ព័ត៌មានជាតិ
សមាគមអ្នកនិពន្ធខ្មែរ នឹងបើកវគ្គបណ្ដុះបណ្ដាល ស្ដីពី វិជ្ជានិពន្ធដល់យុវជន និងអ្នកដែលស្រលាញ់ការតែងនិពន្ធ
សមាគមអ្នកនិពន្ធខ្មែរ នៅថ្ងៃទី ១៥ ខែមិថុនា ឆ្នាំ២០២២នេះ បានប្រកាសជ្រើសរើសសិក្ខាកាមឲ្យចូលសិក្សាវគ្គបណ្ដុះបណ្ដាល ស្ដីពី វិជ្ជានិពន្ធ។ ការបណ្ដុះបណ្ដាលនេះ នឹងត្រូវបានរៀបចំចែកចេញជាពីរវគ្គ ដោយក្នុងមួយវគ្គៗ នឹងត្រូវជ្រើសរើសសិក្ខាកាមចំនួន ៤០នាក់ ឲ្យចូលរៀន។
សេចក្ដីជួនដំណឹងរបស់សមាគមអ្នកនិពន្ធខ្មែរ បានឲ្យដឹងថា ដើម្បីអាចចូលរៀនក្នុងវគ្គបណ្ដុះបណ្ដាលនេះបាន គឺបេក្ខជនចាំបាច់ត្រូវឆ្លងកាត់ការប្រលងជ្រើសរើស។ ក្នុងនោះដែរ ចំពោះបេក្ខជនដែលប្រលងជាប់ជាស្ថាពរ ត្រូវឆ្លងកាត់ការរៀនវគ្គទ្រឹស្ដីអក្សរសិល្ប៍ រយៈពេលយ៉ាងតិច ៣០ម៉ោង ឬ ៤សប្ដាហ៍ មុននឹងបន្តទៅសិក្សាវគ្គជំនាញ។
ទាក់ទងនឹងការបរិច្ឆេទនៃការសិក្សាវិញ គឺវគ្គទីមួយសិក្សាពីថ្ងៃច័ន្ទដល់ថ្ងៃព្រហស្បតិ៍ និងវគ្គទីពីរសិក្សាពីថ្ងៃសៅរ៍ដល់ថ្ងៃអាទិត្យ ជារៀងរាល់សប្ដាហ៍។ វគ្គទាំងពីរនេះ នឹងត្រូវចាប់ផ្ដើមចូលរៀន នៅថ្ងៃទី ៤ ខែកក្កដា ឆ្នាំ ២០២២ ដែលមានទីតាំងនៅ សហសាល រីម គីន ជាន់ទីមួយនៃអគារសមាគមអ្នកនិពន្ធខ្មែរ ស្ថិតក្នុងបរិវេនវត្តបុទុវតី។
ចំពោះប្រធានបទសំខាន់ៗ នៃវគ្គបណ្ដុះបណ្ដាលលើវិជ្ជានិពន្ធនេះដែររួមមាន៖
១. ឈ្វេងយល់អំពីទ្រឹស្ដីអក្សរសិល្ប៍
២. សិល្ប៍វិធីតែងនិពន្ធប្រលោមលោក កំណាព្យ រឿងខ្លី និងទំនុកច្រៀង
៣. ក្រមសីលធម៍របស់អ្នកនិពន្ធ និងអ្នកបង្កើតស្នាដៃ
៤. ទស្សនវិជ្ជាក្នុងស្នាដៃនិពន្ធ
៥. វិធីសាស្ត្រសរសេរអត្ថបទភាពយន្ត
៦. វិធីសាស្រ្តសរសេរអត្ថបទវិទ្យា វណ្ណកថា និងសិក្សាកថា។
ចំពោះយុវជន និងអ្នកដែលចង់សិក្សា អាចចុះឈ្មោះចាប់ពីថ្ងៃទីជួនដំណឹងនេះ រហូតដល់ថ្ងៃទី ៣០ ខែមិថុនា ឆ្នាំ ២០២២។ ទីកន្លែងទទួលពាក្យ គឺនៅទីស្នាក់ការរបស់សមាគមអ្នកនិពន្ធខ្មែរ ឬតាមរយៈអ៊ីម៉ល [email protected]៕
អត្ថបទ៖ លន់សេនី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង