កីឡា

សួន ចាន់ណារ៉ូ និយាយយ៉ាងណាចំពោះការប្រកួតរវាងក្រុមបាល់ទះកម្ពុជា ប៉ះ ឥណ្ឌូណេស៊ី ម្សិលមិញ

បានផុស

១ year មុន

នៅ

ថ្ងៃសៅរ៍ ១២ កក្កដា ២០២៥

ដោយ

អតីតកីឡាករបាល់ទះជម្រើសជាតិកម្ពុជា សួន ចាន់ណារ៉ូ ថាក្រុមកម្ពុជាលេងម្សិលមិញប៉ះជាមួយក្រុមខ្លាំង ឥណ្ឌូណេស៊ី លើកនេះល្អជាងការប្រកួតមុនៗនៅឯស៊ីហ្គេម ឆ្នាំ២០២៣ នៅកម្ពុជាផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សួន ចាន់ណារ៉ូ

លើកឡើងក្នុងការឡាយលើហ្វេសបុករបស់ខ្លួន សួន ចាន់ណារ៉ូ សរសើរក្រុមបាល់ទះជម្រើសជាតិកម្ពុជាថាការប៉ះជាមួយឥណ្ឌូណេស៊ី លើកនេះល្អជាងកាលប្រកួតលើកមុនអំឡុងស៊ីហ្គេម ឆ្នាំ២០២៣ នៅកម្ពុជាទៅទៀត។ រំលឹកទៅកាលស៊ីហ្គេម នៅកម្ពុជាពេលនោះមានទាំងរូបខ្លួនផងលេងមិនបានល្អប៉ុណ្ណេះទេ ពោលខំប្រឹងអស់ហើយនៅមិនបានពិន្ទុដល់ ២០គ្រាប់ផង។ តែការប្រកួតម្សិលមិញនេះឃើញថាក្រុមជម្រើសជាតិលេងបានល្អ និងរីកចម្រើន។

រូបភាពសហព័ន្ធបាល់ទះ

អតីតកីឡាកឆ្នើមរូបនេះបន្ថែមទៀត សូមអ្នកគាំទ្រទាំងអស់ជួយលើកទឹកចិត្តកីឡាករបន្តទៀត ព្រោះម្នាក់ៗនៅក្នុងទីលានចង់ឈ្នះជាងប្រិយមិត្តអ្នកទស្សនាផង។ ដូច្នេះហើយមានតែការគាំទ្រ លើកទឹកចិត្តកីឡាករប៉ុណ្ណោះ ទើបធ្វើឲ្យពួកគេមានកម្លាំងចិត្ត និងបន្តខំប្រឹងតទៅទៀតរកជ័យជម្នះជូនប្រទេសជាតិ។

រូបភាពសហព័ន្ធបាល់ទះ

បញ្ជាក់ដែរថា ក្រុមបាល់ទះជម្រើសជាតិកម្ពុជាបច្ចុប្បន្ននេះកំពុងចូលរួមការប្រកួតបាល់ទះជើងឯកអាស៊ាន SEA V. League ឆ្នាំ២០២៥ ដំណាក់កាលទី១ ចាប់ពីថ្ងៃទី ១១ ដល់ ១៣ ខែកក្កដា ឆ្នាំ ២០២៥ ប្រកួតនៅប្រទេសហ្វីលីពីន ។ ២ប្រកួតកន្លងទៅនេះកម្ពុជាបានចាញ់ វៀតណាម ០-៣ និង ចាញ់ ឥណ្ឌូណេស៊ី ០-៣ កាលថ្ងៃទី១១ ខែកក្ដដា ម្សិលមិញនេះ។ ល្ងាចម៉ោង៦ ថ្ងៃនេះកម្ពុជានឹងត្រូវប៉ះម្ចាស់ផ្ទះហ្វីលីពីនបន្តទៀត៕