ព័ត៌មានជាតិ
មកដឹងចំនួនវ៉ាក់សាំងបង្ការកូវីដ-១៩ ដែលកម្ពុជាមានសម្រាប់ចាក់ជូនពលរដ្ឋ
រដ្ឋមន្ត្រីក្រសួងសុខាភិបាល លោក ម៉ម ប៊ុនហេង មានប្រសាសន៍ថា រហូតមកដល់ពេលនេះ កម្ពុជាមានវ៉ាក់សាំងកូវីដ-១៩ ប្រមាណជាង ៧៤ លានដួស ដោយរួមទាំងវ៉ាក់សាំងជំនួយទ្វេភាគី ជំនួយតាមមជ្ឈមណ្ឌលកូរ៉ាក់ និងការបញ្ជាទិញដោយផ្ទាល់ សម្រាប់ចាក់ជូនប្រជាពលរដ្ឋ។
ថ្លែងក្នុងពិធីប្រគល់-ទទួលវ៉ាក់សាំងកូវីដ-១៩ ប្រភេទ Pfizer ដែលជាជំនួយរបស់រដ្ឋាភិបាលអូស្ត្រាលី នៅព្រឹកថ្ងៃទី ៨ ខែកក្កដានេះ នៅអាកាសយានដ្ឋាន អន្តរជាតិភ្នំពេញ លោករដ្ឋមន្ត្រីបានបន្តថា ក្នុងចំណោមវ៉ាក់សាំងប្រមាណជាង ៧៤ លានដូស ក្នុងនោះបានដឹកមកដល់ប្រទេសកម្ពុជាប្រមាណ ៥៣ លានដូស និងនៅសល់ប្រមាណ ២១ លានដូសទៀតនឹងមកដល់ជាបន្តបន្ទាប់។
លោករដ្ឋមន្ត្រីបានបន្តទៀតថា គិតត្រឹមចុងខែមិថុនា ឆ្នាំ ២០២២ នេះ កម្ពុជានៅសល់វ៉ាក់សាំងក្នុងឃ្លាំងប្រមាណជាង ៨ លានដូស សម្រាប់បន្តចាក់ជូនប្រជាពលរដ្ឋ។
លោករដ្ឋមន្ត្រីបានបន្ថែមថា រាជរដ្ឋាភិបាលកម្ពុជាបានចាប់ផ្ដើមយុទ្ធនាការចាក់វ៉ាក់សាំងកូវីដ-១៩តាំងពីថ្ងៃទី ១០ ខែកុម្ភៈ ឆ្នាំ ២០២១ តាមអភិក្រមផ្ការីក ដែលបានដាក់ចេញដោយ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការអនុវត្តផែនការជាតិ ស្តីពី យុទ្ធនាការចាក់វ៉ាក់សាំងកូវីដ-១៩ គោលការណ៍ណែនាំប្រតិបត្តិសម្រាប់យុទ្ធនាការផ្តល់ថ្នាំបង្ការជំងឺកូវឹដ-១៩ និង ពិធីសារ ស្តីពី យុទ្ធនាការចាក់វ៉ាក់សាំងកូវីដ-១៩.ផែនការមេសម្រាប់យុទ្ធនាការចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស និងផែនការយុទ្ធសាស្ត្រ ស្តីពី យុទ្ធនាការជាតិចាក់វ៉ាកសាំងកូវីដ-១៩ ដែលបានបង្កើតនូវភាពស៊ាំសហគមន៍ អាចឱ្យកម្ពុជាបើកឡើងវិញសេដ្ឋកិច្ច-សង្គម តាំងពីខែវិច្ឆិកា ឆ្នាំ ២០២១។
លោករដ្ឋមន្ត្រីបានបញ្ជាក់ទៀតថា យុទ្ធការចាក់វ៉ាក់សាំងកូវីដ-១៩ បាន និងកំពុងដំណើរការយ៉ាងសកម្មដោយគិតត្រឹមចុងខែ មិថុនា ឆ្នាំ២០២២ ការចាក់វ៉ាក់សាំងសម្រេចបានជាង ៩៤% ធៀបនឹងប្រជាជនសរុប ១៦ លាននាក់។ លើសពីនេះទៀត ដោយការគិតគូរសុខភាពរបស់ចៅៗនៅទូទាំងប្រទេស សម្ដេចដោនាយក រដ្ឋមន្ត្រី បានអនុញ្ញាតឱ្យចាក់វ៉ាក់សាំងជំងឺកូវីដ-១៩ ដល់ចៅៗ មានអាយុចាប់ពី ៣ ឆ្នាំឡើង។
លោករដ្ឋមន្ត្រីបានណែនាំថា ទោះបីជា បានចាក់វាក់សាំងកូវីដ-១៩ រួចរាល់ហើយក៏ដោយ សូមបងប្អូនប្រជាពលរដ្ឋគ្រប់រូបត្រូវបន្តអនុវត្តតាមការណែនាំដ៏ខ្ពង់ខ្ពស់របស់ សម្តេចតេជោនាយករដ្ឋមន្ត្រី អំពីវិធីការពារខ្លួនគឺ ៣ ការពារ និង ៣ កុំដើម្បីការពារការឆ្លងរីករាលដាលនៅក្នុងសហគមន៍៕
អត្ថបទ៖ សំអឿន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ