ព័ត៌មានជាតិ
ក្រសួងទេសចរណ៍ឱ្យប្រជាសហគមន៍ត្រៀមទទួលភ្ញៀវទេសចរដែលមកលេងតំបន់ធម្មជាតិដងទន្លេមេគង្គលើ
ក្រសួងទេសចរណ៍លើកទឹកចិត្តឱ្យប្រជាសហគមន៍អេកូទេសចរណ៍ត្រៀមខ្លួនដើម្បីទទួលភ្ញៀវទេសចរសារជាថ្មី ដោយចាប់ផ្តើមពីទេសចរណ៍ក្នុងស្រុក ក្នុងពេលដែលភ្ញៀវទេសចរបានផ្លាស់ប្តូរគោលដៅទេសចរណ៍មកកាន់តំបន់ធម្មជាតិនៅតាមដងទន្លេមេគង្គលើ។
លោក តុប សុភ័គ រដ្ឋលេខាធិការក្រសួងទេសចរណ៍មានប្រសាសនន៍ថា៖ ផែនការមេអភិវឌ្ឍវិស័យទេសចរណ៍រយៈពេល៥ឆ្នាំ ២០២២-២០២៦ ជាគោលដៅយ៉ាងសំខាន់ ឈានទៅរកកិច្ចសហប្រតិបត្តិការរួមគ្នា ជាមួយអាជ្ញាធរមូលដ្ឋាន អង្គការដៃគូ វិស័យឯកជន និងបានជំរុញការផ្សព្វផ្សាយពីសក្តានុពលទេសចរណ៍នៅតាមតំបន់ឱ្យកាន់តែទូលាយផងដែរ។
លោករដ្ឋលេខាធិការមានប្រសាសន៍បន្តថា៖ ការបង្កើតសហគមន៍អេកូទេសចរណ៍គឺយើងបានជួយលើកកម្ពស់ជីវភាពរស់នៅរបស់ប្រជាពលនៅតាមតំបន់ស្របតាមគោលនយោបាយជាតិអេកូទេសចរណ៍ ២០១៩-២០៣០ អញ្ចឹងផែនការមួយដែលធ្វើហើយបានល្អ ដូចនៅថ្ងៃនេះ គឺមានផែនការមេអភិវឌ្ឍន៍ទេសចរណ៍ នៅបុរីអូរស្វាយ និងកោះហាននេះ បើយើងធ្វើការបានល្អហើយ ប៉ុន្តែផែនការបានល្អ គឺមិនមែនមានន័យថាយើងជោគជ័យ ១០០% ទេ គឺមានផែនការជោគជ័យបានតែ ៣០%ទេ អញ្ចឹងផែនការល្អយ៉ាងណាក៏ដោយក៏ប៉ុន្តែ បើមិនមិនមានការអភិវឌ្ឍន៍ឱ្យបានល្អ គឺយើងអត់ទទួលបានជោគជ័យពេញលេញទេ។
លោក ស៊ីម ប៊ុនធឿន ប្រធានកម្មវិធីនៃអង្គការកម្មវិធីផ្លាស់ប្តូរបទពិសោធន៍ អនុផលព្រៃឈើហៅកាត់ថា NTFP EP ដែគូគាំទ្រអភិវឌ្ឍសហគមន៍បានបញ្ជាក់ថា៖អង្គការ NTFP EP និងជួយសម្របសម្រួលសហគមន៍ក្នុងការរៀបចំផែនការមេសម្រាប់អភិវឌ្ឍតំបន់អេកូទេសចរណ៍រយៈពរល៥ឆ្នាំប្រកបដោយចីរភាពអ្វីដែលសង្ឃឹមបន្តគឺម្ចាស់ជំនួយក្រុមហ៊ុនឯកជន ស្ថាប័នពាក់ព័ន្ធឬក៏ភ្ញៀវទេសចរណ៍ជាសប្បុរសជនដែលអាចជួយបំពេញបន្ថែម ទៅលើផែនការមេនេះធ្វើយ៉ាងម៉េចរុញឲ្យ សហគមន៍និង មានចលនាមានសកម្ម ឆ្លើយតបទៅនឹងផែនការនីមួយៗនៃឆ្នាំនីមួយៗរបស់គាត់។
លោក គង់ ចាន្ធី ប្រធានសហគមន៍អេកូទេចរណ៍បុរីអូរស្វាយសែនជ័យ សំដែងការសាទរ ចំពោះ ស្ថាប័ន ពាក់ព័ន្ធនិងអង្គការដៃគួដែលតែងគិតគូ ពីការអភិវឌ្ឍន៍សហគមន៍ អេកូទេសចរណ៍ ព្រោះនៅតាមតំបន់និមួយៗមានសក្តានុពលធម្មជាតិ អំណោយផលល្អទៅលើវិស័ទេសចរណ៍។
លោកបន្តថា៖ ជាមួយគ្នានេះប្រជាសហគមន៍បន្តខិតខំប្រឹងប្រែង បំពេញកាត្វកិច្ចរបស់ខ្លួន ឱ្យកាន់តែប្រសើរឡើង ទាំងការរៀបចំផ្ទះស្នាក់នៅ អាហារដ្ឋានមានរសជាតិឆ្ងាញ់ ប្រកបដោយអនាម័យ និងសេវាកម្មដឹកជញ្ជូនប្រកបដោយសុវត្ថិភាព។
សូមបញ្ចាក់ថា៖ ខេត្តស្ទឹងត្រែងបង្កើតបានសហគមន៍អរកូទេសចរណ៍ចំនួន៦ហើយ ក្នុងនោះមានសហគមន៍អេកូទេសចរណ៍ បុរីអូរស្វាយ អូរឬស្សីកណ្តាល កោះព្រះ កោះហាន ព្រះរំកិល និងភ្នំជម្រកសត្វឆ្វាំង ដែលកំពុងដំណើរការទទួលភ្ញៀវទេសចរណ៍៕
អត្ថបទ៖ ងិនលីម
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ២ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន