ព័ត៌មានជាតិ
សហគមន៍នេសាទមួយដាំដើមរំដេញ៥០០០ដើម ក្រោយមានការកាប់ទន្ទ្រានកន្លងមក
ក្រោយពីមានការរំលោភកាប់ទន្ទ្រាន និងដុតបំផ្លាញព្រៃលិចទឹកពីសំណាក់ជនខិលខូចមួយចំនួនដែលធ្វើឲ្យមានផលប៉ះពាល់យ៉ាងធ្ងន់ធ្ងរដល់ព្រៃធម្មជាតិបង្កការបាត់បង់ជីវិតសត្វចម្រុះក៏ដូចជាប៉ះពាល់នូវជីវៈចម្រុះ និងធនធានបរិស្ថានដែលជាដែនជម្រកមច្ឆាជាតិដ៏មានសក្តានុពលនិងសារៈប្រយោជន៍យ៉ាងសំខាន់សំរាប់ជាជម្រកការរក្សាពូជត្រីពងកូនទាំងក្នុងរដូវប្រាំង និងរដូវវស្សាក៏ដូចជាជម្រកសត្វស្លាប និងសត្វព្រៃរស់នៅក្នុងតំបន់ព្រៃរនាមលិចទឹកផង។
កាលពីព្រឹកថ្ងៃទី២០ ខែធ្នូ ឆ្នាំ២០២០ សហគមន៍នេសាទ(រាំងពេន៣ត)បានយកដើមរំដេញចំនួន៥ពាន់ដើមទៅដាំជំនួសឡើងវិញនៅក្នុងតំបន់(បឹងរាំងពេន៣ត) ដែលមានភូមិសាស្ត្រ ចម្ងាយជិត២០គីឡូម៉ែត្រនៅភាគខាងជើងឈៀងខាងកើតពីទីប្រជុំជនស្រុកឯកភ្នំនិងមានចម្ងាយប្រមាណជាង៣០គីឡូម៉ែត្រពីទីរួមខេត្តបាត់ដំបង។
សហគមន៍នេសាទតំបន់បឹងអភិរក្សត្រីពូជពងកូន(រាំងពេន៣ត)នេះ បច្ចុប្បន្នមានវិសាលភាពក្នុងការគ្រប់គ្រងដែនអភិរក្សក្នុងសហគមន៍ខ្លួនលើផ្ទៃដីប្រមាណ១.៣៩០ហិកតា ក្នុងនោះមានបឹងចំនួន២៩ផងដែរស្ថិតក្នុងភូមិសាស្ត្រដែលកំណត់ដោយច្បាប់និងមានការ អនុញ្ញាតិពីរាជរដ្ឋាភិបាលកម្ពុជានិងការទទួលស្គាល់ជាផ្លូវការពីក្រសួងកសិកម្មរុក្ខាប្រម៉ាញ់និងនេសាទ រួមនិងអាជ្ញាធរពាក់ព័ន្ធគ្រប់លំដាប់ថ្នាក់ តាំងពីអំឡុងឆ្នាំ២០០៣ រហូតមក។ បច្ចុប្បន្នសហគមន៍មួយនេះត្រូវបានកំពុងធ្វើការអភិរក្សលើផ្ទៃដីប្រមាណ១០០ហិកតា និងមានបឹងចំនួន២ គឺបឹងរាំងពេន និងបឹង៣ត ក្នុងចំណោមផ្ទៃដីនិងបឹងសរ៉ុបខាងលើ។
លោក ភី ហឿត ជាប្រធានសហគមន៍នេសាទស្តីក្រោមរហាលសួង នៃបឹងអភិរក្សពូជត្រីពងកូនរាំងពេន៣ត ស្ថិតក្នុងភូមិស្តីក្រោមឃុំ ព្រែកហ្លួង ស្រុកឯកភ្នំខេត្តបាត់ដំបង បានឲ្យដឹងកាលពីរសៀលថ្ងៃទី២០ ខែធ្នូ ថា៖ ជារៀងរាល់ឆ្នាំសហគមន៍នេសាទរបស់លោកបានធ្វើការដាំដុះព្រៃលេចទឹកក្នុងដែន ភូមិសាស្ត្ររបស់ខ្លួនជាបន្តបន្ទាប់។ ហើយកន្លងមកប្រជាសហគមន៍ព្រះសង្ឃរួមទាំងអាជ្ញាធរមូលដ្ឋាននៅទីនេះក៏បាននាំគ្នាធ្វើពិធីដាំកូនឈើព្រៃលេចទឹកឡើងវិញក្នុងដែនសហគមន៍បានមួយចំនួនផងដោយគិតមកដល់ពេលនេះ កូនឈើដើមរំដេញសហគមន៍បានធ្វើការដាំដុះបានប្រមាណជិត១.០០០ដើមរួចមកហើយនោះខ្លះក៏ចាប់ផ្តើមផ្លែជាបណ្តើរៗផងដែរ។
លោក ភី ហឿត ប្រធានសហគមន៍នេសាទក៏បានសំណូមពរនិងធ្វើការអំពាវនាវដល់បងប្អូនប្រជានេសាទទាំងអស់ ទាំងរស់នៅក្នុងដែនអភិរក្សត្រីពូជ ពងកូនរាំងពេន៣តក្នុងភូមិសាស្ត្រសហគមន៍គ្រប់គ្រងរបស់ខ្លួនក្តី និងក្រៅភូមិសាស្ត្រសហគមន៍របស់ខ្លូនក្តីត្រូវចូលរួមគោរពច្បាប់ទាំងអស់គ្នា។ក្នុងនោះត្រូវបញ្ឈប់ការកាប់ទន្ទ្រានបំផ្លាញព្រៃលិចទឹក យកដីនិងបញ្ឈប់ការដុតបំផ្លាញនូវព្រៃលេចទឹកព្រៃបរិស្ថានធម្មជាតិដែលជាទីនៃដែនជម្រកត្រីពូជពងកូន ជម្រកសត្វស្លាបនិងសត្វព្រៃរស់នៅដែលបានបង្កឲ្យសត្វគ្រប់ប្រភេទបានឆេះងាប់ស្ទើរដាច់ពូជកន្លងមកនិងបន្តការអភិរក្សទាំងអស់គ្នាឲ្យកាន់តែប្រសើឡើងមួយកម្រិតបន្ថែមទៀតដើម្បីផលប្រយោជន៍យើងទាំងអស់គ្នា៕
អត្ថបទ ៖ សៅ សារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង