ឋាភិបាលតែងតែយកចិត្តទុកដាក់ និងចាត់ទុកយុវជនពិសេសយុវជនដែលពូកែ និងមានទេពកោសល្យខ្ពស់ គឺជាសសរទ្រូងដ៏រឹងមាំរបស់ប្រទេសជាតិ និងជាអ្នកស្នងអ្នកស្រករមុននាពេលអនាគត។
ថ្លែងក្នុងពិធីបើកការប្រឡងជ្រើសរើសសិស្សពូកែទូទាំងប្រទេស កាលពីថ្ងៃទី១២ ខែមិថុនា នៅខេត្តសៀមរាប លោក បណ្ឌិតសភាចារ្យ ណាត ប៊ុនរឿន រដ្ឋលេខាធិការក្រសួងអប់រំយុវជននិងកីឡា បានមានប្រសាសន៍ថា បច្ចុប្បន្ននេះ
បច្ចេកវិទ្យា និងវិទ្យាសាស្ត្រទំនើបមានសន្ទុះរីកចម្រើនខ្លាំងណាស់ដែលជាហេតុនាំឱ្យនិន្នាការពិភពលោក និងប្រទេសក្នុងតំបន់កំពុងយកចិត្តទុកដាក់បណ្ដុះបណ្ដាលជួរអ្នកប្រាជ្ញជំនាន់ថ្មីវ័យក្មេងឱ្យមានសមត្ថភាព តាមទាន់របត់ចំណេះដឹងវិទ្យាសាស្ត្រជឿនលឿនដើម្បីបម្រើសេចក្ដីត្រូវការរបស់សង្គមជាតិនីមួយៗ។
លោកបណ្ឌិតសភាចារ្យបានបន្តថា « អាស្រ័យហេតុនេះហើយបានជាក្រសួងអប់រំយុវជន និងកីឡា និងរាជរដ្ឋាភិបាល តែងយកចិត្តទុកដាក់ជាពិសេសយុវជនដែលមានទេពកោសល្យខ្ពស់ ពូកែ ពីព្រោះអ្នកទាំងអស់នេះហើយដែលជាសសរទ្រូងដ៏រឹងមាំ របស់ប្រទេសជាតិ និងជាអ្នកស្នងអ្នកស្រករមុននាពេលអនាគត»។
លោកបណ្ឌិតសភាចារ្យ ក៏បានកោតសរសើរចំពោះគណៈកម្មការប្រឡងទាំងអស់ជាពិសេសនាយកដ្ឋានកិច្ចការប្រឡង ដែលបានយកអស់ស្មារតីទទួលខុសត្រូវដើម្បីឱ្យការប្រឡងលេចចេញជារូបរាងឡើងនាពេលនេះ។ លោកបណ្ឌិតសភាចារ្យ ក៏បានផ្ដាំផ្ញើដល់គ្រប់សមាសភាពគណៈគ្រប់គ្រងមេប្រយោគសូមលើកកម្ពស់ការទទួលខុសត្រូវខ្ពស់
ដើម្បីសម្រេចការងារប្រឡងនេះប្រកបដោយលទ្ធផលវិជ្ជមាននិងសូមផ្ដាំផ្ញើដល់ក្មួយៗ សិស្សានុសិស្សជាបេក្ខជនទាំងអស់ ត្រូវគោរពបទបញ្ញត្តិនៃការប្រឡងហើយខិតខំយកអស់សមត្ថភាពផ្ទាល់ខ្លួនដើម្បីដណ្ដើមជ័យលាភីប្រកបដោយកិត្តិយសជូនក្រុមគ្រួសារ សាលារៀន រាជធានី និងខេត្តរៀងៗខ្លួន ដោយប្រកាន់ខ្ជាប់នូវសុទិដ្ឋិនិយមជានិច្ចចំពោះការប្រឡងនេះ។
ក្រសួងអប់រំយុវជននិងកីឡា បានផ្អាកការប្រឡងជ្រើសរើសសិស្សពូកែនៅទូទាំងប្រទេសរយៈពេល២ឆ្នាំដោយសារការរាតត្បាតជំងឺកូវីដ១៩។ ប៉ុន្តែក្រោយពេលស្ថានភាពជំងឺនេះបានធូរស្រាលក្រសួងបានចាប់ផ្តើមប្រឡងឡើងវិញផ្នែកអក្សរសិល្ប៍ខ្មែរគណិតវិទ្យា និងរូបវិទ្យាសម្រាប់សិស្សថ្នាក់ទី ៩ និងថ្នាក់ទី១២ចាប់ពីថ្ងៃទី១៣ ខែមិថុនា ឆ្នាំ២០២២ នៅវិទ្យាល័យ១០មករា១៩៧៩ ខេត្តសៀមរាបនិងពីធីបិទចែកវិញ្ញាបនបត្រ និងរង្វាន់ជ័យលាភីនឹងប្រព្រឹត្តទៅនៅថ្ងៃទី១៩ ខែមិថុនា ឆ្នាំ២០២២។
លោក រស់ សុវាចា អ្នកនាំពាក្យក្រសួងអប់រំយុវជននិងកីឡា បានឱ្យដឹងថា ការរៀបចំប្រឡងឡើងវិញនេះក្នុងគោលដើម្បីលើកកម្ពស់គុណភាពអប់រំតាមរយៈការអភិវឌ្ឍធនធានមនុស្សដែលមានចំណេះដឹង និងជំនាញ ប្រកបដោយសមត្ថភាពខ្ពស់ សំដៅអភិវឌ្ឍសេដ្ឋកិច្ចក៏ដូចជាកសាងសង្គមជាតិឱ្យបានរឹងមាំក្រោយខនខានអស់រយៈពេល២ឆ្នាំដោយសារ
ការរាតត្បាតជំងឺកូវីដ១៩។ លោក រស់ សុវាចា បានបន្តទៀតថា «សម្រាប់ឆ្នាំនេះដំណើរការប្រឡងសិស្សពូកែទូទាំងប្រទេសមិនមានការប្រែប្រួលទេ។ចំណែកការជ្រើសរើសសិស្សតាមខេត្តចូលរួមប្រឡងថ្នាក់ជាតិនៅចំនួនដដែលនិងចំនួន
ចូលរួមប្រលងសិស្សពូកែនិងចំនួនជ័យលាភីជ្រើសរើសក៏នៅដ៏ដែល »។
គួរបញ្ជាក់ថា ការជ្រើសរើសសិស្សពូកែនៅទូទាំងប្រទេសមានពីរកំរិត គឺថ្នាក់ទី៩ និងថ្នាក់ទី១២ ដោយកំរិតនីមួយៗប្រឡងបីមុខវិជ្ជាគឺវិជ្ជាគណិត,រូបវិទ្យានិងអក្សរសិល្ប៍ខ្មែរដោយ១មុខវិជ្ជាជ្រើសរើសសិស្សចំនួន៨០នាក់នៅទូទាំងប្រទេសហើយបែងចែកទៅតាមកូតាខេត្តមានប្រជាជនតិចឬច្រើនដោយធ្វើម៉ិចឲ្យបាន៨០នាក់ក្នុង១មុខវិជ្ជាសរុបចំនួន៤៨
០នាក់។ ចំណែករាជធានីខេត្តនីមួយៗត្រូវប្រឡងចំរាញ់នៅខែមីនាឆ្នាំ២០២២ដោយយកសិស្សចំនួន១០នាក់ក្នុង១មុខវិជ្ជាដើម្បីបន្តទៅចូលរួមប្រឡងថ្នាក់ជាតិ។មានន័យថាថ្នាក់ទី៩យក៣០នាក់និងថ្នាក់ទី១២យក៣០មកប្រឡងនៅថ្នាក់ជាតិ។បន្ទាប់មកយកតែ១០នាក់ទេក្នុងមុខវិជ្ជានីមួយៗ។
ចំពោះជ័យលាភីវិញក្រសួងបានផ្តល់ចាប់ពីលេខ១ដល់លេខ១០តែជ័យលាភីលេខ១ ដល់លេខ៣ទទួលបានពាន់អបដោយថវិកាពីក្រសួង។ចំពោះប្រាក់រង្វាន់លេខ១ទទួលបានចំនួន៣លាន៥សែនរៀល,ចំណាត់ថ្នាក់លេខ២ទទួលបានចំនួន៣លាន២សែនរៀល,លេខ ៣ទទួលបាន២លាន៩សែនរៀល,លេខ៤ទទួលបាន២លាន៦សែនរៀល,លេខ៥ទទួ
លបាន២លាន៣សែនរៀល,លេខ៦ទទួលបាន២លានរៀល,លេខ៧ទទួលបាន១លាន៧សែនរៀល,លេខ៨ទទួ
លបាន១លាន៤សែនរៀល,លេខ៩ទទួលបាន១លាន១សែនរៀល,និងលេខ១០ទទួលបាន៨០ម៉ឺនរៀល៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ