ព័ត៌មានជាតិ
កុមារមិនក្រោម១០នាក់ទេក្នុង១ថ្ងៃ ចូលព្យាបាលជំងឺនៅមន្ទីរពេទ្យខេត្តកោះកុង ដើមរដូវវស្សានេះ
កោះកុង ៖ គ្រូពេទ្យនៃមន្ទីរពេទ្យ បង្អែកខេត្តកោះកុង ឱ្យដឹងថា មានកុមារមិនក្រោម១០នាក់នោះទេក្នុង១ថ្ងៃៗបានចូលពិនិត្យ និងសម្រាកព្យាបាលជំងឺគ្រុនឈាម រាករូស និងរលាកបំពង់ក អំឡុងដើមរដូវវស្សាឆ្នាំ២០២២។
លោកស្រីវេជ្ជបណ្ឌិត ឆែ ហ្សឺឌី ប្រធានផ្នែកអគារកុមារនៃមន្ទីរពេទ្យបង្អែកខេត្តកោះកុង ថ្លែងកាលពីថ្ងៃទី២៣ ខែមិថុនា ម្សិលមិញថា ជាង២ខែមកនេះ ចំនួនកុមារដែលឈឺគ្រុនឈាម រលាកបំពង់ និងជំងឺរាករូស បានសម្រុកមកទទួលសេវាពិនិត្យ និងព្យាបាលនៅមន្ទីរពេទ្យមានយ៉ាងហោចណាស់៥០ទៅ៦០នាក់ ក្នុង១ខែៗ បើធៀបនឹងឆ្នាំ២០២១កើនឡើង៦០ភាគរយ។
លោកស្រីវេជ្ជបណ្ឌិត ឆែ ហ្សឺឌី គូសបញ្ជាក់ទៀតថា ការដែលធ្វើឲ្យកុមារកើតជំងឺទាំងនេះ ដោយសារតែក្នុងមូលដ្ឋានរស់នៅរបស់ពលរដ្ឋមានទឹកដកច្រើន ក្រោយភ្លៀងធ្លាក់ជាហូរហែឥតដាច់។ ម្យ៉ាងទៀត អាហារដែលកុមារញុំាមិនត្រឹមត្រូវ ទើបធ្វើកើតជំងឺរាករូស និងរលាកបំពង់ក។
បើតាមគ្រូពេទ្យជំនាញ អះអាងថា ពុំមានកុមារណាមួយបានបាត់បង់ជីវិតនោះទេ ព្រោះក្រុមគ្រូពេទ្យនៅមន្ទីរពេទ្យខេត្តកោះកុងបានផ្តោតការយកចិត្តទុកដាក់ខ្ពស់អំពីសុខភាពរបស់ពលរដ្ឋអ្នកជំងឺ ប្រកបដោយគុណភាព វិជ្ជាជីវៈ និងបង្កើនទំនុកចិត្តពីសាធារណជន។
គួរកត់សម្គាល់ថា អំឡុងពេលកុមារសម្រាកព្យាបាលជំងឺ ក្រុមគ្រូពេទ្យ ក៏បានអប់រំណែនាំផងដែរអំពីរបៀបធ្វើអនាម័យថែទាំសុខភាព ចៀសវាងបន្តកើតមានជំងឺគ្រុនឈាម ជំងឺរាករុស និងជំងឺរលាកបំពង់ក ជាថ្មីម្តង ពេលត្រឡប់ទៅលំនៅដ្ឋានរបស់ខ្លួនវិញ។
អ្នកស្រី ម៉ុច ស្រីពៅ ជាពលរដ្ឋមកពីឃុំប៉ាក់ខ្លង ស្រុកមណ្ឌលសីមា និងអ្នកស្រី យិន នឿន ជាពលរដ្ឋមកពីសង្កាត់ដងទង ក្រុងខេមរភូមិន ដែលមានកូនកើតជំងឺគ្រុនឈាម និងរលាកបំពង់ក រាករូស ផងនោះ បានលើកឡើងថា ពួកគាត់យកកូនមកព្យាបាល២ទៅ៣ថ្ងៃមកហើយ ឥឡូវស្ថានភាពកូនបានធូរស្រាលអាចនឹងត្រឡប់ទៅផ្ទះបានឆាប់ៗដែរ។
ពលរដ្ឋជាអាណាព្យាបាលកុមារខាងលើ ទទួលស្គាល់ថា មូលដ្ឋានរស់នៅរបស់ផងខ្លួនមានភ្លៀងធ្លាក់ច្រើនកង្វះការសម្អាតអនាម័យជុំវិញផ្ទះទើបបណ្តាលឱ្យមូសខ្លាខាំកូនបង្កជំងឺបែបនេះ។ ចំពោះការហូបចុកចំណីក៏ពុំមានល្អស្អាតដែរ។ ពេលដឹងថាសុខភាពកូនមិនស្រួល ប្រញាប់នាំមកមន្ទីរពេទ្យតែម្តង។ ហើយពេលទៅផ្ទះពួកគាត់អនុវត្តពីអ្វីដែលគ្រូពេទ្យអប់រំណែនាំធ្វើអនាម័យសុខភាព ហូបផឹកស្អាត និងរស់នៅស្អាត។
ម្តាយឪពុក និងអាណាព្យាបាលកុមារដែលកំពុងសម្រាកព្យាបាលជំងឺ និងខ្លះទៀតត្រៀមចេញពីមន្ទីរពេទ្យត្រឡប់ទៅវិញ ថ្លែងអំណអរគុណចំពោះក្រុមគ្រូពេទ្យដែលយកចិត្តទុកដាក់ពិនិត្យ និងព្យាបាលកុមារៗពួកគាត់បានធូរស្រាល និងជាសះស្បើយ។ សម្តីសំដៅសុភាពរាបសាល្អ សក្តិសមនឹងគ្រូពេទ្យ រីឯផ្តល់ថ្នាំព្យាបាលវិញ ក៏គោរពពេលវេលាមានទំនុកចិត្តខ្ពស់៕
អត្ថបទ ៖ សិរីវឌ្ឍនៈ
ខាត់ សុឃីម ណែនាំអ្នកជួបរឿងបាក់ទឹកចិត្ត ដាច់ខាតកុំបោះបង់ខ្លួនឯង ទោះជីវិតធ្លាក់ដល់ចំណុចសូន្យ
នាយករដ្ឋមន្ត្រីបញ្ជាឱ្យពិនិត្យទុកកោះមួយចំនួនសម្រាប់បម្រើឱ្យវិស័យការពារជាតិ
មិនទាន់ធ្វើចិត្តបានរឿងសាន់ឆាយ DJ Koo ឥលូវនេះប្រែជាស្រកគីឡូស្រឺតៗ និងយំរាល់ថ្ងៃ
Lee Dong Wook ប្រឈមការរិះគន់ ពាក់ព័ន្ធនយោបាយ លោក Yoon Suk Yeol
តម្លៃហាងឆេងមាសដាំក្បាលចុះ ១០០ ដុល្លារ
Breaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ
កម្ពុជានឹងទម្លាក់ពន្ធនាំចូលទំនិញអាមេរិក ១៩ ប្រភេទ មកត្រឹម ៥%
មេប៉ូលិសជាតិ ឱ្យត្រៀមការពារសុវត្ថិភាពកម្រិតខ្ពស់ ស្របពេលមានការផ្សាយថា ស៊ី ជីនពីង នឹងមកកម្ពុជា
រុស្ស៊ី វាយប្រហារស្រុកកំណើតលោក ហ្សេលេនស្គី សម្លាប់មនុស្ស១៨នាក់ ក្នុងនោះមានកុមារ ៩នាក់
អាស៊ីប៉ាពូនូវែលហ្គីណេ ជួបគ្រោះរញ្ជួយដីកម្រិត៦.៩រ៉ិចទ័រ ទាញសញ្ញាព្រមានរលកយក្សស៊ូណាមិ
-
ព័ត៌មានជាតិ៤ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ៣ ថ្ងៃ agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ២ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៤ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៥ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ២២ ម៉ោង agoBreaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ